Rig-Veda-Mandala-8

(621)
maa ci'd a`nyad vi shaM'sata` sakhaa'yo` maa ri'ShaNyata |
indra`m it sto'taa` vR^iSha'NaM` sacaa' su`te muhu'r u`kthaa ca' shaMsata || {8}{001}{01}
a`va`kra`kShiNaM' vR^iSha`bhaM ya'thaa`juraM` gaaM na ca'rShaNii`saha'm |
vi`dveSha'NaM saM`vana'nobhayaMka`ram maMhi'ShTham ubhayaa`vina'm || {8}{001}{02}
yac ci`d dhi tvaa` janaa' i`me naanaa` hava'nta uu`taye' |
a`smaaka`m brahma' i`dam i'ndra bhuutu` te .a'haa` vishvaa' ca` vardha'nam || {8}{001}{03}
vi ta'rtuuryante maghavan vipa`shcito' a`ryo vipo` janaa'naam |
upa' kramasva puru`ruupa`m aa bha'ra` vaajaM` nedi'ShTham uu`taye' || {8}{001}{04}
ma`he ca`na tvaam a'drivaH` paraa' shu`lkaaya' deyaam |
na sa`hasraa'ya` naayutaa'ya vajrivo` na sha`taaya' shataamagha || {8}{001}{05}
vasyaa'm+ indraasi me pi`tur u`ta bhraatu`r abhu'~njataH |
maa`taa ca' me ChadayathaH sa`maa va'so vasutva`naaya` raadha'se || {8}{001}{06}
kveyatha` kved a'si puru`traa ci`d dhi te` manaH' |
ala'rShi yudhma khajakR^it puraMdara` pra gaa'ya`traa a'gaasiShuH || {8}{001}{07}
praasmai' gaaya`tram a'rcata vaa`vaatu`r yaH pu'raMda`raH |
yaabhiH' kaa`Nvasyopa' ba`rhir aa`sadaM` yaasa'd va`jrii bhi`nat puraH' || {8}{001}{08}
ye te` santi' dasha`gvinaH' sha`tino` ye sa'ha`sriNaH' |
ashvaa'so` ye te` vR^iSha'No raghu`druva`s tebhi'r na`s tuuya`m aa ga'hi || {8}{001}{09}
aa tv akp dya sa'ba`rdughaaM' hu`ve gaa'ya`trave'pasam |
indraM' dhe`nuM su`dughaa`m anyaa`m iSha'm u`rudhaa'raam araM`kR^ita'm || {8}{001}{10}
yat tu`dat suura` eta'shaM va`~Nkuu vaata'sya pa`rNinaa' |
vaha`t kutsa'm aarjune`yaM sha`takra'tuH` tsara'd gandha`rvam astR^i'tam || {8}{001}{11}
ya R^i`te ci'd abhi`shriShaH' pu`raa ja`trubhya' aa`tR^idaH' |
saMdhaa'taa saM`dhim ma`ghavaa' puruu`vasu`r iShka'rtaa` vihru'ta`m punaH' || {8}{001}{12}
maa bhuu'ma` niShTyaa' i`vdra` tvad ara'Naa iva |
vanaa'ni` na pra'jahi`taany a'drivo du`roShaa'so amanmahi || {8}{001}{13}
ama'nma`hiid a'naa`shavo' .anu`graasa'sh ca vR^itrahan |
sa`kR^it su te' maha`taa shuu'ra` raadha'saa` anu` stoma'm mudiimahi || {8}{001}{14}
yadi` stoma`m mama` shrava'd a`smaaka`m indra`m inda'vaH |
ti`raH pa`vitraM' sasR^i`vaaMsa' aa`shavo` manda'ntu tugryaa`vR^idhaH' || {8}{001}{15}
aa tv akp dya sa`dhastu'tiM vaa`vaatuH` sakhyu`r aa ga'hi |
upa'stutir ma`ghonaa`m pra tvaa'va`tv adhaa' te vashmi suShTu`tim || {8}{001}{16}
sotaa` hi soma`m adri'bhi`r em e'nam a`psu dhaa'vata |
ga`vyaa vastre'va vaa`saya'nta` in naro` nir dhu'kShan va`kShaNaa'bhyaH || {8}{001}{17}
adha` jmo adha' vaa di`vo bR^i'ha`to ro'ca`naad adhi' |
a`yaa va'rdhasva ta`nvaa gi`raa mamaa jaa`taa su'krato pR^iNa || {8}{001}{18}
indraa'ya` su ma`dinta'maM` somaM' sotaa` vare'Nyam |
sha`kra e'Nam piipaya`d vishva'yaa dhi`yaa hi'nvaa`naM na vaa'ja`yum || {8}{001}{19}
maa tvaa` soma'sya` galda'yaa` sadaa` yaaca'nn a`haM gi`raa |
bhuurNi'm mR^i`gaM na sava'neShu cukrudhaM` ka iishaa'naM` na yaa'ciShat || {8}{001}{20}
made'neShi`tam mada'm u`gram u`gra` shava'saa |
vishve'ShaaM taru`taara'm mada`cyuta`m made` hi Shmaa` dadaa'ti naH || {8}{001}{21}
shevaa're` vaaryaa' pu`ru de`vo martaa'ya daa`shuShe' |
sa su'nva`te ca' stuva`te ca' raasate vi`shvaguu'rto ariShTu`taH || {8}{001}{22}
dra' yaahi` matsva' ci`tra' deva` raadha'saa |
saro` na praa'sy u`daraM` sapii'tibhi`r aa some'bhir u`ru sphi`ram || {8}{001}{23}
aa tvaa' sa`hasra`m aa sha`taM yu`ktaa rathe' hira`Nyaye' |
bra`hma`yujo` hara'ya indra ke`shino` vaha'ntu` soma'piitaye || {8}{001}{24}
aa tvaa` rathe' hira`Nyaye` harii' ma`yuura'shepyaa |
shi`ti`pR^i`ShThaa va'hataa`m madhvo` andha'so vi`vakSha'Nasya pii`taye' || {8}{001}{25}
pibaa` tv akp sya gi'rvaNaH su`tasya' puurva`paa i'va |
pari'ShkR^itasya ra`sina' i`yam aa'su`tish caaru`r madaa'ya patyate || {8}{001}{26}
ya eko` asti' daM`sanaa' ma`haam+ u`gro a`bhi vra`taiH |
gama`t sa shi`prii na sa yo'Sha`d aa ga'ma`d dhavaM` na pari' varjati || {8}{001}{27}
tvam puraM' cari`ShNvaM va`dhaiH shuShNa'sya` sam pi'Nak |
tvam bhaa anu' caro` adha' dvi`taa yad i'ndra` havyo` bhuvaH' || {8}{001}{28}
mama' tvaa` suura` udi'te` mama' ma`dhyaMdi'ne di`vaH |
mama' prapi`tve a'pisharva`re va'sa`v aa stomaa'so avR^itsata || {8}{001}{29}
stu`hi stu`hiid e`te ghaa' te` maMhi'ShThaaso ma`ghonaa'm |
ni`ndi`taashvaH' prapa`thii pa'rama`jyaa ma`ghasya' medhyaatithe || {8}{001}{30}
aa yad ashvaa`n vana'nvataH shra`ddhayaa`haM rathe' ru`ham |
u`ta vaa`masya` vasu'nash ciketati` yo asti` yaadvaH' pa`shuH || {8}{001}{31}
ya R^i`jraa mahya'm maama`he sa`ha tva`caa hi'ra`Nyayaa' |
e`Sha vishvaa'ny a`bhy astu` saubha'gaasa`~Ngasya' sva`nadra'thaH || {8}{001}{32}
adha` plaayo'gi`r ati' daasad a`nyaan aa'sa`~Ngo a'gne da`shabhiH' sa`hasraiH' |
adho`kShaNo` dasha` mahyaM` rusha'nto na`Laa i'va` sara'so` nir a'tiShThan || {8}{001}{33}
anv a'sya sthuu`raM da'dR^ishe pu`rastaa'd ana`stha uu`rur a'va`ramba'maaNaH |
shashva'tii` naary a'bhi`cakShyaa'ha` subha'dram arya` bhoja'nam bibharShi || {8}{001}{34}


(622)
i`daM va'so su`tam andhaH` pibaa` supuu'rNam u`dara'm |
anaa'bhayin rari`maa te' || {8}{002}{01}
nR^ibhi'r dhuu`taH su`to ashnai`r avyo` vaaraiH` pari'puutaH |
ashvo` na ni`kto na`diiShu' || {8}{002}{02}
taM te` yavaM` yathaa` gobhiH' svaa`dum a'karma shrii`NantaH' |
indra' tvaa`smin sa'dha`maade' || {8}{002}{03}
indra` it so'ma`paa eka` indraH' suta`paa vi`shvaayuH' |
a`ntar de`vaan martyaaM'sh ca || {8}{002}{04}
na yaM shu`kro na duraa'shii`r na tR^i`praa u'ru`vyaca'sam |
a`pa`spR^i`Nva`te su`haarda'm || {8}{002}{05}
gobhi`r yad ii'm a`nye a`sman mR^i`gaM na vraa mR^i`gaya'nte |
a`bhi`tsara'nti dhe`nubhiH' || {8}{002}{06}
traya` indra'sya` somaaH' su`taasaH' santu de`vasya' |
sve kShaye' suta`paavnaH' || {8}{002}{07}
trayaH` koshaa'sa shcotanti ti`srash ca`mvakp H supuu'rNaaH |
sa`maa`ne adhi` bhaarma'n || {8}{002}{08}
shuci'r asi puruni`ShThaaH kShii`rair ma'dhya`ta aashii'rtaH |
da`dhnaa mandi'ShThaH` shuura'sya || {8}{002}{09}
i`me ta' indra` somaa's tii`vraa a`sme su`taasaH' |
shu`kraa aa`shiraM' yaacante || {8}{002}{10}
taam+ aa`shira'm puro`Laasha`m indre`maM somaM' shriiNiihi |
re`vantaM` hi tvaa' shR^i`Nomi' || {8}{002}{11}
hR^i`tsu pii`taaso' yudhyante du`rmadaa'so` na suraa'yaam |
uudha`r na na`gnaa ja'rante || {8}{002}{12}
re`vaam+ id re`vata' sto`taa syaat tvaava'to ma`ghonaH' |
pred u' harivaH shru`tasya' || {8}{002}{13}
u`kthaM ca`na sha`syamaa'na`m ago'r a`rir aa ci'keta |
na gaa'ya`traM gii`yamaa'nam || {8}{002}{14}
maa na' indra piiya`tnave` maa shardha'te` paraa' daaH |
shikShaa' shaciivaH` shacii'bhiH || {8}{002}{15}
va`yam u' tvaa ta`dida'rthaa` indra' tvaa`yantaH` sakhaa'yaH |
kaNvaa' u`kthebhi'r jarante || {8}{002}{16}
na ghe'm a`nyad aa pa'pana` vajri'nn a`paso` navi'ShTau |
taved u` stomaM' ciketa || {8}{002}{17}
i`cChanti' de`vaaH su`nvantaM` na svapnaa'ya spR^ihayanti |
yanti' pra`maada`m ata'ndraaH || {8}{002}{18}
o Shu pra yaa'hi` vaaje'bhi`r maa hR^i'Niithaa a`bhy akp smaan |
ma`haam+ i'va` yuva'jaaniH || {8}{002}{19}
mo Shv akp dya du`rhaNaa'vaan saa`yaM ka'rad aa`re a`smat |
a`shrii`ra i'va` jaamaa'taa || {8}{002}{20}
vi`dmaa hy asya vii`rasya' bhuuri`daava'riiM suma`tim |
tri`Shu jaa`tasya` manaaM'si || {8}{002}{21}
aa tuu Shi'~nca` kaNva'mantaM` na ghaa' vidma shavasaa`naat |
ya`shasta'raM sha`tamuu'teH || {8}{002}{22}
jyeShThe'na sota`r indraa'ya` somaM' vii`raaya' sha`kraaya' |
bharaa` piba`n naryaa'ya || {8}{002}{23}
yo vedi'ShTho avya`thiShv ashvaa'vantaM jari`tR^ibhyaH' |
vaajaM' sto`tR^ibhyo` goma'ntam || {8}{002}{24}
panya'm-panya`m it so'taara` aa dhaa'vata` madyaa'ya |
somaM' vii`raaya` shuuraa'ya || {8}{002}{25}
paataa' vR^itra`haa su`tam aa ghaa' gama`n naare a`smat |
ni ya'mate sha`tamuu'tiH || {8}{002}{26}
eha harii' brahma`yujaa' sha`gmaa va'kShataH` sakhaa'yam |
gii`rbhiH shru`taM girva'Nasam || {8}{002}{27}
svaa`davaH` somaa` aa yaa'hi shrii`taaH somaa` aa yaa'hi |
shipri`nn R^iShii'vaH` shacii'vo` naayam acChaa' sadha`maada'm || {8}{002}{28}
stuta'sh ca` yaas tvaa` vardha'nti ma`he raadha'se nR^i`mNaaya' |
indra' kaa`riNaM' vR^i`dhantaH' || {8}{002}{29}
gira'sh ca` yaas te' girvaaha u`kthaa ca` tubhyaM` taani' |
sa`traa da'dhi`re shavaaM'si || {8}{002}{30}
e`ved e`Sha tu'vikuu`rmir vaajaa`m+ eko` vajra'hastaH |
sa`naad amR^i'kto dayate || {8}{002}{31}
hantaa' vR^i`traM dakShi'Ne`ndraH' pu`ruu pu'ruhuu`taH |
ma`haan ma`hiibhiH` shacii'bhiH || {8}{002}{32}
yasmi`n vishvaa'sh carSha`Naya' u`ta cyau`tnaa jrayaaM'si ca |
anu` gh ma`ndii ma`ghonaH' || {8}{002}{33}
e`Sha e`taani' cakaa`rdro` vishvaa` yo .a'ti shR^i`Nve |
vaa`ja`daavaa' ma`ghonaa'm || {8}{002}{34}
prabha'rtaa` rathaM' ga`vyanta'm apaa`kaac ci`d yam ava'ti |
i`no vasu` sa hi voLhaa' || {8}{002}{35}
sani'taa` vipro` arva'dbhi`r hantaa' vR^i`traM nR^ibhiH` shuuraH' |
sa`tyo .avi`taa vi`dhanta'm || {8}{002}{36}
yaja'dhvainam priyamedhaa` indraM' sa`traacaa` mana'saa |
yo bhuut somaiH' sa`tyama'dvaa || {8}{002}{37}
gaa`thashra'vasaM` satpa'tiM` shrava'skaamam puru`tmaana'm |
kaNvaa'so gaa`ta vaa`jina'm || {8}{002}{38}
ya R^i`te ci`d gaas pa`debhyo` daat sakhaa` nR^ibhyaH` shacii'vaan |
ye a'smi`n kaama`m ashri'yan || {8}{002}{39}
i`tthaa dhiiva'ntam adrivaH kaa`Nvam medhyaa'tithim |
me`Sho bhuu`to .a`bhi yann ayaH' || {8}{002}{40}
shikShaa' vibhindo asmai ca`tvaary a`yutaa` dada't |
a`ShTaa pa`raH sa`hasraa' || {8}{002}{41}
u`ta su tye pa'yo`vR^idhaa' maa`kii raNa'sya na`ptyaa |
ja`ni`tva`naaya' maamahe || {8}{002}{42}


(623)
pibaa' su`tasya' ra`sino` matsvaa' na indra` goma'taH |
aa`pir no' bodhi sadha`maadyo' vR^i`dhe .a`smaam+ a'vantu te` dhiyaH' || {8}{003}{01}
bhuu`yaama' te suma`tau vaa`jino' va`yam maa na' star a`bhimaa'taye |
a`smaa~n ci`traabhi'r avataad a`bhiShTi'bhi`r aa naH' su`mneShu' yaamaya || {8}{003}{02}
i`maa u' tvaa puruuvaso` giro' vardhantu` yaa mama' |
paa`va`kava'rNaaH` shuca'yo vipa`shcito' .a`bhi stomai'r anuuShata || {8}{003}{03}
a`yaM sa`hasra`m R^iShi'bhiH` saha'skR^itaH samu`dra i'va paprathe |
sa`tyaH so a'sya mahi`maa gR^i'Ne` shavo' ya`j~neShu' vipra`raajye' || {8}{003}{04}
indra`m id de`vataa'taya` indra'm praya`ty adhva`re |
indraM' samii`ke va`nino' havaamaha` indraM` dhana'sya saa`taye' || {8}{003}{05}
indro' ma`hnaa roda'sii papratha`c Chava` indraH` suurya'm arocayat |
indre' ha` vishvaa` bhuva'naani yemira` indre' suvaa`naasa` inda'vaH || {8}{003}{06}
a`bhi tvaa' puu`rvapii'taya` indra` stome'bhir aa`yavaH' |
sa`mii`cii`naasa' R^i`bhavaH` sam a'svaran ru`draa gR^i'Nanta` puurvya'm || {8}{003}{07}
a`syed indro' vaavR^idhe` vR^iShNyaM` shavo` made' su`tasya` viShNa'vi |
a`dyaa tam a'sya mahi`maana'm aa`yavo .a'nu ShTuvanti puu`rvathaa' || {8}{003}{08}
tat tvaa' yaami su`viiryaM` tad brahma' puu`rvaci'ttaye |
yaa` yati'bhyo` bhR^iga've` dhane' hi`te ya` praska'Nva`m aavi'tha || {8}{003}{09}
yaa' samu`dram asR^i'jo ma`hiir a`pas tad i'ndra` vR^iShNi' te` shavaH' |
sa`dyaH so a'sya mahi`maa na saM`nashe` yaM kSho`Niir a'nucakra`de || {8}{003}{10}
sha`gdhii na' indra` yat tvaa' ra`yiM yaami' su`viirya'm |
sha`gdhi vaajaa'ya pratha`maM siShaa'sate sha`gdhi stomaa'ya puurvya || {8}{003}{11}
sha`gdhii no' a`sya yad dha' pau`ram aavi'tha` dhiya' indra` siShaa'sataH |
sha`gdhi yathaa` rusha'maM` shyaava'kaM` kR^ipa`m indra` praavaH` svarNaram || {8}{003}{12}
kan navyo' ata`siinaaM' tu`ro gR^i'Niita` martyaH' |
na`hii nv asya mahi`maana'm indri`yaM svar gR^i`Nanta' aana`shuH || {8}{003}{13}
kad u' stu`vanta' R^itayanta de`vata` R^iShiH` ko vipra' ohate |
ka`daa hava'm maghavann indra sunva`taH kad u' stuva`ta aa ga'maH || {8}{003}{14}
ud u` tye madhu'mattamaa` gira` stomaa'sa iirate |
sa`traa`jito' dhana`saa akShi'totayo vaaja`yanto` rathaa' iva || {8}{003}{15}
kaNvaa' iva` bhR^iga'vaH` suuryaa' iva` vishva`m id dhii`tam aa'nashuH |
indraM` stome'bhir ma`haya'nta aa`yavaH' pri`yame'dhaaso asvaran || {8}{003}{16}
yu`kShvaa hi vR^i'trahantama` harii' indra paraa`vataH' |
a`rvaa`cii`no ma'ghava`n soma'piitaya u`gra R^i`Shvebhi`r aa ga'hi || {8}{003}{17}
i`me hi te' kaa`ravo' vaava`shur dhi`yaa vipraa'so me`dhasaa'taye |
sa tvaM no' maghavann indra girvaNo ve`no na shR^i'Nudhii` hava'm || {8}{003}{18}
nir i'ndra bR^iha`tiibhyo' vR^i`traM dhanu'bhyo asphuraH |
nir arbu'dasya` mR^iga'yasya maa`yino` niH parva'tasya` gaa aa'jaH || {8}{003}{19}
nir a`gnayo' rurucu`r nir u` suuryo` niH soma' indri`yo rasaH' |
nir a`ntari'kShaad adhamo ma`haam ahiM' kR^i`She tad i'ndra` pauMsya'm || {8}{003}{20}
yam me` dur indro' ma`rutaH` paaka'sthaamaa` kaura'yaaNaH |
vishve'ShaaM` tmanaa` shobhi'ShTha`m upe'va di`vi dhaava'maanam || {8}{003}{21}
rohi'tam me` paaka'sthaamaa su`dhuraM' kakShya`praam |
adaa'd raa`yo vi`bodha'nam || {8}{003}{22}
yasmaa' a`nye dasha` prati` dhuraM` vaha'nti` vahna'yaH |
astaM` vayo` na tugrya'm || {8}{003}{23}
aa`tmaa pi`tus ta`nuur vaasa' ojo`daa a`bhya~nja'nam |
tu`riiya`m id rohi'tasya` paaka'sthaamaanam bho`jaM daa`taara'm abravam || {8}{003}{24}


(624)
yad i'ndra` praag apaa`g uda`~N nyag vaa huu`yase` nR^ibhiH' |
simaa' pu`ruu nR^iShuu'to a`sy aana`ve .a'si prashardha tu`rvashe' || {8}{004}{01}
yad vaa` rume` rusha'me` shyaava'ke` kR^ipa` indra' maa`daya'se` sacaa' |
kaNvaa'sas tvaa` brahma'bhi` stoma'vaahasa` indraa ya'cCha`nty aa ga'hi || {8}{004}{02}
yathaa' gau`ro a`paa kR^i`taM tR^iShya`nn ety averi'Nam |
aa`pi`tve naH' prapi`tve tuuya`m aa ga'hi` kaNve'Shu` su sacaa` piba' || {8}{004}{03}
manda'ntu tvaa maghavann i`ndrda'vo raadho`deyaa'ya sunva`te |
aa`muShyaa` soma'm apibash ca`muu su`taM jyeShThaM` tad da'dhiShe` sahaH' || {8}{004}{04}
pra ca'kre` saha'saa` saho' ba`bha~nja' ma`nyum oja'saa |
vishve' ta indra apR^itanaa`yavo' yaho` ni vR^i`kShaa i'va yemire || {8}{004}{05}
sa`hasre'Neva sacate yavii`yudhaa` yas ta` aana`L upa'stutim |
pu`tram praa'va`rgaM kR^i'Nute su`viirye' daa`shnoti` nama.a'uktibhiH || {8}{004}{06}
maa bhe'ma` maa shra'miShma u`grasya' sa`khye tava' |
ma`hat te` vR^iShNo' abhi`cakShyaM' kR^i`tam pashye'ma tu`rvashaM` yadu'm || {8}{004}{07}
sa`vyaam anu' sphi`gyaM vaavase` vR^iShaa` na daa`no a'sya roShati |
madhvaa` sampR^i'ktaaH saara`gha' dhe`nava`s tuuya`m ehi` dravaa` piba' || {8}{004}{08}
a`shvii ra`thii su'ruu`pa id gomaa`m+ id i'ndra te` sakhaa' |
shvaa`tra`bhaajaa` vaya'saa sacate` sadaa' ca`ndro yaa'ti sa`bhaam upa' || {8}{004}{09}
R^ishyo` na tR^iShya'nn ava`paana`m aa ga'hi` pibaa` somaM` vashaa`m+ anu' |
ni`megha'maano maghavan di`ve-di'va` oji'ShThaM dadhiShe` sahaH' || {8}{004}{10}
adhva'ryo draa`vayaa` tvaM soma`m indraH' pipaasati |
upa' nuu`naM yu'yuje` vR^iSha'Naa` harii` aa ca' jagaama vR^itra`haa || {8}{004}{11}
sva`yaM ci`t sa ma'nyate` daashu'ri`r jano` yatraa` soma'sya tR^i`mpasi' |
i`daM te` annaM` yujyaM` samu'kShitaM` tasyehi` pra dra'vaa` piba' || {8}{004}{12}
ra`the`ShThaayaa'dhvaryavaH` soma`m indraa'ya sotana |
adhi' bra`dhnasyaadra'yo` vi ca'kShate su`nvanto' daa`shvadhvaram || {8}{004}{13}
upa' bra`dhnaM vaa`vaataa` vR^iSha'Naa` harii` indra'm a`pasu' vakShataH |
a`rvaa~ncaM' tvaa` sapta'yo .adhvara`shriyo` vaha'ntu` sava`ned upa' || {8}{004}{14}
pra puu`ShaNaM' vR^iNiimahe` yujyaa'ya puruu`vasu'm |
sa sha'kra shikSha puruhuuta no dhi`yaa tuje' raa`ye vi'mocana || {8}{004}{15}
saM naH' shishiihi bhu`rijo'r iva kShu`raM raasva' raa`yo vi'mocana |
tve tan naH' su`veda'm u`sriya`m vasu` yaM tvaM hi`noShi` martya'm || {8}{004}{16}
vemi' tvaa puuShann R^i`~njase` vemi` stota'va aaghR^iNe |
na tasya' ve`my ara'NaM` hi tad va'so stu`She pa`jraaya` saamne' || {8}{004}{17}
paraa` gaavo` yava'saM` kac ci'd aaghR^iNe` nityaM` rekNo' amartya |
a`smaaka'm puuShann avi`taa shi`vo bha'va` maMhi'ShTho` vaaja'saataye || {8}{004}{18}
sthuu`raM raadhaH' sha`taashvaM' kuru`~Ngasya` divi'ShTiShu |
raaj~na's tve`Shasya' su`bhaga'sya raa`tiShu' tu`rvashe'Shv amanmahi || {8}{004}{19}
dhii`bhiH saa`taani' kaa`Nvasya' vaa`jinaH' pri`yame'dhair a`bhidyu'bhiH |
Sha`ShTiM sa`hasraanu` nirma'jaam aje` nir yuu`thaani` gavaa`m R^iShiH' || {8}{004}{20}
vR^i`kShaash ci'n me abhipi`tve a'raaraNuH |
gaam bha'janta me`hanaashva'm bhajanta me`hanaa' || {8}{004}{21}


(625)
duu`raad i`heva` yat sa`ty aru`Napsu`r ashi'shvitat |
vi bhaa`nuM vi`shvadhaa'tanat || {8}{005}{01}
nR^i`vad da'sraa mano`yujaa` rathe'na pR^ithu`paaja'saa |
sace'the ashvino`Shasa'm || {8}{005}{02}
yu`vaabhyaaM' vaajiniivasuu` prati` stomaa' adR^ikShata |
vaacaM' duu`to yatho'hiShe || {8}{005}{03}
pu`ru`pri`yaa Na' uu`taye' puruma`ndraa pu'ruu`vasuu' |
stu`She kaNvaa'so a`shvinaa' || {8}{005}{04}
maMhi'ShThaa vaaja`saata'me`Shaya'ntaa shu`bhas patii' |
gantaa'raa daa`shuSho' gR^i`ham || {8}{005}{05}
taa su'de`vaaya' daa`shuShe' sume`dhaam avi'taariNiim |
ghR^i`tair gavyuu'tim ukShatam || {8}{005}{06}
aa na` stoma`m upa' dra`vat tuuyaM' shye`nebhi'r aa`shubhiH' |
yaa`tam ashve'bhir ashvinaa || {8}{005}{07}
yebhi's ti`sraH pa'raa`vato' di`vo vishvaa'ni roca`naa |
triim+r a`ktuun pa'ri`diiya'thaH || {8}{005}{08}
u`ta no` goma'tii`r iSha' u`ta saa`tiir a'harvidaa |
vi pa`thaH saa`taye' sitam || {8}{005}{09}
aa no` goma'ntam ashvinaa su`viiraM' su`rathaM' ra`yim |
vo`Lham ashvaa'vatii`r iShaH' || {8}{005}{10}
vaa`vR^i`dhaa`naa shu'bhas patii dasraa` hira'Nyavartanii |
piba'taM so`myam madhu' || {8}{005}{11}
a`smabhyaM' vaajiniivasuu ma`ghava'dbhyash ca sa`prathaH' |
Cha`rdir ya'nta`m adaa'bhyam || {8}{005}{12}
ni Shu brahma` janaa'naaM` yaavi'ShTaM` tuuya`m aa ga'tam |
mo Shv akp nyaam+ upaa'ratam || {8}{005}{13}
a`sya pi'batam ashvinaa yu`vam mada'sya` caaru'NaH |
madhvo' raa`tasya' dhiShNyaa || {8}{005}{14}
a`sme aa va'hataM ra`yiM sha`tava'ntaM saha`sriNa'm |
pu`ru`kShuM vi`shvadhaa'yasam || {8}{005}{15}
pu`ru`traa ci`d dhi vaaM' naraa vi`hvaya'nte manii`ShiNaH' |
vaa`ghadbhi'r ashvi`naa ga'tam || {8}{005}{16}
janaa'so vR^i`ktaba'rhiSho ha`viShma'nto araM`kR^itaH' |
yu`vaaM ha'vante ashvinaa || {8}{005}{17}
a`smaaka'm a`dya vaa'm a`yaM stomo` vaahi'ShTho` anta'maH |
yu`vaabhyaa'm bhuutv ashvinaa || {8}{005}{18}
yo ha' vaa`m madhu'no` dR^iti`r aahi'to ratha`carSha'Ne |
tataH' pibatam ashvinaa || {8}{005}{19}
ta' no vaajiniivasuu` pashve' to`kaaya` shaM gave' |
vaha'ta`m piiva'rii`r iShaH' || {8}{005}{20}
u`ta no' di`vyaa iSha' u`ta sindhuu'm+r aharvidaa |
apa` dvaare'va varShathaH || {8}{005}{21}
ka`daa vaaM' tau`gryo vi'dhat samu`dre ja'hi`to na'raa |
yad vaaM` ratho` vibhi`Sh pataa't || {8}{005}{22}
yu`vaM kaNvaa'ya naasatyaa` R^ipi'riptaaya ha`rmye |
shashva'd uu`tiir da'shasyathaH || {8}{005}{23}
taabhi`r aa yaa'tam uu`tibhi`r navya'siibhiH susha`stibhiH' |
yad vaaM' vR^iShaNvasuu hu`ve || {8}{005}{24}
yathaa' ci`t kaNva`m aava'tam pri`yame'dham upastu`tam |
atriM' shi`~njaara'm ashvinaa || {8}{005}{25}
yatho`ta kR^itvye` dhane' .a`MshuM goShv a`gastya'm |
yathaa` vaaje'Shu` sobha'rim || {8}{005}{26}
e`taava'd vaaM vR^iShaNvasuu` ato' vaa` bhuuyo' ashvinaa |
gR^i`NantaH' su`mnam ii'mahe || {8}{005}{27}
rathaM` hira'NyavandhuraM` hira'Nyaabhiishum ashvinaa |
aa hi sthaatho' divi`spR^isha'm || {8}{005}{28}
hi`ra`Nyayii' vaaM` rabhi'r ii`Shaa akSho' hira`NyayaH' |
u`bhaa ca`kraa hi'ra`Nyayaa' || {8}{005}{29}
ta' no vaajiniivasuu paraa`vata'sh ci`d aa ga'tam |
upe`maaM su'ShTu`tim mama' || {8}{005}{30}
aa va'hethe paraa`kaat puu`rviir a`shnantaa'v ashvinaa |
iSho` daasii'r amartyaa || {8}{005}{31}
aa no' dyu`mnair aa shravo'bhi`r aa raa`yaa yaa'tam ashvinaa |
puru'shcandraa` naasa'tyaa || {8}{005}{32}
eha vaa'm pruShi`tapsa'vo` vayo' vahantu pa`rNinaH' |
acChaa' svadhva`raM jana'm || {8}{005}{33}
rathaM' vaa`m anu'gaayasaM` ya i`Shaa varta'te sa`ha |
na ca`kram a`bhi baa'dhate || {8}{005}{34}
hi`ra`Nyaye'na` rathe'na dra`vatpaa'Nibhi`r ashvaiH' |
dhiija'vanaa` naasa'tyaa || {8}{005}{35}
yu`vam mR^i`gaM jaa'gR^i`vaaMsaM` svada'tho vaa vR^iShaNvasuu |
taa naH' pR^i~Nktam i`Shaa ra`yim || {8}{005}{36}
taa me' ashvinaa sanii`naaM vi`dyaataM` navaa'naam |
yathaa' cic cai`dyaH ka`shuH sha`tam uShTraa'naaM` dada't sa`hasraa` dasha` gonaa'm || {8}{005}{37}
yo me` hira'NyasaMdR^isho` dasha` raaj~no` amaM'hata |
a`dha`spa`daa ic cai`dyasya' kR^i`ShTaya'sh carma`mnaa a`bhito` janaaH' || {8}{005}{38}
maaki'r e`naa pa`thaa gaa`d ye`me yanti' ce`dayaH' |
a`nyo net suu`rir oha'te bhuuri`daava'ttaro` janaH' || {8}{005}{39}


(626)
ma`haam+ indro` ya oja'saa pa`rjanyo' vR^iShTi`maam+ i'va |
stomai'r va`tsasya' vaavR^idhe || {8}{006}{01}
pra`jaam R^i`tasya` pipra'taH` pra yad bhara'nta` vahna'yaH |
vipraa' R^i`tasya` vaaha'saa || {8}{006}{02}
kaNvaa` indraM` yad akra'ta` stomai'r ya`j~nasya` saadha'nam |
jaa`mi bru'vata` aayu'dham || {8}{006}{03}
sam a'sya ma`nyave` visho` vishvaa' namanta kR^i`ShTayaH' |
sa`mu`draaye'va` sindha'vaH || {8}{006}{04}
oja`s tad a'sya titviSha u`bhe yad sa`mava'rtayat |
indra`sh carme'va` roda'sii || {8}{006}{05}
vi ci'd vR^i`trasya` dodha'to` vajre'Na sha`tapa'rvaNaa |
shiro' bibheda vR^i`ShNinaa' || {8}{006}{06}
i`maa a`bhi pra No'numo vi`paam agre'Shu dhii`tayaH' |
a`gneH sho`cir na di`dyutaH' || {8}{006}{07}
guhaa' sa`tiir upa` tmanaa` pra yac Choca'nta dhii`tayaH' |
kaNvaa' R^i`tasya` dhaara'yaa || {8}{006}{08}
pra tam i'ndra nashiimahi ra`yiM goma'ntam a`shvina'm |
pra brahma' puu`rvaci'ttaye || {8}{006}{09}
a`ham id dhi pi`tuSh pari' me`dhaam R^i`tasya' ja`grabha' |
a`haM suurya' ivaajani || {8}{006}{10}
a`ham pra`tna` manma'naa` giraH' shumbhaami kaNva`vat |
ydraH` shuShma`m id da`dhe || {8}{006}{11}
ye tvaam i'ndra` na tu'ShTu`vur R^iSha'yo` ye ca' tuShTu`vuH |
mamed va'rdhasva` suShTu'taH || {8}{006}{12}
yad a'sya ma`nyur adhva'nii`d vi vR^i`tram pa'rva`sho ru`jan |
a`paH sa'mu`dram aira'yat || {8}{006}{13}
ni shuShNa' indra dharNa`siM vajraM' jaghantha` dasya'vi |
vR^iShaa` hy ugra shR^iNvi`She || {8}{006}{14}
na dyaava` indra`m oja'saa` naantari'kShaaNi va`jriNa'm |
na vi'vyacanta` bhuuma'yaH || {8}{006}{15}
yas ta' indra ma`hiir a`pa sta'bhuu`yamaa'na` aasha'yat |
ni tam padyaa'su shishnathaH || {8}{006}{16}
ya i`me roda'sii ma`hii sa'mii`cii sa`maja'grabhiit |
tamo'bhir indra` taM gu'haH || {8}{006}{17}
ya i'ndra` yata'yas tvaa` bhR^iga'vo` ye ca' tuShTu`vuH |
mamed u'gra shrudhii` hava'm || {8}{006}{18}
i`maas ta' indra` pR^ishna'yo ghR^i`taM du'hata aa`shira'm |
e`naam R^i`tasya' pi`pyuShiiH' || {8}{006}{19}
yaa i'ndra pra`svas tvaa`saa garbha`m aca'kriran |
pari` dharme'va` suurya'm || {8}{006}{20}
tvaam ic Cha'vasas pate` kaNvaa' u`ktha' vaavR^idhuH |
tvaaM su`taasa` inda'vaH || {8}{006}{21}
taved i'ndra` praNii'tiShuu`ta prasha'stir adrivaH |
ya`j~no vi'tanta`saayyaH' || {8}{006}{22}
aa na' indra ma`hiim iSha`m puraM` na da'rShi` goma'tiim |
u`ta pra`jaaM su`viirya'm || {8}{006}{23}
u`ta tyad aa`shvashvyaM` yad i'ndra` naahu'Shii`Shv aa |
agre' vi`kShu pra`diida'yat || {8}{006}{24}
a`bhi vra`jaM na ta'tniShe` suura' upaa`kaca'kShasam |
yad i'ndra mR^i`Layaa'si naH || {8}{006}{25}
yad a`~Nga ta'viShii`yasa` indra' pra`raaja'si kShi`tiiH |
ma`haam+ a'paa`ra oja'saa || {8}{006}{26}
taM tvaa' ha`viShma'tii`r visha` upa' bruvata uu`taye' |
u`ru`jraya'sa`m indu'bhiH || {8}{006}{27}
u`pa`hva`re gi'rii`NaaM saM'ga`the ca' na`diinaa'm |
dhi`yaa vipro' ajaayata || {8}{006}{28}
ataH' samu`dram u`dvata'sh ciki`tvaam+ ava' pashyati |
yato' vipaa`na eja'ti || {8}{006}{29}
aad it pra`tnasya` reta'so` jyoti'Sh pashyanti vaasa`ram |
pa`ro yad i`dhyate' di`vaa || {8}{006}{30}
kaNvaa'sa indra te ma`tiM vishve' vardhanti` pauMsya'm |
u`to sha'viShTha` vR^iShNya'm || {8}{006}{31}
i`maam ma' indra suShTu`tiM ju`Shasva` pra su maam a'va |
u`ta pra va'rdhayaa ma`tim || {8}{006}{32}
u`ta bra'hma`Nyaa va`yaM tubhya'm pravR^iddha vajrivaH |
vipraa' atakShma jii`vase' || {8}{006}{33}
a`bhi kaNvaa' anuuSha`taapo` na pra`vataa' ya`tiiH |
indraM` vana'nvatii ma`tiH || {8}{006}{34}
indra'm u`kthaani' vaavR^idhuH samu`dram i'va` sindha'vaH |
anu'ttamanyum a`jara'm || {8}{006}{35}
aa no' yaahi paraa`vato` hari'bhyaaM harya`taabhyaa'm |
i`mam i'ndra su`tam pi'ba || {8}{006}{36}
tvaam id vR^i'trahantama` janaa'so vR^i`ktaba'rhiShaH |
hava'nte` vaaja'saataye || {8}{006}{37}
anu' tvaa` roda'sii u`bhe ca`kraM na va`rty eta'sham |
anu' suvaa`naasa` inda'vaH || {8}{006}{38}
manda'svaa` su svarNara u`tdra' sharya`Naava'ti |
matsvaa` viva'svato ma`tii || {8}{006}{39}
vaa`vR^i`dhaa`na upa` dyavi` vR^iShaa' va`jry aroraviit |
vR^i`tra`haa so'ma`paata'maH || {8}{006}{40}
R^iShi`r hi puu'rva`jaa asy eka` iishaa'na` oja'saa |
indra' coShkuu`yase` vasu' || {8}{006}{41}
a`smaakaM' tvaa su`taam+ upa' vii`tapR^i'ShThaa a`bhi prayaH' |
sha`taM va'hantu` hara'yaH || {8}{006}{42}
i`maaM su puu`rvyaaM dhiya`m madho'r ghR^i`tasya' pi`pyuShii'm |
kaNvaa' u`ktha' vaavR^idhuH || {8}{006}{43}
indra`m id vima'hiinaa`m medhe' vR^iNiita` martyaH' |
indraM' sani`Shyur uu`taye' || {8}{006}{44}
a`rvaa~ncaM' tvaa puruShTuta pri`yame'dhastutaa` harii' |
so`ma`peyaa'ya vakShataH || {8}{006}{45}
sha`tam a`haM ti`rindi're sa`hasra`m parshaa`v aa da'de |
raadhaaM'si` yaadvaa'naam || {8}{006}{46}
triiNi' sha`taany arva'taaM sa`hasraa` dasha` gonaa'm |
da`duSh pa`jraaya` saamne' || {8}{006}{47}
ud aa'naT kaku`ho diva`m uShTraa'~n catu`ryujo` dada't |
shrava'saa` yaadvaM` jana'm || {8}{006}{48}



(627)
pra yad va's tri`ShTubha`m iSha`m maru'to` vipro` akSha'rat |
vi parva'teShu raajatha || {8}{007}{01}
yad a`~Nga ta'viShiiyavo` yaamaM' shubhraa` aci'dhvam |
ni parva'taa ahaasata || {8}{007}{02}
ud ii'rayanta vaa`yubhi'r vaa`shraasaH` pR^ishni'maataraH |
dhu`kShanta' pi`pyuShii`m iSha'm || {8}{007}{03}
vapa'nti ma`ruto` miha`m pra ve'payanti` parva'taan |
yad yaamaM` yaanti' vaa`yubhiH' || {8}{007}{04}
ni yad yaamaa'ya vo gi`rir ni sindha'vo` vidha'rmaNe |
ma`he shuShmaa'ya yemi`re || {8}{007}{05}
yu`Shmaam+ u` nakta'm uu`taye' yu`Shmaan divaa' havaamahe |
yu`Shmaan pra'ya`ty adhva`re || {8}{007}{06}
ud u` tye a'ru`Napsa'vash ci`traa yaame'bhir iirate |
vaa`shraa adhi` ShNunaa' di`vaH || {8}{007}{07}
sR^i`janti' ra`shmim oja'saa` panthaaM` suuryaa'ya` yaata've |
te bhaa`nubhi`r vi ta'sthire || {8}{007}{08}
i`maam me' maruto` gira'm i`maM stoma'm R^ibhukShaNaH |
i`mam me' vanataa` hava'm || {8}{007}{09}
triiNi` saraaM'si` pR^ishna'yo dudu`hre va`jriNe` madhu' |
utsaM` kava'ndham u`driNa'm || {8}{007}{10}
maru'to` yad dha' vo di`vaH su'mnaa`yanto` havaa'mahe |
aa tuu na` upa' gantana || {8}{007}{11}
yuu`yaM hi ShThaa su'daanavo` rudraa' R^ibhukShaNo` dame' |
u`ta prace'taso` made' || {8}{007}{12}
aa no' ra`yim ma'da`cyuta'm puru`kShuM vi`shvadhaa'yasam |
iya'rtaa maruto di`vaH || {8}{007}{13}
adhii'va` yad gi'rii`NaaM yaamaM' shubhraa` aci'dhvam |
su`vaa`nair ma'ndadhva` indu'bhiH || {8}{007}{14}
e`taava'tash cid eShaaM su`mnam bhi'kSheta` martyaH' |
adaa'bhyasya` manma'bhiH || {8}{007}{15}
ye dra`psaa i'va` roda'sii` dhama`nty anu' vR^i`ShTibhiH' |
utsaM' du`hanto` akShi'tam || {8}{007}{16}
ud u' svaa`nebhi'r iirata` ud rathai`r ud u' vaa`yubhiH' |
ut stomaiH` pR^ishni'maataraH || {8}{007}{17}
yaa`va tu`rvashaM` yaduM` ya` kaNvaM' dhana`spR^ita'm |
raa`ye su tasya' dhiimahi || {8}{007}{18}
i`maa u' vaH sudaanavo ghR^i`taM na pi`pyuShii`r iShaH' |
vardhaa'n kaa`Nvasya` manma'bhiH || {8}{007}{19}
kva nuu`naM su'daanavo` mada'thaa vR^iktabarhiShaH |
bra`hmaa ko vaH' saparyati || {8}{007}{20}
na`hi Shma` yad dha' vaH pu`raa stome'bhir vR^iktabarhiShaH |
shardhaa'm+ R^i`tasya` jinva'tha || {8}{007}{21}
sam u` tye ma'ha`tiir a`paH saM kSho`Nii sam u` suurya'm |
saM vajra'm parva`sho da'dhuH || {8}{007}{22}
vi vR^i`tram pa'rva`sho ya'yu`r vi parva'taam+ araa`jinaH' |
ca`kraa`Naa vR^iShNi` pauMsya'm || {8}{007}{23}
anu' tri`tasya` yudhya'taH` shuShma'm aavann u`ta kratu'm |
anv indraM' vR^itra`tuurye' || {8}{007}{24}
vi`dyuddha'staa a`bhidya'vaH` shipraaH' shii`rShan hi'ra`NyayiiH' |
shu`bhraa vy a~njata shri`ye || {8}{007}{25}
u`shanaa` yat pa'raa`vata' u`kShNo randhra`m ayaa'tana |
dyaur na ca'kradad bhi`yaa || {8}{007}{26}
aa no' ma`khasya' daa`vane .a'shvai`r hira'NyapaaNibhiH |
devaa'sa` upa' gantana || {8}{007}{27}
yad e'Shaa`m pR^iSha'tii` rathe` praShTi`r vaha'ti` rohi'taH |
yaanti' shu`bhraa ri`Nann a`paH || {8}{007}{28}
su`Shome' sharya`Naava'ty aarjii`ke pa`styaavati |
ya`yur nica'krayaa` naraH' || {8}{007}{29}
ka`daa ga'cChaatha maruta i`tthaa vipraM` hava'maanam |
maa`rDii`kebhi`r naadha'maanam || {8}{007}{30}
kad dha' nuu`naM ka'dhapriyo` yad indra`m aja'haatana |
ko vaH' sakhi`tva o'hate || {8}{007}{31}
sa`ho Shu No` vajra'hastaiH` kaNvaa'so a`gnim ma`rudbhiH' |
stu`She hira'NyavaashiibhiH || {8}{007}{32}
o Shu vR^iShNaH` praya'jyuu`n aa navya'se suvi`taaya' |
va`vR^i`tyaaM ci`travaa'jaan || {8}{007}{33}
gi`raya'sh ci`n ni ji'hate` parshaa'naaso` manya'maanaaH |
parva'taash ci`n ni ye'mire || {8}{007}{34}
aakShNa`yaavaa'no vahanty a`ntari'kSha` pata'taH |
dhaataa'ra stuva`te vayaH' || {8}{007}{35}
a`gnir hi jaani' puu`rvyash Chando` na suuro' a`rciShaa' |
te bhaa`nubhi`r vi ta'sthire || {8}{007}{36}


(628)
aa no` vishvaa'bhir uu`tibhi`r ashvi'naa` gacCha'taM yu`vam |
dasraa` hira'Nyavartanii` piba'taM so`myam madhu' || {8}{008}{01}
aa nuu`naM yaa'tam ashvinaa` rathe'na` suurya'tvacaa |
bhujii` hira'Nyapeshasaa` kavii` gambhii'racetasaa || {8}{008}{02}
aa yaa'taM` nahu'Sha`s pary aantari'kShaat suvR^i`ktibhiH' |
pibaa'tho ashvinaa` madhu` kaNvaa'naaM` sava'ne su`tam || {8}{008}{03}
aa no' yaataM di`vas pary aantari'kShaad adhapriyaa |
pu`traH kaNva'sya vaam i`ha su`Shaava' so`myam madhu' || {8}{008}{04}
aa no' yaata`m upa'shru`ty ashvi'naa` soma'piitaye |
svaahaa` stoma'sya vardhanaa` pra ka'vii dhii`tibhi'r naraa || {8}{008}{05}
yac ci`d dhi vaa'm pu`ra R^iSha'yo juhuu`re .a'vase naraa |
aa yaa'tam ashvi`naa ga'ta`m upe`maaM su'ShTu`tim mama' || {8}{008}{06}
di`vash ci'd roca`naad adhy aa no' gantaM svarvidaa |
dhii`bhir va'tsapracetasaa` stome'bhir havanashrutaa || {8}{008}{07}
kim a`nye pary aa'sate .a`smat stome'bhir a`shvinaa' |
pu`traH kaNva'sya vaa`m R^iShi'r gii`rbhir va`tso a'viivR^idhat || {8}{008}{08}
aa vaaM` vipra' i`haava`se .a'hva`t stome'bhir ashvinaa |
ari'praa` vR^itra'hantamaa` taa no' bhuutam mayo`bhuvaa' || {8}{008}{09}
aa yad vaaM` yoSha'Naa` ratha`m ati'ShThad vaajiniivasuu |
vishvaa'ny ashvinaa yu`vam pra dhii`taany a'gacChatam || {8}{008}{10}
ataH' sa`hasra'nirNijaa` rathe`naa yaa'tam ashvinaa |
va`tso vaa`m madhu'ma`d vaco .a'shaMsiit kaa`vyaH ka`viH || {8}{008}{11}
pu`ru`ma`ndraa pu'ruu`vasuu' mano`taraa' rayii`Naam |
stoma'm me a`shvinaa'v i`mam a`bhi vahnii' anuuShaataam || {8}{008}{12}
aa no` vishvaa'ny ashvinaa dha`ttaM raadhaaM`sy ahra'yaa |
kR^i`taM na' R^i`tviyaa'vato` maa no' riiradhataM ni`de || {8}{008}{13}
yan naa'satyaa paraa`vati` yad vaa` stho adhy amba're |
ataH' sa`hasra'nirNijaa` rathe`naa yaa'tam ashvinaa || {8}{008}{14}
yo vaaM' naasatyaa`v R^iShi'r gii`rbhir va`tso avii'vR^idhat |
tasmai' sa`hasra'nirNija`m iShaM' dhattaM ghR^ita`shcuta'm || {8}{008}{15}
praasmaa` uurjaM' ghR^ita`shcuta`m ashvi'naa` yacCha'taM yu`vam |
yo vaaM' su`mnaaya' tu`ShTava'd vasuu`yaad daa'nunas patii || {8}{008}{16}
aa no' gantaM rishaadase`maM stoma'm purubhujaa |
kR^i`taM naH' su`shriyo' nare`maa daa'tam a`bhiShTa'ye || {8}{008}{17}
aa vaaM` vishvaa'bhir uu`tibhiH' pri`yame'dhaa ahuuShata |
raaja'ntaav adhva`raaNaa`m ashvi'naa` yaama'huutiShu || {8}{008}{18}
aa no' gantam mayo`bhuvaa` R^ishvi'naa sha`mbhuvaa' yu`vam |
yo vaaM' vipanyuu dhii`tibhi'r gii`rbhir va`tso avii'vR^idhat || {8}{008}{19}
yaabhiH` kaNva`m medhaa'tithiM` yaabhi`r vashaM` dasha'vrajam |
yaabhi`r gosha'rya`m aava'taM` taabhi'r no .avataM naraa || {8}{008}{20}
yaabhi'r naraa tra`sada'syu`m aava'taM` kR^itvye` dhane' |
taabhiH` Shv akp smaam+ a'shvinaa` praava'taM` vaaja'saataye || {8}{008}{21}
pra vaaM` stomaaH' suvR^i`ktayo` giro' vardhantv ashvinaa |
puru'traa` vR^itra'hantamaa` taa no' bhuutam puru`spR^ihaa' || {8}{008}{22}
triiNi' pa`daany a`shvino'r aa`viH saanti` guhaa' pa`raH |
ka`vii R^i`tasya` patma'bhir a`rvaag jii`vebhya`s pari' || {8}{008}{23}


(629)
aa nuu`nam a'shvinaa yu`vaM va`tsasya' ganta`m ava'se |
praasmai' yacChatam avR^i`kam pR^i`thu Cha`rdir yu'yu`taM yaa araa'tayaH || {8}{009}{01}
yad a`ntari'kShe` yad di`vi yat pa~nca` maanu'Shaa`m+ anu' |
nR^i`mNaM tad dha'ttam ashvinaa || {8}{009}{02}
ye vaaM` daMsaaM'sy ashvinaa` vipraa'saH parimaamR^i`shuH |
e`vet kaa`Nvasya' bodhatam || {8}{009}{03}
a`yaM vaaM' gha`rmo a'shvinaa` stome'na` pari' Shicyate |
a`yaM somo` madhu'maan vaajiniivasuu` ya' vR^i`traM cike'tathaH || {8}{009}{04}
yad a`psu yad vana`spatau` yad oSha'dhiiShu purudaMsasaa kR^i`tam |
ta' maaviShTam ashvinaa || {8}{009}{05}
yan naa'satyaa bhura`Nyatho` yad vaa' deva bhiSha`jyathaH' |
a`yaM vaaM' va`tso ma`tibhi`r na vi'ndhate ha`viShma'ntaM` hi gacCha'thaH || {8}{009}{06}
aa nuu`nam a`shvino`r R^iShi` stomaM' ciketa vaa`mayaa' |
aa soma`m madhu'mattamaM gha`rmaM si'~ncaa`d atha'rvaNi || {8}{009}{07}
aa nuu`naM ra`ghuva'rtaniM` rathaM' tiShThaatho ashvinaa |
aa vaaM` stomaa' i`me mama` nabho` na cu'cyaviirata || {8}{009}{08}
yad a`dya vaaM' naasatyo`kthair aa'cucyuvii`mahi' |
yad vaa` vaaNii'bhir ashvine`vet kaa`Nvasya' bodhatam || {8}{009}{09}
yad vaaM' ka`kShiivaa'm+ u`ta yad vyashva` R^iShi`r yad vaaM' dii`rghata'maa ju`haava' |
pR^ithii` yad vaaM' vai`nyaH saada'neShv e`ved ato' ashvinaa cetayethaam || {8}{009}{10}
yaa`taM Cha'rdi`Shpaa u`ta naH' para`spaa bhuu`taM ja'ga`tpaa u`ta na's tanuu`paa |
va`rtis to`kaaya` tana'yaaya yaatam || {8}{009}{11}
yad indre'Na sa`rathaM' yaa`tho a'shvinaa` yad vaa' vaa`yunaa` bhava'thaH` samo'kasaa |
yad aa'di`tyebhi'r R^i`bhubhiH' sa`joSha'saa` yad vaa` viShNo'r vi`krama'NeShu` tiShTha'thaH || {8}{009}{12}
yad a`dyaashvinaa'v a`haM hu`veya` vaaja'saataye |
yat pR^i`tsu tu`rvaNe` saha`s tac ChreShTha'm a`shvino`r avaH' || {8}{009}{13}
aa nuu`naM yaa'tam ashvine`maa ha`vyaani' vaaM hi`taa |
i`me somaa'so` adhi' tu`rvashe` yadaa'v i`me kaNve'Shu vaa`m atha' || {8}{009}{14}
yan naa'satyaa paraa`ke a'rvaa`ke asti' bheSha`jam |
ta' nuu`naM vi'ma`daaya' pracetasaa Cha`rdir va`tsaaya' yacChatam || {8}{009}{15}
abhu'tsy u` pra de`vyaa saa`kaM vaa`caaham a`shvinoH' |
vy aavar de`vy aa ma`tiM vi raa`tim martye'bhyaH || {8}{009}{16}
pra bo'dhayoSho a`shvinaa` pra de'vi suunR^ite mahi |
pra ya'j~nahotar aanu`Shak pra madaa'ya` shravo' bR^i`hat || {8}{009}{17}
yad u'Sho` yaasi' bhaa`nunaa` saM suurye'Na rocase |
aa haa`yam a`shvino` ratho' va`rtir yaa'ti nR^i`paayya'm || {8}{009}{18}
yad aapii'taaso aM`shavo` gaavo` na du`hra uudha'bhiH |
yad vaa` vaaNii`r anuu'Shata` pra de'va`yanto' a`shvinaa' || {8}{009}{19}
pra dyu`mnaaya` pra shava'se` pra nR^i`Shaahyaa'ya` sharma'Ne |
pra dakShaa'ya pracetasaa || {8}{009}{20}
yan nuu`naM dhii`bhir a'shvinaa pi`tur yonaa' ni`Shiida'thaH |
yad vaa' su`mnebhi'r ukthyaa || {8}{009}{21}


(630)
yat stho dii`rghapra'sadmani` yad vaa`do ro'ca`ne di`vaH |
yad vaa' samu`dre adhy aakR^i'te gR^i`he .a'ta` aa yaa'tam ashvinaa || {8}{010}{01}
yad vaa' ya`j~nam mana've sammimi`kShathu'r e`vet kaa`Nvasya' bodhatam |
bR^iha`spatiM` vishvaa'n de`vaam+ a`haM hu'va` indraa`viShNuu' a`shvinaa'v aashu`heSha'saa || {8}{010}{02}
tyaa nv akp shvinaa' huve su`daMsa'saa gR^i`bhe kR^i`taa |
yayo`r asti` pra NaH' sa`khyaM de`veShv adhy aapya'm || {8}{010}{03}
yayo`r adhi` pra ya`j~naa a'suu`re santi' suu`rayaH' |
taa ya`j~nasyaa'dhva`rasya` prace'tasaa sva`dhaabhi`r yaa piba'taH so`myam madhu' || {8}{010}{04}
yad a`dyaashvi'naa`v apaa`g yat praak stho vaa'jiniivasuu |
yad dru`hyavy ana'vi tu`rvashe` yadau' hu`ve vaa`m atha` maa ga'tam || {8}{010}{05}
yad a`ntari'kShe` pata'thaH purubhujaa` yad ve`me roda'sii` anu' |
yad vaa' sva`dhaabhi'r adhi`tiShTha'tho` ratha`m ata` aa yaa'tam ashvinaa || {8}{010}{06}


(631)
tvam a'gne vrata`paa a'si de`va aa martye`Shv aa |
tvaM ya`j~neShv iiDyaH' || {8}{011}{01}
tvam a'si pra`shasyo' vi`dathe'Shu sahantya |
agne' ra`thiir a'dhva`raaNaa'm || {8}{011}{02}
sa tvam a`smad apa` dviSho' yuyo`dhi jaa'tavedaH |
ade'viir agne` araa'tiiH || {8}{011}{03}
anti' ci`t santa`m aha' ya`j~nam marta'sya ri`poH |
nopa' veShi jaatavedaH || {8}{011}{04}
martaa` ama'rtyasya te` bhuuri` naama' manaamahe |
vipraa'so jaa`tave'dasaH || {8}{011}{05}
vipraM` vipraa`so .a'vase de`vam martaa'sa uu`taye' |
a`gniM gii`rbhir ha'vaamahe || {8}{011}{06}
aa te' va`tso mano' yamat para`maac ci't sa`dhasthaa't |
agne` tvaaMkaa'mayaa gi`raa || {8}{011}{07}
pu`ru`traa hi sa`dR^i~N~N asi` visho` vishvaa` anu' pra`bhuH |
sa`matsu' tvaa havaamahe || {8}{011}{08}
sa`matsv a`gnim ava'se vaaja`yanto' havaamahe |
vaaje'Shu ci`traraa'dhasam || {8}{011}{09}
pra`tno hi ka`m iiDyo' adhva`reShu' sa`naac ca` hotaa` navya'sh ca` satsi' |
svaaM caa'gne ta`nvam pi`praya'svaa`smabhyaM' ca` saubha'ga`m aa ya'jasva || {8}{011}{10}


(632)
ya i'ndra soma`paata'mo` madaH' shaviShTha` ceta'ti |
yaa` haMsi` ny akp triNaM` tam ii'mahe || {8}{012}{01}
yaa` dasha'gva`m adhri'guM ve`paya'ntaM` svarNaram |
yaa' samu`dram aavi'thaa` tam ii'mahe || {8}{012}{02}
ya` sindhu'm ma`hiir a`po rathaa'm+ iva praco`dayaH' |
panthaa'm R^i`tasya` yaata've` tam ii'mahe || {8}{012}{03}
i`maM stoma'm a`bhiShTa'ye ghR^i`taM na puu`tam a'drivaH |
yaa` nu sa`dya oja'saa va`vakShi'tha || {8}{012}{04}
i`maM ju'Shasva girvaNaH samu`dra i'va pinvate |
indra` vishvaa'bhir uu`tibhi'r va`vakShi'tha || {8}{012}{05}
yo no' de`vaH pa'raa`vataH' sakhitva`naaya' maama`he |
di`vo na vR^i`ShTim pra`thaya'n va`vakShi'tha || {8}{012}{06}
va`va`kShur a'sya ke`tavo' u`ta vajro` gabha'styoH |
yat suuryo` na roda'sii` ava'rdhayat || {8}{012}{07}
yadi' pravR^iddha satpate sa`hasra'm mahi`Shaam+ aghaH' |
aad it ta' indri`yam mahi` pra vaa'vR^idhe || {8}{012}{08}
indraH` suurya'sya ra`shmibhi`r ny arshasaa`nam o'Shati |
a`gnir vane'va saasa`hiH pra vaa'vR^idhe || {8}{012}{09}
i`yaM ta' R^i`tviyaa'vatii dhii`tir e'ti` navii'yasii |
sa`pa`ryantii' purupri`yaa mimii'ta` it || {8}{012}{10}
garbho' ya`j~nasya' deva`yuH kratu'm puniita aanu`Shak |
stomai`r indra'sya vaavR^idhe` mimii'ta` it || {8}{012}{11}
sa`nir mi`trasya' papratha` indraH` soma'sya pii`taye' |
praacii` vaashii'va sunva`te mimii'ta` it || {8}{012}{12}
yaM vipraa' u`kthavaa'haso .abhiprama`ndur aa`yavaH' |
ghR^i`taM na pi'pya aa`sany R^i`tasya` yat || {8}{012}{13}
u`ta sva`raaje` adi'ti` stoma`m indraa'ya jiijanat |
pu`ru`pra`sha`stam uu`taya' R^i`tasya` yat || {8}{012}{14}
a`bhi vahna'ya uu`taye .a'nuuShata` prasha'staye |
na de'va` vivra'taa` harii' R^i`tasya` yat || {8}{012}{15}
yat soma'm indra` viShNa'vi` yad vaa' gha tri`ta aa`ptye |
yad vaa' ma`rutsu` manda'se` sam indu'bhiH || {8}{012}{16}
yad vaa' shakra paraa`vati' samu`dre adhi` manda'se |
a`smaaka`m it su`te ra'Naa` sam indu'bhiH || {8}{012}{17}
yad vaasi' sunva`to vR^i`dho yaja'maanasya satpate |
u`kthe vaa` yasya` raNya'si` sam indu'bhiH || {8}{012}{18}
de`vaM-de'vaM` vo .a'vasa` indra'm-indraM gR^iNii`ShaNi' |
adhaa' ya`j~naaya' tu`rvaNe` vy aanashuH || {8}{012}{19}
ya`j~nebhi'r ya`j~navaa'hasaM` some'bhiH soma`paata'mam |
hotraa'bhi`r indraM' vaavR^idhu`r vy aanashuH || {8}{012}{20}
ma`hiir a'sya` praNii'tayaH puu`rviir u`ta prasha'stayaH |
vishvaa` vasuu'ni daa`shuShe` vy aanashuH || {8}{012}{21}
indraM' vR^i`traaya` hanta've de`vaaso' dadhire pu`raH |
indraM` vaaNii'r anuuShataa` sam oja'se || {8}{012}{22}
ma`haanta'm mahi`naa va`yaM stome'bhir havana`shruta'm |
a`rkair a`bhi pra No'numaH` sam oja'se || {8}{012}{23}
na yaM vi'vi`kto roda'sii` naantari'kShaaNi va`jriNa'm |
amaa`d id a'sya titviShe` sam oja'saH || {8}{012}{24}
yad i'ndra pR^ita`naajye' de`vaas tvaa' dadhi`re pu`raH |
aad it te' harya`taa harii' vavakShatuH || {8}{012}{25}
ya`daa vR^i`traM na'dii`vR^itaM` shava'saa vajri`nn ava'dhiiH |
aad it te' harya`taa harii' vavakShatuH || {8}{012}{26}
ya`daa te` viShNu`r oja'saa` triiNi' pa`daa vi'cakra`me |
aad it te' harya`taa harii' vavakShatuH || {8}{012}{27}
ya`daa te' harya`taa harii' vaavR^i`dhaate' di`ve-di've |
aad it te` vishvaa` bhuva'naani yemire || {8}{012}{28}
ya`daa te` maaru'tii`r visha`s tubhya'm indra niyemi`re |
aad it te` vishvaa` bhuva'naani yemire || {8}{012}{29}
ya`daa suurya'm a`muM di`vi shu`kraM jyoti`r adhaa'rayaH |
aad it te` vishvaa` bhuva'naani yemire || {8}{012}{30}
i`maaM ta' indra suShTu`tiM vipra' iyarti dhii`tibhiH' |
jaa`mim pa`deva` pipra'tii`m praadhva`re || {8}{012}{31}
yad a'sya` dhaama'ni pri`ye sa'miicii`naaso` asva'ran |
naabhaa' ya`j~nasya' do`hanaa` praadhva`re || {8}{012}{32}
su`viiryaM` svashvyaM' su`gavya'm indra daddhi naH |
hote'va puu`rvaci'ttaye` praadhva`re || {8}{012}{33}


(633)
indraH' su`teShu` some'Shu` kratu'm puniita u`kthyam |
vi`de vR^i`dhasya` dakSha'so ma`haan hi ShaH || {8}{013}{01}
sa pra'tha`me vyomani de`vaanaaM` sada'ne vR^i`dhaH |
su`paa`raH su`shrava'stamaH` sam a'psu`jit || {8}{013}{02}
tam a'hve` vaaja'saataya` indra`m bharaa'ya shu`ShmiNa'm |
bhavaa' naH su`mne anta'maH` sakhaa' vR^i`dhe || {8}{013}{03}
i`yaM ta' indra girvaNo raa`tiH kSha'rati sunva`taH |
ma`ndaa`no a`sya ba`rhiSho` vi raa'jasi || {8}{013}{04}
nuu`naM tad i'ndra daddhi no` yat tvaa' su`nvanta` iima'he |
ra`yiM na'sh ci`tram aa bha'raa sva`rvida'm || {8}{013}{05}
sto`taa yat te` vica'rShaNir atiprasha`rdhaya`d giraH' |
va`yaa i`vaanu' rohate ju`Shanta` yat || {8}{013}{06}
pra`tna`vaj ja'nayaa` giraH' shR^iNu`dhii ja'ri`tur hava'm |
made'-made vavakShithaa su`kR^itva'ne || {8}{013}{07}
kriiLa'nty asya suu`nR^itaa` aapo` na pra`vataa' ya`tiiH |
a`yaa dhi`yaa ya u`cyate` pati'r di`vaH || {8}{013}{08}
u`to pati`r ya u`cyate' kR^iShTii`naam eka` id va`shii |
na`mo`vR^i`dhair a'va`syubhiH' su`te ra'Na || {8}{013}{09}
stu`hi shru`taM vi'pa`shcitaM` harii` yasya' prasa`kShiNaa' |
gantaa'raa daa`shuSho' gR^i`haM na'ma`svinaH' || {8}{013}{10}
tuu`tu`jaa`no ma'hema`te .a'shvebhiH pruShi`tapsu'bhiH |
aa yaa'hi ya`j~nam aa`shubhiH` sham id dhi te' || {8}{013}{11}
indra' shaviShTha satpate ra`yiM gR^i`Natsu' dhaaraya |
shravaH' suu`ribhyo' a`mR^itaM' vasutva`nam || {8}{013}{12}
have' tvaa` suura` udi'te` have' ma`dhyaMdi'ne di`vaH |
ju`Shaa`Na i'ndra` sapti'bhir na` aa ga'hi || {8}{013}{13}
aa tuu ga'hi` pra tu dra'va` matsvaa' su`tasya` goma'taH |
tantuM' tanuShva puu`rvyaM yathaa' vi`de || {8}{013}{14}
yac Cha`kraasi' paraa`vati` yad a'rvaa`vati' vR^itrahan |
yad vaa' samu`dre andha'so .avi`ted a'si || {8}{013}{15}
indraM' vardhantu no` gira` indraM' su`taasa` inda'vaH |
indre' ha`viShma'tii`r visho' araaNiShuH || {8}{013}{16}
tam id vipraa' ava`syavaH' pra`vatva'tiibhir uu`tibhiH' |
indraM' kSho`Niir a'vardhayan va`yaa i'va || {8}{013}{17}
trika'drukeShu` ceta'naM de`vaaso' ya`j~nam a'tnata |
tam id va'rdhantu no` giraH' sa`daavR^i'dham || {8}{013}{18}
sto`taa yat te` anu'vrata u`kthaany R^i'tu`thaa da`dhe |
shuciH' paava`ka u'cyate` so adbhu'taH || {8}{013}{19}
tad id ru`drasya' cetati ya`hvam pra`tneShu` dhaama'su |
mano` yatraa` vi tad da`dhur vice'tasaH || {8}{013}{20}
yadi' me sa`khyam aa`vara' i`masya' paa`hy andha'saH |
ya` vishvaa` ati` dviSho` ataa'rima || {8}{013}{21}
ka`daa ta' indra girvaNa sto`taa bha'vaati` shaMta'maH |
ka`daa no` gavye` ashvye` vasau' dadhaH || {8}{013}{22}
u`ta te` suShTu'taa` harii` vR^iSha'Naa vahato` ratha'm |
a`ju`ryasya' ma`dinta'maM` yam iima'he || {8}{013}{23}
tam ii'mahe puruShTu`taM ya`hvam pra`tnaabhi'r uu`tibhiH' |
ni ba`rhiShi' pri`ye sa'da`d adha' dvi`taa || {8}{013}{24}
vardha'svaa` su pu'ruShTuta` R^iShi'ShTutaabhir uu`tibhiH' |
dhu`kShasva' pi`pyuShii`m iSha`m avaa' ca naH || {8}{013}{25}
indra` tvam a'vi`ted a'sii`tthaa stu'va`to a'drivaH |
R^i`taad i'yarmi te` dhiya'm mano`yuja'm || {8}{013}{26}
i`ha tyaa sa'dha`maadyaa' yujaa`naH soma'piitaye |
harii' indra pra`tadva'suu a`bhi sva'ra || {8}{013}{27}
a`bhi sva'rantu` ye tava' ru`draasaH' sakShata` shriya'm |
u`to ma`rutva'tii`r visho' a`bhi prayaH' || {8}{013}{28}
i`maa a'sya` pratuu'rtayaH pa`daM ju'Shanta` yad di`vi |
naabhaa' ya`j~nasya` saM da'dhu`r yathaa' vi`de || {8}{013}{29}
a`yaM dii`rghaaya` cakSha'se` praaci' praya`ty adhva`re |
mimii'te ya`j~nam aa'nu`Shag vi`cakShya' || {8}{013}{30}
vR^iShaa`yam i'ndra te` ratha' u`to te` vR^iSha'Naa` harii' |
vR^iShaa` tvaM sha'takrato` vR^iShaa` havaH' || {8}{013}{31}
vR^iShaa` graavaa` vR^iShaa` mado` vR^iShaa` somo' a`yaM su`taH |
vR^iShaa' ya`j~no yam inva'si` vR^iShaa` havaH' || {8}{013}{32}
vR^iShaa' tvaa` vR^iSha'NaM huve` vajri'~n ci`traabhi'r uu`tibhiH' |
vaa`vantha` hi prati'ShTutiM` vR^iShaa` havaH' || {8}{013}{33}


(634)
yad i'ndraa`haM yathaa` tvam iishii'ya` vasva` eka` it |
sto`taa me` goSha'khaa syaat || {8}{014}{01}
shikShe'yam asmai` ditse'yaM` shacii'pate manii`ShiNe' |
yad a`haM gopa'tiH` syaam || {8}{014}{02}
dhe`nuSh Ta' indra suu`nR^itaa` yaja'maanaaya sunva`te |
gaam ashva'm pi`pyuShii' duhe || {8}{014}{03}
na te' va`rtaasti` raadha'sa` indra' de`vo na martyaH' |
yad ditsa'si stu`to ma`gham || {8}{014}{04}
ya`j~na indra'm avardhaya`d yad bhuumiM` vy ava'rtayat |
ca`kraa`Na o'pa`shaM di`vi || {8}{014}{05}
vaa`vR^i`dhaa`nasya' te va`yaM vishvaa` dhanaa'ni ji`gyuShaH' |
uu`tim i`ndraa vR^i'Niimahe || {8}{014}{06}
vy akp ntari'kSham atira`n made` soma'sya roca`naa |
indro` yad abhi'nad va`lam || {8}{014}{07}
ud gaa aa'ja`d a~Ngi'robhya aa`viSh kR^i`Nvan guhaa' sa`tiiH |
a`rvaa~ncaM' nunude va`lam || {8}{014}{08}
indre'Na roca`naa di`vo dR^i`Lhaani' dR^iMhi`taani' ca |
sthi`raaNi` na pa'raa`Nude' || {8}{014}{09}
a`paam uu`rmir mada'nn iva` stoma' indraajiraayate |
vi te` madaa' araajiShuH || {8}{014}{10}
tvaM hi sto'ma`vardha'na` indraasy u'ktha`vardha'naH |
sto`tR^I`Naam u`ta bha'dra`kR^it || {8}{014}{11}
indra`m it ke`shinaa` harii' soma`peyaa'ya vakShataH |
upa' ya`j~naM su`raadha'sam || {8}{014}{12}
a`paam phe'na` namu'ceH` shira' i`ndrod a'vartayaH |
vishvaa` yad aja'ya` spR^idhaH' || {8}{014}{13}
maa`yaabhi'r u`tsisR^i'psata` indra` dyaam aa`ruru'kShataH |
ava` dasyuu'm+r adhuunuthaaH || {8}{014}{14}
a`su`nvaam i'ndra saM`sadaM` viShuu'ciiM` vy anaashayaH |
so`ma`paa utta'ro` bhava'n || {8}{014}{15}


(635)
tam v a`bhi pra gaa'yata puruhuu`tam pu'ruShTu`tam |
indraM' gii`rbhis ta'vi`Sham aa vi'vaasata || {8}{015}{01}
yasya' dvi`barha'so bR^i`hat saho' daa`dhaara` roda'sii |
gi`riim+r ajraa'm+ a`paH svar vR^iShatva`naa || {8}{015}{02}
sa raa'jasi puruShTuta`m+ eko' vR^i`traaNi' jighnase |
indra` jaitraa' shrava`syaa ca` yanta've || {8}{015}{03}
taM te` madaM' gR^iNiimasi` vR^iSha'Nam pR^i`tsu saa'sa`him |
u`lo`ka`kR^i`tnum a'drivo hari`shriya'm || {8}{015}{04}
ya` jyotiiM'Shy aa`yave` mana've ca vi`vedi'tha |
ma`ndaa`no a`sya ba`rhiSho` vi raa'jasi || {8}{015}{05}
tad a`dyaa ci't ta u`kthino .a'nu ShTuvanti puu`rvathaa' |
vR^iSha'patniir a`po ja'yaa di`ve-di've || {8}{015}{06}
tava` tyad i'ndri`yam bR^i`hat tava` shuShma'm u`ta kratu'm |
vajraM' shishaati dhi`ShaNaa` vare'Nyam || {8}{015}{07}
tava` dyaur i'ndra` pauMsya'm pR^ithi`vii va'rdhati` shravaH' |
tvaam aapaH` parva'taasash ca hinvire || {8}{015}{08}
tvaaM viShNu'r bR^i`han kShayo' mi`tro gR^i'Naati` varu'NaH |
tvaaM shardho' mada`ty anu` maaru'tam || {8}{015}{09}
tvaM vR^iShaa` janaa'naa`m maMhi'ShTha indra jaj~niShe |
sa`traa vishvaa' svapa`tyaani' dadhiShe || {8}{015}{10}
sa`traa tvam pu'ruShTuta`m+ eko' vR^i`traaNi' toshase |
naanya indraa`t kara'Na`m bhuuya' invati || {8}{015}{11}
yad i'ndra manma`shas tvaa` naanaa` hava'nta uu`taye' |
a`smaake'bhi`r nR^ibhi`r atraa` svar jaya || {8}{015}{12}
araM` kShayaa'ya no ma`he vishvaa' ruu`paaNy aa'vi`shan |
indraM` jaitraa'ya harShayaa` shacii`pati'm || {8}{015}{13}


(636)
pra sa`mraajaM' carShaNii`naam indraM' stotaa` navyaM' gii`rbhiH |
naraM' nR^i`Shaaha`m maMhi'ShTham || {8}{016}{01}
yasmi'nn u`kthaani` raNya'nti` vishvaa'ni ca shrava`syaa |
a`paam avo` na sa'mu`dre || {8}{016}{02}
taM su'ShTu`tyaa vi'vaase jyeShTha`raaja`m bhare' kR^i`tnum |
ma`ho vaa`jinaM' sa`nibhyaH' || {8}{016}{03}
yasyaanuu'naa gabhii`raa madaa' u`rava`s taru'traaH |
ha`rShu`mantaH` shuura'saatau || {8}{016}{04}
tam id dhane'Shu hi`teShv a'dhivaa`kaaya' havante |
yeShaa`m indra`s te ja'yanti || {8}{016}{05}
tam ic cyau`tnair aarya'nti` taM kR^i`tebhi'sh carSha`NayaH' |
e`Sha indro' variva`skR^it || {8}{016}{06}
indro' bra`hmdra` R^iShi`r indraH' pu`ruu pu'ruhuu`taH |
ma`haan ma`hiibhiH` shacii'bhiH || {8}{016}{07}
sa stomyaH` sa havyaH' sa`tyaH satvaa' tuvikuu`rmiH |
eka'sh ci`t sann a`bhibhuu'tiH || {8}{016}{08}
tam a`rkebhi`s taM saama'bhi`s taM gaa'ya`traish ca'rSha`NayaH' |
indraM' vardhanti kShi`tayaH' || {8}{016}{09}
pra`Ne`taaraM` vasyo` acChaa` kartaa'raM` jyotiH' sa`matsu' |
saa`sa`hvaaMsaM' yu`dhaamitraa'n || {8}{016}{10}
sa naH` papriH' paarayaati sva`sti naa`vaa pu'ruhuu`taH |
indro` vishvaa` ati` dviShaH' || {8}{016}{11}
sa tvaM na' indra` vaaje'bhir dasha`syaa ca' gaatu`yaa ca' |
acChaa' ca naH su`mnaM ne'Shi || {8}{016}{12}


(637)
aa yaa'hi suShu`maa hi ta` indra` soma`m pibaa' i`mam |
edam ba`rhiH sa'do` mama' || {8}{017}{01}
aa tvaa' brahma`yujaa` harii` vaha'taam indra ke`shinaa' |
upa` brahmaa'Ni naH shR^iNu || {8}{017}{02}
bra`hmaaNa's tvaa va`yaM yu`jaa so'ma`paam i'ndra so`minaH' |
su`taava'nto havaamahe || {8}{017}{03}
aa no' yaahi su`taava'to .a`smaakaM' suShTu`tiir upa' |
pibaa` su shi'pri`nn andha'saH || {8}{017}{04}
aa te' si~ncaami ku`kShyor anu` gaatraa` vi dhaa'vatu |
gR^i`bhaa`ya ji`hvayaa` madhu' || {8}{017}{05}
svaa`duSh Te' astu saM`sude` madhu'maan ta`nveKp tava' |
somaH` sham a'stu te hR^i`de || {8}{017}{06}
a`yam u' tvaa vicarShaNe` janii'r ivaa`bhi saMvR^i'taH |
pra soma' indra sarpatu || {8}{017}{07}
tu`vi`griivo' va`poda'raH subaa`hur andha'so` made' |
indro' vR^i`traaNi' jighnate || {8}{017}{08}
indra` prehi' pu`ras tvaM vishva`syeshaa'na` oja'saa |
vR^i`traaNi' vR^itraha~n jahi || {8}{017}{09}
dii`rghas te' astv a~Nku`sho yaa` vasu' pra`yacCha'si |
yaja'maanaaya sunva`te || {8}{017}{10}
a`yaM ta' indra` somo` nipuu'to` adhi' ba`rhiShi' |
ehii'm a`sya dravaa` piba' || {8}{017}{11}
shaaci'go` shaaci'puujanaa`yaM raNaa'ya te su`taH |
aakha'NDala` pra huu'yase || {8}{017}{12}
yas te' shR^i~NgavR^iSho napaa`t praNa'paat kuNDa`paayyaH' |
ny asmin dadhra` aa manaH' || {8}{017}{13}
vaasto'Sh pate dhru`vaa sthuuNaaMsa'traM so`myaanaa'm |
dra`pso bhe`ttaa pu`raaM shashva'tiinaa`m indro` munii'naaM` sakhaa' || {8}{017}{14}
pR^idaa'kusaanur yaja`to ga`veSha'Na` ekaH` sann a`bhi bhuuya'saH |
bhuurNi`m ashvaM' nayat tu`jaa pu`ro gR^i`bhdraM` soma'sya pii`taye' || {8}{017}{15}


(638)
i`daM ha' nuu`nam e'ShaaM su`mnam bhi'kSheta` martyaH' |
aa`di`tyaanaa`m apuu'rvyaM` savii'mani || {8}{018}{01}
a`na`rvaaNo` hy eShaa`m panthaa' aadi`tyaanaa'm |
ada'bdhaaH` santi' paa`yavaH' suge`vR^idhaH' || {8}{018}{02}
tat su naH' savi`taa bhago` varu'No mi`tro a'rya`maa |
sharma' yacChantu sa`pratho` yad iima'he || {8}{018}{03}
de`vebhi'r devy adi`te .a'riShTabharma`nn aa ga'hi |
smat suu`ribhiH' purupriye su`sharma'bhiH || {8}{018}{04}
te hi pu`traaso` adi'ter vi`dur dveShaaM'si` yota've |
aM`hosh ci'd uru`cakra'yo .ane`hasaH' || {8}{018}{05}
adi'tir no` divaa' pa`shum adi'ti`r nakta`m adva'yaaH |
adi'tiH paa`tv aMha'saH sa`daavR^i'dhaa || {8}{018}{06}
u`ta syaa no` divaa' ma`tir adi'tir uu`tyaa ga'mat |
saa shaMtaa'ti` maya's kara`d apa` sridhaH' || {8}{018}{07}
u`ta tyaa daivyaa' bhi`Shajaa` shaM naH' karato a`shvinaa' |
yu`yu`yaataa'm i`to rapo` apa` sridhaH' || {8}{018}{08}
sham a`gnir a`gnibhiH' kara`c ChaM na's tapatu` suuryaH' |
shaM vaato' vaatv ara`paa apa` sridhaH' || {8}{018}{09}
apaamii'vaa`m apa` sridha`m apa' sedhata durma`tim |
aadi'tyaaso yu`yota'naa no` aMha'saH || {8}{018}{10}
yu`yotaa` sharu'm a`smad aam+ aadi'tyaasa u`taama'tim |
R^idha`g dveShaH' kR^iNuta vishvavedasaH || {8}{018}{11}
tat su naH` sharma' yacCha`taadi'tyaa` yan mumo'cati |
a'svantaM ci`d a'saH sudaanavaH || {8}{018}{12}
yo naH` kash ci`d riri'kShati rakSha`stva` martyaH' |
svaiH Sha evai' ririShiiShTa` yur janaH' || {8}{018}{13}
sam it tam a`gham a'shnavad duH`shaMsa`m martyaM' ri`pum |
yo a'sma`traa du`rhaNaa'vaa`m+ upa' dva`yuH || {8}{018}{14}
paa`ka`traa stha'na devaa hR^i`tsu jaa'niitha` martya'm |
upa' dva`yuM caadva'yuM ca vasavaH || {8}{018}{15}
aa sharma` parva'taanaa`m otaapaaM vR^i'Niimahe |
dyaavaa'kShaamaa`re a`smad rapa's kR^itam || {8}{018}{16}
te no' bha`dra` sharma'Naa yu`ShmaakaM' naa`vaa va'savaH |
ati` vishvaa'ni duri`taa pi'partana || {8}{018}{17}
tu`ce tanaa'ya` tat su no` draaghii'ya` aayu'r jii`vase' |
aadi'tyaasaH sumahasaH kR^i`Nota'na || {8}{018}{18}
ya`j~no hii`Lo vo` anta'ra` aadi'tyaa` asti' mR^i`Lata' |
yu`Shme id vo` api' Shmasi sajaa`tye || {8}{018}{19}
bR^i`had varuu'tham ma`rutaaM' de`vaM traa`taara'm a`shvinaa' |
mi`tram ii'mahe` varu'NaM sva`staye' || {8}{018}{20}
a`ne`ho mi'traaryaman nR^i`vad va'ruNa` shaMsya'm |
tri`varuu'tham maruto yanta nash Cha`rdiH || {8}{018}{21}
ye ci`d dhi mR^i`tyuba'ndhava` aadi'tyaa` mana'vaH` smasi' |
pra suu na` aayu'r jii`vase' tiretana || {8}{018}{22}


(639)
taM guu'rdhayaa` svarNaraM de`vaaso' de`vam a'ra`tiM da'dhanvire |
de`va`traa ha`vyam ohi're || {8}{019}{01}
vibhuu'taraatiM vipra ci`trasho'ciSham a`gnim ii'LiShva ya`ntura'm |
a`sya medha'sya so`myasya' sobhare` prem a'dhva`raaya` puurvya'm || {8}{019}{02}
yaji'ShThaM tvaa vavR^imahe de`vaM de'va`traa hotaa'ra`m ama'rtyam |
a`sya ya`j~nasya' su`kratu'm || {8}{019}{03}
uu`rjo napaa'taM su`bhagaM' su`diidi'tim a`gniM shreShTha'shociSham |
sa no' mi`trasya` varu'Nasya` so a`paam aa su`mnaM ya'kShate di`vi || {8}{019}{04}
yaH sa`midhaa` ya aahu'tii` yo vede'na da`daasha` marto' a`gnaye' |
yo nama'saa svadhva`raH || {8}{019}{05}
tasyed arva'nto raMhayanta aa`shava`s tasya' dyu`mnita'maM` yashaH' |
na tam aMho' de`vakR^i'taM` kuta'sh ca`na na martya'kR^itaM nashat || {8}{019}{06}
sva`gnayo' vo a`gnibhiH` syaama' suuno sahasa uurjaam pate |
su`viira`s tvam a'sma`yuH || {8}{019}{07}
pra`shaMsa'maano` ati'thi`r na mi`triyo' .a`gnii ratho` na vedyaH' |
tve kShemaa'so` api' santi saa`dhava`s tvaM raajaa' rayii`Naam || {8}{019}{08}
so a`ddhaa daa`shvadhva`ro .a'gne` martaH' subhaga` sa pra`shaMsyaH' |
sa dhii`bhir a'stu` sani'taa || {8}{019}{09}
yasya` tvam uu`rdhvo a'dhva`raaya` tiShTha'si kSha`yadvii'raH` sa saa'dhate |
so arva'dbhiH` sani'taa` sa vi'pa`nyubhiH` sa shuuraiH` sani'taa kR^i`tam || {8}{019}{10}
yasyaa`gnir vapu'r gR^i`he stomaM` cano` dadhii'ta vi`shvavaa'ryaH |
ha`vyaa vaa` vevi'Sha`d viShaH' || {8}{019}{11}
vipra'sya vaa stuva`taH sa'haso yaho ma`kShuuta'masya raa`tiShu' |
a`vode'vam u`pari'martyaM kR^idhi` vaso' vivi`duSho` vacaH' || {8}{019}{12}
yo a`gniM ha`vyadaa'tibhi`r namo'bhir vaa su`dakSha'm aa`vivaa'sati |
gi`raa vaa'ji`rasho'ciSham || {8}{019}{13}
sa`midhaa` yo nishi'tii` daasha`d adi'tiM` dhaama'bhir asya` martyaH' |
vishvet sa dhii`bhiH su`bhago` janaa`m+ ati' dyu`mnair u`dna i'va taariShat || {8}{019}{14}
tad a'gne dyu`mnam aa bha'ra` yat saa`saha`t sada'ne` kaM ci'd a`triNa'm |
ma`nyuM jana'sya duu`DhyaH || {8}{019}{15}
ya` caShTe` varu'No mi`tro a'rya`maa ya` naasa'tyaa` bhagaH' |
va`yaM tat te` shava'saa gaatu`vitta'maa` indra'tvotaa vidhemahi || {8}{019}{16}
te ghed a'gne svaa`dhyoKp ye tvaa' vipra nidadhi`re nR^i`cakSha'sam |
vipraa'so deva su`kratu'm || {8}{019}{17}
ta id vediM' subhaga` ta aahu'tiM` te sotuM' cakrire di`vi |
ta id vaaje'bhir jigyur ma`had dhanaM` ye tve kaamaM' nyeri`re || {8}{019}{18}
bha`dro no' a`gnir aahu'to bha`draa raa`tiH su'bhaga bha`dro a'dhva`raH |
bha`draa u`ta prasha'stayaH || {8}{019}{19}
bha`dram manaH' kR^iNuShva vR^itra`tuurye` yaa' sa`matsu' saa`sahaH' |
ava' sthi`raa ta'nuhi` bhuuri` shardha'taaM va`nemaa' te a`bhiShTi'bhiH || {8}{019}{20}
iiLe' gi`raa manu'rhitaM` yaM de`vaa duu`tam a'ra`tiM nye'ri`re |
yaji'ShThaM havya`vaaha'nam || {8}{019}{21}
ti`gmaja'mbhaaya` taru'Naaya` raaja'te` prayo' gaayasy a`gnaye' |
yaH piM`shate' suu`nR^itaa'bhiH su`viirya'm a`gnir ghR^i`tebhi`r aahu'taH || {8}{019}{22}
yadii' ghR^i`tebhi`r aahu'to` vaashii'm a`gnir bhara'ta` uc caava' ca |
asu'ra iva ni`rNija'm || {8}{019}{23}
yo ha`vyaany aira'yataa` manu'rhito de`va aa`saa su'ga`ndhinaa' |
vivaa'sate` vaaryaa'Ni svadhva`ro hotaa' de`vo ama'rtyaH || {8}{019}{24}
yad a'gne` martya`s tvaM syaam a`ham mi'tramaho` ama'rtyaH |
saha'saH suunav aahuta || {8}{019}{25}
na tvaa' raasiiyaa`bhisha'staye vaso` na paa'pa`tvaaya' santya |
na me' sto`taama'tii`vaa na durhi'taH` syaad a'gne` na paa`payaa' || {8}{019}{26}
pi`tur na pu`traH subhR^i'to duro`Na aa de`vaam+ e'tu` pra No' ha`viH || {8}{019}{27}
tavaa`ham a'gna uu`tibhi`r nedi'ShThaabhiH saceya` joSha`m aa va'so |
sadaa' de`vasya` martyaH' || {8}{019}{28}
tava` kratvaa' saneyaM` tava' raa`tibhi`r agne` tava` prasha'stibhiH |
tvaam id aa'huH` prama'tiM vaso` mamaagne` harSha'sva` daata've || {8}{019}{29}
pra so a'gne` tavo`tibhiH' su`viiraa'bhis tirate` vaaja'bharmabhiH |
yasya` tvaM sa`khyam aa`varaH' || {8}{019}{30}
tava' dra`pso niila'vaan vaa`sha R^i`tviya` indhaa'naH siShNa`v aa da'de |
tvam ma'hii`naam u`Shasaa'm asi pri`yaH kSha`po vastu'Shu raajasi || {8}{019}{31}
tam aaga'nma` sobha'rayaH sa`hasra'muShkaM svabhi`ShTim ava'se |
sa`mraajaM` traasa'dasyavam || {8}{019}{32}
yasya' te agne a`nye a`gnaya' upa`kShito' va`yaa i'va |
vipo` na dyu`mnaa ni yu've` janaa'naaM` tava' kSha`traaNi' va`rdhaya'n || {8}{019}{33}
yam aa'dityaaso adruhaH paa`raM naya'tha` martya'm |
ma`ghonaaM` vishve'ShaaM sudaanavaH || {8}{019}{34}
yuu`yaM raa'jaanaH` kaM ci'c carShaNiisahaH` kShaya'nta`m maanu'Shaa`m+ anu' |
va`yaM te vo` varu'Na` mitraarya'ma`n syaamed R^i`tasya' ra`thyaH || {8}{019}{35}
adaa'n me pauruku`tsyaH pa'~ncaa`shataM' tra`sada'syur va`dhuunaa'm |
maMhi'ShTho a`ryaH satpa'tiH || {8}{019}{36}
u`ta me' pra`yiyo'r va`yiyoH' su`vaastvaa` adhi` tugva'ni |
ti`sR^I`NaaM sa'ptatii`naaM shyaa`vaH pra'Ne`taa bhu'va`d vasu`r diyaa'naa`m patiH' || {8}{019}{37}


(640)
aa ga'ntaa` maa ri'ShaNyata` prasthaa'vaano` maapa' sthaataa samanyavaH |
sthi`raa ci'n namayiShNavaH || {8}{020}{01}
vii`Lu`pa`vibhi'r maruta R^ibhukShaNa` aa ru'draasaH sudii`tibhiH' |
i`Shaa no' a`dyaa ga'taa puruspR^iho ya`j~nam aa so'bharii`yavaH' || {8}{020}{02}
vi`dmaa hi ru`driyaa'NaaM` shuShma'm u`gram ma`rutaaM` shimii'vataam |
viShNo'r e`Shasya' mii`LhuShaa'm || {8}{020}{03}
vi dvii`paani` paapa'ta`n tiShTha'd du`cChuno`bhe yu'janta` roda'sii |
pra dhanvaa'ny airata shubhrakhaadayo` yad eja'tha svabhaanavaH || {8}{020}{04}
acyu'taa cid vo` ajma`nn aa naana'dati` parva'taaso` vana`spatiH' |
bhuumi`r yaame'Shu rejate || {8}{020}{05}
amaa'ya vo maruto` yaata've` dyaur jihii'ta` utta'raa bR^i`hat |
yatraa` naro` dedi'shate ta`nuuShv aa tvakShaaM'si baa`hvojasaH || {8}{020}{06}
sva`dhaam anu` shriyaM` naro` mahi' tve`Shaa ama'vanto` vR^iSha'psavaH |
vaha'nte` ahru'tapsavaH || {8}{020}{07}
gobhi'r vaa`No a'jyate` sobha'riiNaaM` rathe` koshe' hira`Nyaye' |
goba'ndhavaH sujaa`taasa' i`She bhu`je ma`haanto' na` spara'se` nu || {8}{020}{08}
prati' vo vR^iShada~njayo` vR^iShNe` shardhaa'ya` maaru'taaya bharadhvam |
ha`vyaa vR^iSha'prayaavNe || {8}{020}{09}
vR^i`Sha`Na`shva' maruto` vR^iSha'psunaa` rathe'na` vR^iSha'naabhinaa |
aa shye`naaso` na pa`kShiNo` vR^ithaa' naro ha`vyaa no' vii`taye' gata || {8}{020}{10}
sa`maa`nam a`~njy eShaaM` vi bhraa'jante ru`kmaaso` adhi' baa`huShu' |
davi'dyutaty R^i`ShTayaH' || {8}{020}{11}
ta u`graaso` vR^iSha'Na u`grabaa'havo` naki'Sh Ta`nuuShu' yetire |
sthi`raa dhanvaa`ny aayu'dhaa` rathe'Shu` vo .a'niike`Shv adhi` shriyaH' || {8}{020}{12}
yeShaa`m arNo` na sa`pratho` naama' tve`ShaM shashva'taa`m eka`m id bhu`je |
vayo` na pitryaM` sahaH' || {8}{020}{13}
taan va'ndasva ma`ruta`s taam+ upa' stuhi` teShaaM` hi dhunii'naam |
a`raaNaaM` na ca'ra`mas tad e'ShaaM daa`naa ma`hnaa tad e'Shaam || {8}{020}{14}
su`bhagaH` sa va' uu`tiShv aasa` puurvaa'su maruto` vyuShTiShu |
yo vaa' nuu`nam u`taasa'ti || {8}{020}{15}
yasya' vaa yuu`yam prati' vaa`jino' nara` aa ha`vyaa vii`taye' ga`tha |
a`bhi Sha dyu`mnair u`ta vaaja'saatibhiH su`mnaa vo' dhuutayo nashat || {8}{020}{16}
yathaa' ru`drasya' suu`navo' di`vo vasha`nty asu'rasya ve`dhasaH' |
yuvaa'na`s tathed a'sat || {8}{020}{17}
ye caarha'nti ma`rutaH' su`daana'vaH` sman mii`LhuSha`sh cara'nti` ye |
ata'sh ci`d aa na` upa` vasya'saa hR^i`daa yuvaa'na` aa va'vR^idhvam || {8}{020}{18}
yuuna' uu` Shu navi'ShThayaa` vR^iShNaH' paava`kaam+ a`bhi so'bhare gi`raa |
gaaya` gaa i'va` carkR^i'Shat || {8}{020}{19}
saa`haa ye santi' muShTi`heva` havyo` vishvaa'su pR^i`tsu hotR^i'Shu |
vR^iShNa'sh ca`ndraan na su`shrava'stamaan gi`raa vanda'sva ma`ruto` aha' || {8}{020}{20}
gaava'sh cid ghaa samanyavaH sajaa`tya marutaH` saba'ndhavaH |
ri`ha`te ka`kubho' mi`thaH || {8}{020}{21}
marta'sh cid vo nR^itavo rukmavakShasa` upa' bhraatR^i`tvam aaya'ti |
adhi' no gaata marutaH` sadaa` hi va' aapi`tvam asti` nidhru'vi || {8}{020}{22}
maru'to` maaru'tasya na` aa bhe'Sha`jasya' vahataa sudaanavaH |
yuu`yaM sa'khaayaH saptayaH || {8}{020}{23}
yaabhiH` sindhu`m ava'tha` yaabhi`s tuurva'tha` yaabhi'r dasha`syathaa` krivi'm |
mayo' no bhuuto`tibhi'r mayobhuvaH shi`vaabhi'r asacadviShaH || {8}{020}{24}
yat sindhau` yad asi'knyaaM` yat sa'mu`dreShu' marutaH subarhiShaH |
yat parva'teShu bheSha`jam || {8}{020}{25}
vishva`m pashya'nto bibhR^ithaa ta`nuuShv aa taa' no` adhi' vocata |
kSha`maa rapo' maruta` aatu'rasya na` iShka'rtaa` vihru'ta`m punaH' || {8}{020}{26}


(641)
va`yam u` tvaam a'puurvya sthuu`raM na kac ci`d bhara'nto .ava`syavaH' |
vaaje' ci`traM ha'vaamahe || {8}{021}{01}
upa' tvaa` karma'nn uu`taye` sa no` yuvo`grash ca'kraama` yo dhR^i`Shat |
tvaam id dhy avi`taaraM' vavR^i`mahe` sakhaa'ya indra saana`sim || {8}{021}{02}
aa yaa'hii`ma inda`vo .a'shvapate` gopa'ta` urva'raapate |
somaM' somapate piba || {8}{021}{03}
va`yaM hi tvaa` bandhu'mantam aba`ndhavo` vipraa'sa indra yemi`ma |
yaa te` dhaamaa'ni vR^iShabha` tebhi`r aa ga'hi` vishve'bhiH` soma'piitaye || {8}{021}{04}
siida'ntas te` vayo' yathaa` goshrii'te` madhau' madi`re vi`vakSha'Ne |
a`bhi tvaam i'ndra nonumaH || {8}{021}{05}
acChaa' ca tvai`naa nama'saa` vadaa'masi` kim muhu'sh ci`d vi dii'dhayaH |
santi` kaamaa'so harivo da`diSh TvaM smo va`yaM santi' no` dhiyaH' || {8}{021}{06}
nuutnaa` id i'ndra te va`yam uu`tii a'bhuuma na`hi nuu te' adrivaH |
vi`dmaa pu`raa parii'NasaH || {8}{021}{07}
vi`dmaa sa'khi`tvam u`ta shuu'ra bho`jyakp m aa te` taa va'jrinn iimahe |
u`to sa'masmi`nn aa shi'shiihi no vaso` vaaje' sushipra` goma'ti || {8}{021}{08}
yo na' i`dam-i'dam pu`raa pra vasya' aani`naaya` tam u' va stuShe |
sakhaa'ya` indra'm uu`taye' || {8}{021}{09}
harya'shvaM` satpa'tiM carShaNii`sahaM` sa hi Shmaa` yo ama'ndata |
aa tu naH` sa va'yati` gavya`m ashvyaM' sto`tR^ibhyo' ma`ghavaa' sha`tam || {8}{021}{10}
tvayaa' ha svid yu`jaa va`yam prati' shva`santaM' vR^iShabha bruviimahi |
saM`sthe jana'sya` goma'taH || {8}{021}{11}
jaye'ma kaa`re pu'ruhuuta kaa`riNo' .a`bhi ti'ShThema duu`DhyaH |
nR^ibhi'r vR^i`traM ha`nyaama' shuushu`yaama` caave'r indra` pra No` dhiyaH' || {8}{021}{12}
a`bhraa`tR^i`vyo a`naa tvam anaa'pir indra ja`nuShaa' sa`naad a'si |
yu`dhed aa'pi`tvam i'cChase || {8}{021}{13}
nakii' re`vantaM' sa`khyaaya' vindase` piiya'nti te suraa`shvaH |
ya`daa kR^i`NoShi' nada`nuM sam uu'ha`sy aad it pi`teva' huuyase || {8}{021}{14}
maa te' amaa`juro' yathaa muu`raasa' indra sa`khye tvaava'taH |
ni Sha'daama` sacaa' su`te || {8}{021}{15}
maa te' godatra` nir a'raama` raadha'sa` indra` maa te' gR^ihaamahi |
dR^i`Lhaa ci'd a`ryaH pra mR^i'shaa`bhy aa bha'ra` na te' daa`maana' aa`dabhe' || {8}{021}{16}
indro' vaa` ghed iya'n ma`ghaM sara'svatii vaa su`bhagaa' da`dir vasu' |
tvaM vaa' citra daa`shuShe' || {8}{021}{17}
citra` id raajaa' raaja`kaa id a'nya`ke ya`ke sara'svatii`m anu' |
pa`rjanya' iva ta`tana`d dhi vR^i`ShTyaa sa`hasra'm a`yutaa` dada't || {8}{021}{18}


(642)
o tyam a'hva` aa ratha'm a`dyaa daMsi'ShTham uu`taye' |
yam a'shvinaa suhavaa rudravartanii` aa suu`ryaayai' ta`sthathuH' || {8}{022}{01}
puu`rvaa`yuShaM' su`hava'm puru`spR^iha'm bhu`jyuM vaaje'Shu` puurvya'm |
sa`ca`naava'ntaM suma`tibhiH' sobhare` vidve'Shasam ane`hasa'm || {8}{022}{02}
i`ha tyaa pu'ru`bhuuta'maa de`vaa namo'bhir a`shvinaa' |
a`rvaa`cii`naa sv ava'se karaamahe` gantaa'raa daa`shuSho' gR^i`ham || {8}{022}{03}
yu`vo ratha'sya` pari' ca`kram ii'yata ii`rmaanyad vaa'm iShaNyati |
a`smaam+ acChaa' suma`tir vaaM' shubhas patii` aa dhe`nur i'va dhaavatu || {8}{022}{04}
ratho` yo vaaM' trivandhu`ro hira'Nyaabhiishur ashvinaa |
pari` dyaavaa'pR^ithi`vii bhuuSha'ti shru`tas ta' naasa`tyaa ga'tam || {8}{022}{05}
da`sha`syantaa` mana've puu`rvyaM di`vi yavaM` vR^ike'Na karShathaH |
taa vaa'm a`dya su'ma`tibhiH' shubhas patii` ashvi'naa` pra stu'viimahi || {8}{022}{06}
upa' no vaajiniivasuu yaa`tam R^i`tasya' pa`thibhiH' |
yebhi's tR^i`kShiM vR^i'ShaNaa traasadasya`vam ma`he kSha`traaya` jinva'thaH || {8}{022}{07}
a`yaM vaa`m adri'bhiH su`taH somo' naraa vR^iShaNvasuu |
aa yaa'taM` soma'piitaye` piba'taM daa`shuSho' gR^i`he || {8}{022}{08}
aa hi ru`hata'm ashvinaa` rathe` koshe' hira`Nyaye' vR^iShaNvasuu |
yu`~njaathaa`m piiva'rii`r iShaH' || {8}{022}{09}
yaabhiH' pa`ktham ava'tho` yaabhi`r adhri'guM` yaabhi'r ba`bhruM vijo'Shasam |
taabhi'r no ma`kShuu tuuya'm ashvi`naa ga'tam bhiSha`jyataM` yad aatu'ram || {8}{022}{10}
yad adhri'gaavo` adhri'guu i`daa ci`d ahno' a`shvinaa` havaa'mahe |
va`yaM gii`rbhir vi'pa`nyavaH' || {8}{022}{11}
taabhi`r aa yaa'taM vR^iSha`Nopa' me` havaM' vi`shvapsuM' vi`shvavaa'ryam |
i`Shaa maMhi'ShThaa puru`bhuuta'maa naraa` yaabhiH` kriviM' vaavR^i`dhus taabhi`r aa ga'tam || {8}{022}{12}
taav i`daa ci`d ahaa'naaM` taav a`shvinaa` vanda'maana` upa' bruve |
taa u` namo'bhir iimahe || {8}{022}{13}
taav id do`Shaa taa u`Shasi' shu`bhas patii` taa yaama'n ru`drava'rtanii |
maa no` martaa'ya ri`pave' vaajiniivasuu pa`ro ru'draa`v ati' khyatam || {8}{022}{14}
aa sugmyaa'ya` sugmya'm praa`taa rathe'naa`shvinaa' vaa sa`kShaNii' |
hu`ve pi`teva` sobha'rii || {8}{022}{15}
mano'javasaa vR^iShaNaa madacyutaa makShuMga`maabhi'r uu`tibhiH' |
aa`raattaa'c cid bhuutam a`sme ava'se puu`rviibhiH' purubhojasaa || {8}{022}{16}
aa no` ashvaa'vad ashvinaa va`rtir yaa'siShTam madhupaatamaa naraa |
goma'd dasraa` hira'Nyavat || {8}{022}{17}
su`praa`va`rgaM su`viiryaM' su`ShThu vaarya`m anaa'dhR^iShTaM rakSha`svinaa' |
a`sminn aa vaa'm aa`yaane' vaajiniivasuu` vishvaa' vaa`maani' dhiimahi || {8}{022}{18}


(643)
iiLi'Shvaa` hi pra'tii`vyakp M yaja'sva jaa`tave'dasam |
ca`ri`ShNudhuu'ma`m agR^i'bhiitashociSham || {8}{023}{01}
daa`maanaM' vishvacarShaNe .a`gniM vi'shvamano gi`raa |
u`ta stu'She` viShpa'rdhaso` rathaa'naam || {8}{023}{02}
yeShaa'm aabaa`dha R^i`gmiya' i`ShaH pR^i`kShash ca' ni`grabhe' |
u`pa`vidaa` vahni'r vindate` vasu' || {8}{023}{03}
ud a'sya sho`cir a'sthaad diidi`yuSho` vy akp jara'm |
tapu'rjambhasya su`dyuto' gaNa`shriyaH' || {8}{023}{04}
ud u' tiShTha svadhvara` stavaa'no de`vyaa kR^i`paa |
a`bhi`khyaa bhaa`saa bR^i'ha`taa shu'shu`kvaniH' || {8}{023}{05}
agne' yaa`hi su'sha`stibhi'r ha`vyaa juhvaa'na aanu`Shak |
yathaa' duu`to ba`bhuutha' havya`vaaha'naH || {8}{023}{06}
a`gniM vaH' puu`rvyaM hu've` hotaa'raM carShaNii`naam |
tam a`yaa vaa`caa gR^i'Ne` tam u' va stuShe || {8}{023}{07}
ya`j~nebhi`r adbhu'takratuM` yaM kR^i`paa suu`daya'nta` it |
mi`traM na jane` sudhi'tam R^i`taava'ni || {8}{023}{08}
R^i`taavaa'nam R^itaayavo ya`j~nasya` saadha'naM gi`raa |
upo' aM jujuShu`r nama'sas pa`de || {8}{023}{09}
acChaa' no` a~Ngi'rastamaM ya`j~naaso' yantu saM`yataH' |
hotaa` yo asti' vi`kShv aa ya`shasta'maH || {8}{023}{10}
agne` tava` tye a'ja`rdhaa'naaso bR^i`had bhaaH |
ashvaa' iva` vR^iSha'Nas taviShii`yavaH' || {8}{023}{11}
sa tvaM na' uurjaam pate ra`yiM raa'sva su`viirya'm |
praava' nas to`ke tana'ye sa`matsv aa || {8}{023}{12}
yad vaa u' vi`shpatiH' shi`taH suprii'to` manu'Sho vi`shi |
vishved a`gniH prati` rakShaaM'si sedhati || {8}{023}{13}
shru`ShTy agne` nava'sya me` stoma'sya viira vishpate |
ni maa`yina`s tapu'Shaa ra`kShaso' daha || {8}{023}{14}
na tasya' maa`yayaa' ca`na ri`pur ii'shiita` martyaH' |
yo a`gnaye' da`daasha' ha`vyadaa'tibhiH || {8}{023}{15}
vyashvas tvaa vasu`vida'm ukSha`Nyur a'priiNaa`d R^iShiH' |
ma`ho raa`ye tam u' tvaa` sam i'dhiimahi || {8}{023}{16}
u`shanaa' kaa`vyas tvaa` ni hotaa'ram asaadayat |
aa`ya`jiM tvaa` mana've jaa`tave'dasam || {8}{023}{17}
vishve` hi tvaa' sa`joSha'so de`vaaso' duu`tam akra'ta |
shru`ShTii de'va pratha`mo ya`j~niyo' bhuvaH || {8}{023}{18}
i`maM ghaa' vii`ro a`mR^itaM' duu`taM kR^i'Nviita` martyaH' |
paa`va`kaM kR^i`ShNava'rtaniM` vihaa'yasam || {8}{023}{19}
taM hu'vema ya`tasru'caH su`bhaasaM' shu`krasho'ciSham |
vi`shaam a`gnim a`jara'm pra`tnam iiDya'm || {8}{023}{20}
yo a'smai ha`vyadaa'tibhi`r aahu'ti`m marto .a'vidhat |
bhuuri` poShaM` sa dha'tte vii`rava`d yashaH' || {8}{023}{21}
pra`tha`maM jaa`tave'dasam a`gniM ya`j~neShu' puu`rvyam |
prati` srug e'ti` nama'saa ha`viShma'tii || {8}{023}{22}
aabhi'r vidhemaa`gnaye` jyeShThaa'bhir vyashva`vat |
maMhi'ShThaabhir ma`tibhiH' shu`krasho'ciShe || {8}{023}{23}
nuu`nam a'rca` vihaa'yase` stome'bhi sthuurayuupa`vat |
R^iShe' vaiyashva` damyaa'yaa`gnaye' || {8}{023}{24}
ati'thi`m maanu'ShaaNaaM suu`nuM vana`spatii'naam |
vipraa' a`gnim ava'se pra`tnam ii'Late || {8}{023}{25}
ma`ho vishvaa'm+ a`bhi Sha`to .a`bhi ha`vyaani` maanu'Shaa |
agne` ni Sha'tsi` nama`saadhi' ba`rhiShi' || {8}{023}{26}
vaMsvaa' no` vaaryaa' pu`ru vaMsva' raa`yaH pu'ru`spR^ihaH' |
su`viirya'sya pra`jaava'to` yasha'svataH || {8}{023}{27}
tvaM va'ro su`ShaamNe .a'gne` janaa'ya codaya |
sadaa' vaso raa`tiM ya'viShTha` shashva'te || {8}{023}{28}
tvaM hi su'pra`tuur asi` tvaM no` goma'tii`r iShaH' |
ma`ho raa`yaH saa`tim a'gne` apaa' vR^idhi || {8}{023}{29}
agne` tvaM ya`shaa a`sy aa mi`traavaru'Naa vaha |
R^i`taavaa'naa sa`mraajaa' puu`tada'kShasaa || {8}{023}{30}


(644)
sakhaa'ya` aa shi'Shaamahi` brahmdraa'ya va`jriNe' |
stu`Sha uu` Shu vo` nR^ita'maaya dhR^i`ShNave' || {8}{024}{01}
shava'saa` hy asi' shru`to vR^i'tra`hatye'na vR^itra`haa |
ma`ghair ma`ghono` ati' shuura daashasi || {8}{024}{02}
sa na` stavaa'na` aa bha'ra ra`yiM ci`trashra'vastamam |
ni`re`ke ci`d yo ha'rivo` vasu'r da`diH || {8}{024}{03}
aa ni're`kam u`ta pri`yam indra` darShi` janaa'naam |
dhR^i`Sha`taa dhR^i'ShNo` stava'maana` aa bha'ra || {8}{024}{04}
na te' sa`vyaM na dakShi'NaM` hastaM' varanta aa`muraH' |
na pa'ri`baadho' harivo` gavi'ShTiShu || {8}{024}{05}
aa tvaa` gobhi'r iva vra`jaM gii`rbhir R^i'Nomy adrivaH |
aa smaa` kaamaM' jari`tur aa manaH' pR^iNa || {8}{024}{06}
vishvaa'ni vi`shvama'naso dhi`yaa no' vR^itrahantama |
ugra' praNeta`r adhi` Shuu va'so gahi || {8}{024}{07}
va`yaM te' a`sya vR^i'trahan vi`dyaama' shuura` navya'saH |
vaso' spaa`rhasya' puruhuuta` raadha'saH || {8}{024}{08}
indra` yathaa` hy asti` te .a'pariitaM nR^ito` shavaH' |
amR^i'ktaa raa`tiH pu'ruhuuta daa`shuShe' || {8}{024}{09}
aa vR^i'Shasva mahaamaha ma`he nR^i'tama` raadha'se |
dR^i`Lhash ci'd dR^ihya maghavan ma`ghatta'ye || {8}{024}{10}
nuu a`nyatraa' cid adriva`s tvan no' jagmur aa`shasaH' |
magha'va~n Cha`gdhi tava` tan na' uu`tibhiH' || {8}{024}{11}
na`hy akp ~Nga nR^i'to` tvad a`nyaM vi`ndaami` raadha'se |
raa`ye dyu`mnaaya` shava'se ca girvaNaH || {8}{024}{12}
du`m indraa'ya si~ncata` pibaa'ti so`myam madhu' |
pra raadha'saa codayaate mahitva`naa || {8}{024}{13}
upo` harii'Naa`m patiM` dakSha'm pR^i`~ncanta'm abravam |
nuu`naM shru'dhi stuva`to a`shvyasya' || {8}{024}{14}
na`hy akp ~Nga pu`raa ca`na ja`j~ne vii`rata'ra`s tvat |
nakii' raa`yaa naivathaa` na bha`ndanaa' || {8}{024}{15}
ed u` madhvo' ma`dinta'raM si`~nca vaa'dhvaryo` andha'saH |
e`vaa hi vii`ra stava'te sa`daavR^i'dhaH || {8}{024}{16}
indra' sthaatar hariiNaaM` naki'Sh Te puu`rvyastu'tim |
ud aa'naMsha` shava'saa` na bha`ndanaa' || {8}{024}{17}
taM vo` vaajaa'naa`m pati`m ahuu'mahi shrava`syavaH' |
apraa'yubhir ya`j~nebhi'r vaavR^i`dhya'm || {8}{024}{18}
eto` nv indraM` stavaa'ma` sakhaa'ya` stomyaM` nara'm |
kR^i`ShTiir yo vishvaa' a`bhy asty eka` it || {8}{024}{19}
ago'rudhaaya ga`viShe' dyu`kShaaya` dasmyaM` vacaH' |
ghR^i`taat svaadii'yo` madhu'nash ca vocata || {8}{024}{20}
yasyaami'taani vii`ryaaKp na raadhaH` parye'tave |
jyoti`r na vishva'm a`bhy asti` dakShi'Naa || {8}{024}{21}
stu`hiindraM' vyashva`vad anuu'rmiM vaa`jinaM` yama'm |
a`ryo gaya`m maMha'maanaM` vi daa`shuShe' || {8}{024}{22}
e`vaa nuu`nam upa' stuhi` vaiya'shva dasha`maM nava'm |
suvi'dvaaMsaM ca`rkR^ityaM' ca`raNii'naam || {8}{024}{23}
vetthaa` hi nirR^i'tiinaaM` vajra'hasta pari`vR^ija'm |
aha'r-ahaH shu`ndhyuH pa'ri`padaa'm iva || {8}{024}{24}
tad i`ndraava` aa bha'ra` yaa' daMsiShTha` kR^itva'ne |
dvi`taa kutsaa'ya shishnatho` ni co'daya || {8}{024}{25}
tam u' tvaa nuu`nam ii'mahe` navyaM' daMsiShTha` sanya'se |
sa tvaM no` vishvaa' a`bhimaa'tiiH sa`kShaNiH' || {8}{024}{26}
ya R^ikShaa`d aMha'so mu`cad yo vaaryaa't sa`pta sindhu'Shu |
vadha'r daa`sasya' tuvinR^imNa niinamaH || {8}{024}{27}
yathaa' varo su`ShaamNe' sa`nibhya` aava'ho ra`yim |
vyashvebhyaH subhage vaajiniivati || {8}{024}{28}
aa naa`ryasya` dakShi'Naa` vyashvaam+ etu so`minaH' |
sthuu`raM ca` raadhaH' sha`tava't sa`hasra'vat || {8}{024}{29}
yat tvaa' pR^i`cChaad ii'jaa`naH ku'ha`yaa ku'hayaakR^ite |
e`Sho apa'shrito va`lo go'ma`tiim ava' tiShThati || {8}{024}{30}


(645)
taa vaaM` vishva'sya go`paa de`vaa de`veShu' ya`j~niyaa' |
R^i`taavaa'naa yajase puu`tada'kShasaa || {8}{025}{01}
mi`traa tanaa` na ra`thyaaKp varu'No` yash ca' su`kratuH' |
sa`naat su'jaa`taa tana'yaa dhR^i`tavra'taa || {8}{025}{02}
taa maa`taa vi`shvave'dasaasu`ryaaya` prama'hasaa |
ma`hii ja'jaa`naadi'tir R^i`taava'rii || {8}{025}{03}
ma`haantaa' mi`traavaru'Naa sa`mraajaa' de`vaav asu'raa |
R^i`taavaa'naav R^i`tam aa gho'Shato bR^i`hat || {8}{025}{04}
napaa'taa` shava'so ma`haH suu`nuu dakSha'sya su`kratuu' |
sR^i`pradaa'nuu i`Sho vaastv adhi' kShitaH || {8}{025}{05}
saM yaa daanuu'ni ye`mathu'r di`vyaaH paarthi'vii`r iShaH' |
nabha'svatii`r aa vaaM' carantu vR^i`ShTayaH' || {8}{025}{06}
adhi` yaa bR^i'ha`to di`vo .a`bhi yuu`theva` pashya'taH |
R^i`taavaa'naa sa`mraajaa` nama'se hi`taa || {8}{025}{07}
R^i`taavaa'naa` ni She'datuH` saamraa'jyaaya su`kratuu' |
dhR^i`tavra'taa kSha`triyaa' kSha`tram aa'shatuH || {8}{025}{08}
a`kShNash ci'd gaatu`vitta'raanulba`Na` cakSha'saa |
ni ci'n mi`Shantaa' nici`raa ni ci'kyatuH || {8}{025}{09}
u`ta no' de`vy adi'tir uru`ShyataaM` naasa'tyaa |
u`ru`Shyantu' ma`ruto' vR^i`ddhasha'vasaH || {8}{025}{10}
te no' naa`vam u'ruShyata` divaa` naktaM' sudaanavaH |
ari'Shyanto` ni paa`yubhiH' sacemahi || {8}{025}{11}
aghna'te` viShNa've va`yam ari'ShyantaH su`daana've |
shru`dhi sva'yaavan sindho puu`rvaci'ttaye || {8}{025}{12}
tad vaaryaM' vR^iNiimahe` vari'ShThaM gopa`yatya'm |
mi`tro yat paanti` varu'No` yad a'rya`maa || {8}{025}{13}
u`ta naH` sindhu'r a`paaM tan ma`ruta`s tad a`shvinaa' |
indro` viShNu'r mii`DhvaaMsaH' sa`joSha'saH || {8}{025}{14}
te hi Shmaa' va`nuSho` naro' .a`bhimaa'tiM` kaya'sya cit |
ti`gmaM na kShodaH' prati`ghnanti` bhuurNa'yaH || {8}{025}{15}
a`yam eka' i`tthaa pu`ruuru ca'ShTe` vi vi`shpatiH' |
tasya' vra`taany anu' vash caraamasi || {8}{025}{16}
anu` puurvaa'Ny o`kyaa saamraa`jyasya' sashcima |
mi`trasya' vra`taa varu'Nasya diirgha`shrut || {8}{025}{17}
pari` yo ra`shminaa' di`vo .a'ntaan ma`me pR^i'thi`vyaaH |
u`bhe aa pa'prau` roda'sii mahi`tvaa || {8}{025}{18}
ud u` Shya sha'ra`Ne di`vo jyoti'r ayaMsta` suuryaH' |
a`gnir na shu`kraH sa'midhaa`na aahu'taH || {8}{025}{19}
vaco' dii`rghapra'sadma`niishe` vaaja'sya` goma'taH |
iishe` hi pi`tvo .avi`Shasya' daa`vane' || {8}{025}{20}
tat suuryaM` roda'sii u`bhe do`Shaa vasto`r upa' bruve |
bho`jeShv a`smaam+ a`bhy uc ca'raa` sadaa' || {8}{025}{21}
R^i`jram u'kSha`Nyaaya'ne raja`taM hara'yaaNe |
rathaM' yu`ktam a'sanaama su`Shaama'Ni || {8}{025}{22}
taa me` ashvyaa'naaM` harii'NaaM ni`tosha'naa |
u`to nu kR^itvyaa'naaM nR^i`vaaha'saa || {8}{025}{23}
smada'bhiishuu` kashaa'vantaa` vipraa` navi'ShThayaa ma`tii |
ma`ho vaa`jinaa`v arva'ntaa` sacaa'sanam || {8}{025}{24}


(646)
yu`vor u` Shuu rathaM' huve sa`dhastu'tyaaya suu`riShu' |
atuu'rtadakShaa vR^iShaNaa vR^iShaNvasuu || {8}{026}{01}
yu`vaM va'ro su`ShaamNe' ma`he tane' naasatyaa |
avo'bhir yaatho vR^iShaNaa vR^iShaNvasuu || {8}{026}{02}
taa vaa'm a`dya ha'vaamahe ha`vyebhi'r vaajiniivasuu |
puu`rviir i`Sha i`Shaya'ntaa`v ati' kSha`paH || {8}{026}{03}
aa vaaM` vaahi'ShTho ashvinaa` ratho' yaatu shru`to na'raa |
upa` stomaa'n tu`rasya' darshathaH shri`ye || {8}{026}{04}
ju`hu`raa`Naa ci'd ashvi`naa ma'nyethaaM vR^iShaNvasuu |
yu`vaM hi ru'draa` parSha'tho` ati` dviShaH' || {8}{026}{05}
da`sraa hi vishva'm aanu`Sha~N ma`kShuubhiH' pari`diiya'thaH |
dhi`yaM`ji`nvaa madhu'varNaa shu`bhas patii' || {8}{026}{06}
upa' no yaatam ashvinaa raa`yaa vi'shva`puShaa' sa`ha |
ma`ghavaa'naa su`viiraa`v ana'pacyutaa || {8}{026}{07}
aa me' a`sya pra'tii`vyakp m indra'naasatyaa gatam |
de`vaa de`vebhi'r a`dya sa`cana'stamaa || {8}{026}{08}
va`yaM hi vaaM` havaa'maha ukSha`Nyanto' vyashva`vat |
su`ma`tibhi`r upa' vipraav i`haa ga'tam || {8}{026}{09}
a`shvinaa` sv R^iShe stuhi ku`vit te` shrava'to` hava'm |
nedii'yasaH kuuLayaataH pa`Niim+r u`ta || {8}{026}{10}
vai`ya`shvasya' shrutaM naro`to me' a`sya ve'dathaH |
sa`joSha'saa` varu'No mi`tro a'rya`maa || {8}{026}{11}
yu`vaada'ttasya dhiShNyaa yu`vaanii'tasya suu`ribhiH' |
aha'r-ahar vR^iShaNa` mahyaM' shikShatam || {8}{026}{12}
yo vaaM' ya`j~nebhi`r aavR^i`to .a'dhivastraa va`dhuur i'va |
sa`pa`ryantaa' shu`bhe ca'kraate a`shvinaa' || {8}{026}{13}
yo vaa'm uru`vyaca'stamaM` cike'tati nR^i`paayya'm |
va`rtir a'shvinaa` pari' yaatam asma`yuu || {8}{026}{14}
a`smabhyaM` su vR^i'ShaNvasuu yaa`taM va`rtir nR^i`paayya'm |
vi`Shu`druhe'va ya`j~nam uu'hathur gi`raa || {8}{026}{15}
vaahi'ShTho vaaM` havaa'naaM` stomo' duu`to hu'van naraa |
yu`vaabhyaa'm bhuutv ashvinaa || {8}{026}{16}
yad a`do di`vo a'rNa`va i`Sho vaa` mada'tho gR^i`he |
shru`tam in me' amartyaa || {8}{026}{17}
u`ta syaa shve'ta`yaava'rii` vaahi'ShThaa vaaM na`diinaa'm |
sindhu`r hira'NyavartaniH || {8}{026}{18}
smad e`tayaa' sukii`rtyaashvi'naa shve`tayaa' dhi`yaa |
vahe'the shubhrayaavaanaa || {8}{026}{19}
yu`kShvaa hi tvaM ra'thaa`sahaa' yu`vasva` poShyaa' vaso |
aan no' vaayo` madhu' pibaa`smaakaM` sava`naa ga'hi || {8}{026}{20}
tava' vaayav R^itaspate` tvaShTu'r jaamaatar adbhuta |
avaaM`sy aa vR^i'Niimahe || {8}{026}{21}
tvaShTu`r jaamaa'taraM va`yam iishaa'naM raa`ya ii'mahe |
su`taava'nto vaa`yuM dyu`mnaa janaa'saH || {8}{026}{22}
vaayo' yaa`hi shi`vaa di`vo vaha'svaa` su svashvya'm |
vaha'sva ma`haH pR^i'thu`pakSha'saa` rathe' || {8}{026}{23}
tvaaM hi su`psara'stamaM nR^i`Shada'neShu huu`mahe' |
graavaa'NaM` naashva'pR^iShTham maM`hanaa' || {8}{026}{24}
sa tvaM no' deva` mana'saa` vaayo' mandaa`no a'gri`yaH |
kR^i`dhi vaajaa'm+ a`po dhiyaH' || {8}{026}{25}


(647)
a`gnir u`kthe pu`rohi'to` graavaa'No ba`rhir a'dhva`re |
R^i`caa yaa'mi ma`ruto` brahma'Na`s patiM' de`vaam+ avo` vare'Nyam || {8}{027}{01}
aa pa`shuM gaa'si pR^ithi`viiM vana`spatii'n u`Shaasaa` nakta`m oSha'dhiiH |
vishve' ca no vasavo vishvavedaso dhii`naam bhuu'ta praavi`taaraH' || {8}{027}{02}
pra suu na' etv adhva`ro .a`gnaa de`veShu' puu`rvyaH |
aa`di`tyeShu` pra varu'Ne dhR^i`tavra'te ma`rutsu' vi`shvabhaa'nuShu || {8}{027}{03}
vishve` hi Shmaa` mana've vi`shvave'daso` bhuva'n vR^i`dhe ri`shaada'saH |
ari'ShTebhiH paa`yubhi'r vishvavedaso` yantaa' no .avR^i`kaM Cha`rdiH || {8}{027}{04}
aa no' a`dya sama'naso` gantaa` vishve' sa`joSha'saH |
R^i`caa gi`raa maru'to` devy adi'te` sada'ne` pastye' mahi || {8}{027}{05}
a`bhi pri`yaa ma'ruto` yaa vo` ashvyaa' ha`vyaa mi'tra prayaa`thana' |
aa ba`rhir indro` varu'Nas tu`raa nara' aadi`tyaasaH' sadantu naH || {8}{027}{06}
va`yaM vo' vR^i`ktaba'rhiSho hi`tapra'yasa aanu`Shak |
su`taso'maaso varuNa havaamahe manu`Shvad i`ddhaagna'yaH || {8}{027}{07}
aa pra yaa'ta` maru'to` viShNo` ashvi'naa` puuSha`n maakii'nayaa dhi`yaa |
indra` aa yaa'tu pratha`maH sa'ni`Shyubhi`r vR^iShaa` yo vR^i'tra`haa gR^i`Ne || {8}{027}{08}
vi no' devaaso adru`ho .a'cChidraM` sharma' yacChata |
na yad duu`raad va'savo` nuu ci`d anti'to` varuu'tham aada`dharSha'ti || {8}{027}{09}
asti` hi vaH' sajaa`tyaM rishaadaso` devaa'so` asty aapya'm |
pra NaH` puurva'smai suvi`taaya' vocata ma`kShuu su`mnaaya` navya'se || {8}{027}{10}
i`daa hi va` upa'stutim i`daa vaa`masya' bha`ktaye' |
upa' vo vishvavedaso nama`syur aam+ asR^i`kShy anyaa'm iva || {8}{027}{11}
ud u` Shya vaH' savi`taa su'praNiita`yo .a'sthaad uu`rdhvo vare'NyaH |
ni dvi`paada`sh catu'Shpaado a`rthino .a'vishran patayi`ShNavaH' || {8}{027}{12}
de`vaM-de'vaM` vo .a'vase de`vaM-de'vam a`bhiShTa'ye |
de`vaM-de'vaM huvema` vaaja'saataye gR^i`Nanto' de`vyaa dhi`yaa || {8}{027}{13}
de`vaaso` hi Shmaa` mana've` sama'nyavo` vishve' saa`kaM saraa'tayaH |
te no' a`dya te a'pa`raM tu`ce tu no` bhava'ntu varivo`vidaH' || {8}{027}{14}
pra vaH' shaMsaamy adruhaH saM`stha upa'stutiinaam |
na taM dhuu`rtir va'ruNa mitra` martyaM` yo vo` dhaama`bhyo .a'vidhat || {8}{027}{15}
pra sa kShayaM' tirate` vi ma`hiir iSho` yo vo` varaa'ya` daasha'ti |
pra pra`jaabhi'r jaayate` dharma'Na`s pary ari'ShTaH` sarva' edhate || {8}{027}{16}
R^i`te sa vi'ndate yu`dhaH su`gebhi'r yaa`ty adhva'naH |
a`rya`maa mi`tro varu'NaH` saraa'tayo` yaM traaya'nte sa`joSha'saH || {8}{027}{17}
ajre' cid asmai kR^iNuthaa` nya~nca'naM du`rge ci`d aa su'sara`Nam |
e`Shaa ci'd asmaad a`shaniH' pa`ro nu saasre'dhantii` vi na'shyatu || {8}{027}{18}
yad a`dya suurya' udya`ti priya'kShatraa R^i`taM da`dha |
yan ni`mruci' pra`budhi' vishvavedaso` yad vaa' ma`dhyaMdi'ne di`vaH || {8}{027}{19}
yad vaa'bhipi`tve a'suraa R^i`taM ya`te Cha`rdir ye`ma vi daa`shuShe' |
va`yaM tad vo' vasavo vishvavedasa` upa' stheyaama` madhya` aa || {8}{027}{20}
yad a`dya suura` udi'te` yan ma`dhyaMdi'na aa`tuci' |
vaa`maM dha`ttha mana've vishvavedaso` juhvaa'naaya` prace'tase || {8}{027}{21}
va`yaM tad vaH' samraaja` aa vR^i'Niimahe pu`tro na ba'hu`paayya'm |
a`shyaama` tad aa'dityaa` juhva'to ha`vir ya` vasyo' .a`nashaa'mahai || {8}{027}{22}


(648)
ye triM`shati` traya's pa`ro de`vaaso' ba`rhir aasa'dan |
vi`dann aha' dvi`taasa'nan || {8}{028}{01}
varu'No mi`tro a'rya`maa smadraa'tiShaaco a`gnayaH' |
patnii'vanto` vaSha'TkR^itaaH || {8}{028}{02}
te no' go`paa a'paa`cyaas ta uda`k ta i`tthaa nyak |
pu`rastaa`t sarva'yaa vi`shaa || {8}{028}{03}
yathaa` vasha'nti de`vaas tathed a'sa`t tad e'ShaaM` naki`r aa mi'nat |
araa'vaa ca`na martyaH' || {8}{028}{04}
sa`ptaa`naaM sa`pta R^i`ShTayaH' sa`pta dyu`mnaany e'Shaam |
sa`pto adhi` shriyo' dhire || {8}{028}{05}


(649)
ba`bhrur eko` viShu'NaH suu`naro` yuvaa`~njy a~Nkte hira`Nyaya'm || {8}{029}{01}
yoni`m eka` aa sa'saada` dyota'no .a`ntar de`veShu` medhi'raH || {8}{029}{02}
vaashii`m eko' bibharti` hasta' aaya`siim a`ntar de`veShu` nidhru'viH || {8}{029}{03}
vajra`m eko' bibharti` hasta` aahi'taM` ta' vR^i`traaNi' jighnate || {8}{029}{04}
ti`gmam eko' bibharti` hasta` aayu'dhaM` shuci'r u`gro jalaa'ShabheShajaH || {8}{029}{05}
pa`tha ekaH' piipaaya` taska'ro yathaam+ e`Sha ve'da nidhii`naam || {8}{029}{06}
triiNy eka' urugaa`yo vi ca'krame` yatra' de`vaaso` mada'nti || {8}{029}{07}
vibhi`r dvaa ca'rata` eka'yaa sa`ha pra pra'vaa`seva' vasataH || {8}{029}{08}
sado` dvaa ca'kraate upa`maa di`vi sa`mraajaa' sa`rpiraa'sutii || {8}{029}{09}
arca'nta` eke` mahi` saama' manvata` ta` suurya'm arocayan || {8}{029}{10}


(650)
na`hi vo` asty a'rbha`ko devaa'so` na ku'maara`kaH |
vishve' sa`toma'haanta` it || {8}{030}{01}
iti' stu`taaso' asathaa rishaadaso` ye stha traya'sh ca triM`shac ca' |
mano'r devaa yaj~niyaasaH || {8}{030}{02}
te na's traadhvaM` te .avata` ta u' no` adhi' vocata |
maa naH' pa`thaH pitryaa'n maana`vaad adhi' duu`raM nai'ShTa paraa`vataH' || {8}{030}{03}
ye de'vaasa i`ha sthana` vishve' vaishvaana`raa u`ta |
a`smabhyaM` sharma' sa`pratho` gave .a'shvaaya yacChata || {8}{030}{04}


(651)
yo yajaa'ti` yajaa'ta` it su`nava'c ca` pacaa'ti ca |
bra`hmed indra'sya caakanat || {8}{031}{01}
pu`ro`LaashaM` yo a'smai` somaM` rara'ta aa`shira'm |
paad it taM sha`kro aMha'saH || {8}{031}{02}
tasya' dyu`maam+ a'sa`d ratho' de`vajuu'taH` sa shuu'shuvat |
vishvaa' va`nvann a'mi`triyaa' || {8}{031}{03}
asya' pra`jaava'tii gR^i`he .a'sashcantii di`ve-di've |
iLaa' dhu`matii' duhe || {8}{031}{04}
yaa dampa'tii` sama'nasaa sunu`ta aa ca` dhaava'taH |
devaa'so` nitya'yaa`shiraa' || {8}{031}{05}
prati' praasha`vyaam+ itaH sa`mya~ncaa' ba`rhir aa'shaate |
na taa vaaje'Shu vaayataH || {8}{031}{06}
na de`vaanaa`m api' hnutaH suma`tiM na ju'gukShataH |
shravo' bR^i`had vi'vaasataH || {8}{031}{07}
pu`triNaa` taa ku'maa`riNaa` vishva`m aayu`r vy ashnutaH |
u`bhaa hira'Nyapeshasaa || {8}{031}{08}
vii`tiho'traa kR^i`tadva'suu dasha`syantaa`mR^itaa'ya` kam |
sam uudho' roma`shaM ha'to de`veShu' kR^iNuto` duvaH' || {8}{031}{09}
aa sharma` parva'taanaaM vR^iNii`mahe' na`diinaa'm |
aa viShNoH' sacaa`bhuvaH' || {8}{031}{10}
aitu' puu`Shaa ra`yir bhagaH' sva`sti sa'rva`dhaata'maH |
u`rur adhvaa' sva`staye' || {8}{031}{11}
a`rama'tir ana`rvaNo` vishvo' de`vasya` mana'saa |
aa`di`tyaanaa'm ane`ha it || {8}{031}{12}
yathaa' no mi`tro a'rya`maa varu'NaH` santi' go`paaH |
su`gaa R^i`tasya` panthaaH' || {8}{031}{13}
a`gniM vaH' puu`rvyaM gi`raa de`vam ii'Le` vasuu'naam |
sa`pa`ryantaH' purupri`yam mi`traM na kShe'tra`saadha'sam || {8}{031}{14}
ma`kShuu de`vava'to` rathaH` shuuro' vaa pR^i`tsu kaasu' cit |
de`vaanaaM` ya in mano` yaja'maana` iya'kShaty a`bhiid aya'jvano bhuvat || {8}{031}{15}
na ya'jamaana riShyasi` na su'nvaana` na de'vayo |
de`vaanaaM` ya in mano` yaja'maana` iya'kShaty a`bhiid aya'jvano bhuvat || {8}{031}{16}
naki`Sh TaM karma'Naa nasha`n na pra yo'Sha`n na yo'Shati |
de`vaanaaM` ya in mano` yaja'maana` iya'kShaty a`bhiid aya'jvano bhuvat || {8}{031}{17}
asa`d atra' su`viirya'm u`ta tyad aa`shvashvya'm |
de`vaanaaM` ya in mano` yaja'maana` iya'kShaty a`bhiid aya'jvano bhuvat || {8}{031}{18}


(652)
pra kR^i`taany R^i'jii`ShiNaH` kaNvaa` indra'sya` gaatha'yaa |
made` soma'sya vocata || {8}{032}{01}
yaH sR^ibi'nda`m ana'rshani`m pipruM' daa`sam a'hii`shuva'm |
vadhii'd u`gro ri`Nann a`paH || {8}{032}{02}
ny arbu'dasya vi`ShTapaM' va`rShmaaNa'm bR^iha`tas ti'ra |
kR^i`She tad i'ndra` pauMsya'm || {8}{032}{03}
prati' shru`taaya' vo dhR^i`Shat tuurNaa'shaM` na gi`rer adhi' |
hu`ve su'shi`pram uu`taye' || {8}{032}{04}
sa gor ashva'sya` vi vra`jam ma'ndaa`naH so`myebhyaH' |
puraM` na shuu'ra darShasi || {8}{032}{05}
yadi' me raa`raNaH' su`ta u`kthe vaa` dadha'se` canaH' |
aa`raad upa' sva`dhaa ga'hi || {8}{032}{06}
va`yaM ghaa' te` api' Shmasi sto`taara' indra girvaNaH |
tvaM no' jinva somapaaH || {8}{032}{07}
u`ta naH' pi`tum aa bha'ra saMraraa`No avi'kShitam |
magha'va`n bhuuri' te` vasu' || {8}{032}{08}
u`ta no` goma'tas kR^idhi` hira'Nyavato a`shvinaH' |
iLaa'bhiH` saM ra'bhemahi || {8}{032}{09}
bR^i`badu'kthaM havaamahe sR^i`praka'rasnam uu`taye' |
saadhu' kR^i`Nvanta`m ava'se || {8}{032}{10}
yaH saM`sthe ci'c Cha`takra'tu`r aad iiM' kR^i`Noti' vR^itra`haa |
ja`ri`tR^ibhyaH' puruu`vasuH' || {8}{032}{11}
sa naH' sha`krash ci`d aa sha'ka`d daana'vaam+ antaraabha`raH |
indro` vishvaa'bhir uu`tibhiH' || {8}{032}{12}
yo raa`yo .a`vani'r ma`haan su'paa`raH su'nva`taH sakhaa' |
tam indra'm a`bhi gaa'yata || {8}{032}{13}
aa`ya`ntaara`m mahi' sthi`ram pR^ita'naasu shravo`jita'm |
bhuure`r iishaa'na`m oja'saa || {8}{032}{14}
naki'r asya` shacii'naaM niya`ntaa suu`nR^itaa'naam |
naki'r va`ktaa na daa`d iti' || {8}{032}{15}
na nuu`nam bra`hmaNaa'm R^i`Nam praa'shuu`naam a'sti sunva`taam |
na somo' apra`taa pa'pe || {8}{032}{16}
panya` id upa' gaayata` panya' u`kthaani' shaMsata |
brahmaa' kR^iNota` panya` it || {8}{032}{17}
panya` aa da'rdirac Cha`taa sa`hasraa' vaa`jy avR^i'taH |
indro` yo yajva'no vR^i`dhaH || {8}{032}{18}
vi Shuu ca'ra sva`dhaa anu' kR^iShTii`naam anv aa`huvaH' |
indra` piba' su`taanaa'm || {8}{032}{19}
piba` svadhai'navaanaam u`ta yas tugrye` sacaa' |
u`taayam i'ndra` yas tava' || {8}{032}{20}
atii'hi manyuShaa`viNaM' suShu`vaaMsa'm u`paara'Ne |
i`maM raa`taM su`tam pi'ba || {8}{032}{21}
i`hi ti`sraH pa'raa`vata' i`hi pa~nca` janaa`m+ ati' |
dhaa' indraava`caaka'shat || {8}{032}{22}
suuryo' ra`shmiM yathaa' sR^i`jaa tvaa' yacChantu me` giraH' |
ni`mnam aapo` na sa`dhryak || {8}{032}{23}
adhva'rya`v aa tu hi Shi`~nca somaM' vii`raaya' shi`priNe' |
bharaa' su`tasya' pii`taye' || {8}{032}{24}
ya u`dnaH pha'li`gam bhi`nan nyakp k sindhuu'm+r a`vaasR^i'jat |
yo goShu' pa`kvaM dhaa`raya't || {8}{032}{25}
aha'n vR^i`tram R^icii'Shama aurNavaa`bham a'hii`shuva'm |
hi`maa'vidhya`d arbu'dam || {8}{032}{26}
pra va' u`graaya' ni`ShTure .a'ShaaLhaaya prasa`kShiNe' |
de`vatta`m brahma' gaayata || {8}{032}{27}
yo vishvaa'ny a`bhi vra`taa soma'sya` made` andha'saH |
indro' de`veShu` ceta'ti || {8}{032}{28}
i`ha tyaa sa'dha`maadyaa` harii` hira'Nyakeshyaa |
vo`Lhaam a`bhi prayo' hi`tam || {8}{032}{29}
a`rvaa~ncaM' tvaa puruShTuta pri`yame'dhastutaa` harii' |
so`ma`peyaa'ya vakShataH || {8}{032}{30}


(653)
va`yaM gha' tvaa su`taava'nta` aapo` na vR^i`ktaba'rhiShaH |
pa`vitra'sya pra`srava'NeShu vR^itraha`n pari' sto`taara' aasate || {8}{033}{01}
svara'nti tvaa su`te naro` vaso' nire`ka u`kthinaH' |
ka`daa su`taM tR^i'Shaa`Na oka` aa ga'ma` indra' sva`bdiiva` vaMsa'gaH || {8}{033}{02}
kaNve'bhir dhR^iShNa`v aa dhR^i`Shad vaajaM' darShi saha`sriNa'm |
pi`sha~Nga'ruupam maghavan vicarShaNe ma`kShuu goma'ntam iimahe || {8}{033}{03}
paa`hi gaayaandha'so` mada` indraa'ya medhyaatithe |
yaH sammi'shlo` haryo`r yaH su`te sacaa' va`jrii ratho' hira`NyayaH' || {8}{033}{04}
yaH su'Sha`vyaH su`dakShi'Na i`no yaH su`kratu'r gR^i`Ne |
ya aa'ka`raH sa`hasraa` yaH sha`taama'gha` indro` yaH puu`rbhid aa'ri`taH || {8}{033}{05}
yo dhR^i'Shi`to yo .a'vR^ito` yo asti` shmashru'Shu shri`taH |
vibhuu'tadyumna`sh cyava'naH puruShTu`taH kratvaa` gaur i'va shaaki`naH || {8}{033}{06}
ka iiM' veda su`te sacaa` piba'ntaM` kad vayo' dadhe |
a`yaM yaH puro' vibhi`natty oja'saa mandaa`naH shi`pry andha'saH || {8}{033}{07}
daa`naa mR^i`go na vaa'ra`NaH pu'ru`traa ca`rathaM' dadhe |
naki'Sh Tvaa` ni ya'ma`d aa su`te ga'mo ma`haaMsh ca'ra`sy oja'saa || {8}{033}{08}
ya u`graH sann ani'ShTR^ita sthi`ro raNaa'ya` saMskR^i'taH |
yadi' sto`tur ma`ghavaa' shR^i`Nava`d dhavaM` ndro' yoSha`ty aa ga'mat || {8}{033}{09}
sa`tyam i`tthaa vR^iShed a'si` vR^iSha'juuti`r no .a'vR^itaH |
vR^iShaa` hy ugra shR^iNvi`She pa'raa`vati` vR^iSho' arvaa`vati' shru`taH || {8}{033}{10}
vR^iSha'Nas te a`bhiisha'vo` vR^iShaa` kashaa' hira`Nyayii' |
vR^iShaa` ratho' maghava`n vR^iSha'Naa` harii` vR^iShaa` tvaM sha'takrato || {8}{033}{11}
vR^iShaa` sotaa' sunotu te` vR^iSha'nn R^ijiipi`nn aa bha'ra |
vR^iShaa' dadhanve` vR^iSha'NaM na`diiShv aa tubhyaM' sthaatar hariiNaam || {8}{033}{12}
dra' yaahi pii`taye` madhu' shaviShTha so`myam |
naayam acChaa' ma`ghavaa' shR^i`Nava`d giro` brahmo`kthaa ca' su`kratuH' || {8}{033}{13}
vaha'ntu tvaa rathe`ShThaam aa hara'yo ratha`yujaH' |
ti`rash ci'd a`ryaM sava'naani vR^itrahann a`nyeShaaM` yaa sha'takrato || {8}{033}{14}
a`smaaka'm a`dyaanta'maM` stomaM' dhiShva mahaamaha |
a`smaakaM' te` sava'naa santu` shaMta'maa` madaa'ya dyukSha somapaaH || {8}{033}{15}
na`hi Shas tava` no mama' shaa`stre a`nyasya` raNya'ti |
yo a`smaan vii`ra aana'yat || {8}{033}{16}
indra'sh cid ghaa` tad a'braviit stri`yaa a'shaa`syam manaH' |
u`to aha` kratuM' ra`ghum || {8}{033}{17}
saptii' cid ghaa mada`cyutaa' mithu`naa va'hato` ratha'm |
e`ved dhuur vR^iShNa` utta'raa || {8}{033}{18}
a`dhaH pa'shyasva` mopari' saMta`raam paa'da`kau ha'ra |
maa te' kashapla`kau dR^i'sha`n strii hi bra`hmaa ba`bhuuvi'tha || {8}{033}{19}


(654)
dra' yaahi` hari'bhi`r upa` kaNva'sya suShTu`tim |
di`vo a`muShya` shaasa'to` divaM' ya`ya di'vaavaso || {8}{034}{01}
aa tvaa` graavaa` vada'nn i`ha so`mii ghoShe'Na yacChatu |
di`vo a`muShya` shaasa'to` divaM' ya`ya di'vaavaso || {8}{034}{02}
atraa` vi ne`mir e'Shaa`m uraaM` na dhuu'nute` vR^ikaH' |
di`vo a`muShya` shaasa'to` divaM' ya`ya di'vaavaso || {8}{034}{03}
aa tvaa` kaNvaa' i`haava'se` hava'nte` vaaja'saataye |
di`vo a`muShya` shaasa'to` divaM' ya`ya di'vaavaso || {8}{034}{04}
dadhaa'mi te su`taanaaM` vR^iShNe` na puu'rva`paayya'm |
di`vo a`muShya` shaasa'to` divaM' ya`ya di'vaavaso || {8}{034}{05}
smatpu'raMdhir na` aa ga'hi vi`shvato'dhiir na uu`taye' |
di`vo a`muShya` shaasa'to` divaM' ya`ya di'vaavaso || {8}{034}{06}
aa no' yaahi mahemate` saha'srote` shataa'magha |
di`vo a`muShya` shaasa'to` divaM' ya`ya di'vaavaso || {8}{034}{07}
aa tvaa` hotaa` manu'rhito deva`traa va'kSha`d iiDyaH' |
di`vo a`muShya` shaasa'to` divaM' ya`ya di'vaavaso || {8}{034}{08}
aa tvaa' mada`cyutaa` harii' shye`nam pa`kSheva' vakShataH |
di`vo a`muShya` shaasa'to` divaM' ya`ya di'vaavaso || {8}{034}{09}
aa yaa'hy a`rya aa pari` svaahaa` soma'sya pii`taye' |
di`vo a`muShya` shaasa'to` divaM' ya`ya di'vaavaso || {8}{034}{10}
aa no' yaa`hy upa'shruty u`ktheShu' raNayaa i`ha |
di`vo a`muShya` shaasa'to` divaM' ya`ya di'vaavaso || {8}{034}{11}
saruu'pai`r aa su no' gahi` sambhR^i'taiH` sambhR^i'taashvaH |
di`vo a`muShya` shaasa'to` divaM' ya`ya di'vaavaso || {8}{034}{12}
aa yaa'hi` parva'tebhyaH samu`drasyaadhi' vi`ShTapaH' |
di`vo a`muShya` shaasa'to` divaM' ya`ya di'vaavaso || {8}{034}{13}
aa no` gavyaa`ny ashvyaa' sa`hasraa' shuura dardR^ihi |
di`vo a`muShya` shaasa'to` divaM' ya`ya di'vaavaso || {8}{034}{14}
aa naH' sahasra`sho bha'raa`yutaa'ni sha`taani' ca |
di`vo a`muShya` shaasa'to` divaM' ya`ya di'vaavaso || {8}{034}{15}
aa yad indra'sh ca` dadva'he sa`hasraM` vasu'rociShaH |
oji'ShTha`m ashvya'm pa`shum || {8}{034}{16}
ya R^i`jraa vaata'raMhaso .aru`Shaaso' raghu`ShyadaH' |
bhraaja'nte` suuryaa' iva || {8}{034}{17}
paaraa'vatasya raa`tiShu' dra`vacca'kreShv aa`shuShu' |
tiShThaM` vana'sya` madhya` aa || {8}{034}{18}


(655)
a`gnindre'Na` varu'Na` viShNu'naadi`tyai ru`drair vasu'bhiH sacaa`bhuvaa' |
sa`joSha'saa u`Shasaa` suurye'Na ca` soma'm pibatam ashvinaa || {8}{035}{01}
vishvaa'bhir dhii`bhir bhuva'na vaajinaa di`vaa pR^i'thi`vyaadri'bhiH sacaa`bhuvaa' |
sa`joSha'saa u`Shasaa` suurye'Na ca` soma'm pibatam ashvinaa || {8}{035}{02}
vishvai'r de`vais tri`bhir e'kaada`shair i`haadbhir ma`rudbhi`r bhR^igu'bhiH sacaa`bhuvaa' |
sa`joSha'saa u`Shasaa` suurye'Na ca` soma'm pibatam ashvinaa || {8}{035}{03}
ju`ShethaaM' ya`j~nam bodha'taM` hava'sya me` vishve`ha de'vau` sava`naava' gacChatam |
sa`joSha'saa u`Shasaa` suurye'Na` ceShaM' no voLham ashvinaa || {8}{035}{04}
stomaM' juShethaaM yuva`sheva' ka`nyanaaM` vishve`ha de'vau` sava`naava' gacChatam |
sa`joSha'saa u`Shasaa` suurye'Na` ceShaM' no voLham ashvinaa || {8}{035}{05}
giro' juShethaam adhva`raM ju'ShethaaM` vishve`ha de'vau` sava`naava' gacChatam |
sa`joSha'saa u`Shasaa` suurye'Na` ceShaM' no voLham ashvinaa || {8}{035}{06}
haa`ri`dra`veva' patatho` vaned upa` somaM' su`tam ma'hi`Shevaava' gacChathaH |
sa`joSha'saa u`Shasaa` suurye'Na ca` trir va`rtir yaa'tam ashvinaa || {8}{035}{07}
haM`saav i'va patatho adhva`gaav i'va` somaM' su`tam ma'hi`Shevaava' gacChathaH |
sa`joSha'saa u`Shasaa` suurye'Na ca` trir va`rtir yaa'tam ashvinaa || {8}{035}{08}
shye`naav i'va patatho ha`vyadaa'taye` somaM' su`tam ma'hi`Shevaava' gacChathaH |
sa`joSha'saa u`Shasaa` suurye'Na ca` trir va`rtir yaa'tam ashvinaa || {8}{035}{09}
piba'taM ca tR^ipNu`taM caa ca' gacChatam pra`jaaM ca' dha`ttaM dravi'NaM ca dhattam |
sa`joSha'saa u`Shasaa` suurye'Na` corjaM' no dhattam ashvinaa || {8}{035}{10}
jaya'taM ca` pra stu'taM ca` pra caa'vatam pra`jaaM ca' dha`ttaM dravi'NaM ca dhattam |
sa`joSha'saa u`Shasaa` suurye'Na` corjaM' no dhattam ashvinaa || {8}{035}{11}
ha`taM ca` shatruu`n yata'taM ca mi`triNaH' pra`jaaM ca' dha`ttaM dravi'NaM ca dhattam |
sa`joSha'saa u`Shasaa` suurye'Na` corjaM' no dhattam ashvinaa || {8}{035}{12}
mi`traavaru'Navantaa u`ta dharma'vantaa ma`rutva'ntaa jari`tur ga'cChatho` hava'm |
sa`joSha'saa u`Shasaa` suurye'Na caadi`tyair yaa'tam ashvinaa || {8}{035}{13}
a~Ngi'rasvantaa u`ta viShNu'vantaa ma`rutva'ntaa jari`tur ga'cChatho` hava'm |
sa`joSha'saa u`Shasaa` suurye'Na caadi`tyair yaa'tam ashvinaa || {8}{035}{14}
R^i`bhu`mantaa' vR^iShaNaa` vaaja'vantaa ma`rutva'ntaa jari`tur ga'cChatho` hava'm |
sa`joSha'saa u`Shasaa` suurye'Na caadi`tyair yaa'tam ashvinaa || {8}{035}{15}
brahma' jinvatam u`ta ji'nvataM` dhiyo' ha`taM rakShaaM'si` sedha'ta`m amii'vaaH |
sa`joSha'saa u`Shasaa` suurye'Na ca` somaM' sunva`to a'shvinaa || {8}{035}{16}
kSha`traM ji'nvatam u`ta ji'nvataM` nR^In ha`taM rakShaaM'si` sedha'ta`m amii'vaaH |
sa`joSha'saa u`Shasaa` suurye'Na ca` somaM' sunva`to a'shvinaa || {8}{035}{17}
dhe`nuur ji'nvatam u`ta ji'nvataM` visho' ha`taM rakShaaM'si` sedha'ta`m amii'vaaH |
sa`joSha'saa u`Shasaa` suurye'Na ca` somaM' sunva`to a'shvinaa || {8}{035}{18}
atre'r iva shR^iNutam puu`rvyastu'tiM shyaa`vaashva'sya sunva`to ma'dacyutaa |
sa`joSha'saa u`Shasaa` suurye'Na` caashvi'naa ti`roa'hnyam || {8}{035}{19}
sargaa'm+ iva sR^ijataM suShTu`tiir upa' shyaa`vaashva'sya sunva`to ma'dacyutaa |
sa`joSha'saa u`Shasaa` suurye'Na` caashvi'naa ti`roa'hnyam || {8}{035}{20}
ra`shmiim+r i'va yacChatam adhva`raam+ upa' shyaa`vaashva'sya sunva`to ma'dacyutaa |
sa`joSha'saa u`Shasaa` suurye'Na` caashvi'naa ti`roa'hnyam || {8}{035}{21}
a`rvaag rathaM` ni ya'cChata`m piba'taM so`myam madhu' |
aa yaa'tam ashvi`naa ga'tam ava`syur vaa'm a`haM hu've dha`ttaM ratnaa'ni daa`shuShe' || {8}{035}{22}
na`mo`vaa`ke prasthi'te adhva`re na'raa vi`vakSha'Nasya pii`taye' |
aa yaa'tam ashvi`naa ga'tam ava`syur vaa'm a`haM hu've dha`ttaM ratnaa'ni daa`shuShe' || {8}{035}{23}
svaahaa'kR^itasya tR^impataM su`tasya' devaa`v andha'saH |
aa yaa'tam ashvi`naa ga'tam ava`syur vaa'm a`haM hu've dha`ttaM ratnaa'ni daa`shuShe' || {8}{035}{24}


(656)
a`vi`taasi' sunva`to vR^i`ktaba'rhiShaH` pibaa` soma`m madaa'ya` kaM sha'takrato |
yaM te' bhaa`gam adhaa'raya`n vishvaaH' sehaa`naH pR^ita'naa |
u`ru jrayaH` sam a'psu`jin ma`rutvaa'm+ indra satpate || {8}{036}{01}
praava' sto`taara'm maghava`nn ava` tvaam pibaa` soma`m madaa'ya` kaM sha'takrato |
yaM te' bhaa`gam adhaa'raya`n vishvaaH' sehaa`naH pR^ita'naa |
u`ru jrayaH` sam a'psu`jin ma`rutvaa'm+ indra satpate || {8}{036}{02}
uu`rjaa de`vaam+ ava`sy oja'saa` tvaam pibaa` soma`m madaa'ya` kaM sha'takrato |
yaM te' bhaa`gam adhaa'raya`n vishvaaH' sehaa`naH pR^ita'naa |
u`ru jrayaH` sam a'psu`jin ma`rutvaa'm+ indra satpate || {8}{036}{03}
ja`ni`taa di`vo ja'ni`taa pR^i'thi`vyaaH pibaa` soma`m madaa'ya` kaM sha'takrato |
yaM te' bhaa`gam adhaa'raya`n vishvaaH' sehaa`naH pR^ita'naa |
u`ru jrayaH` sam a'psu`jin ma`rutvaa'm+ indra satpate || {8}{036}{04}
ja`ni`taashvaa'naaM jani`taa gavaa'm asi` pibaa` soma`m madaa'ya` kaM sha'takrato |
yaM te' bhaa`gam adhaa'raya`n vishvaaH' sehaa`naH pR^ita'naa |
u`ru jrayaH` sam a'psu`jin ma`rutvaa'm+ indra satpate || {8}{036}{05}
atrii'NaaM` stoma'm adrivo ma`has kR^i'dhi` pibaa` soma`m madaa'ya` kaM sha'takrato |
yaM te' bhaa`gam adhaa'raya`n vishvaaH' sehaa`naH pR^ita'naa |
u`ru jrayaH` sam a'psu`jin ma`rutvaa'm+ indra satpate || {8}{036}{06}
shyaa`vaashva'sya sunva`tas tathaa' shR^iNu` yathaashR^i'No`r atreH` karmaa'Ni kR^iNva`taH |
pra tra`sada'syum aavitha` tvam eka` in nR^i`Shaahya` indra` brahmaa'Ni va`rdhaya'n || {8}{036}{07}


(657)
predam brahma' vR^itra`tuurye'Shv aavitha` pra su'nva`taH sha'ciipata |
indra` vishvaa'bhir uu`tibhiH' |
maadhyaM'dinasya` sava'nasya vR^itrahann anedya` pibaa` soma'sya vajrivaH || {8}{037}{01}
se`haa`na u'gra` pR^ita'naa a`bhi druhaH' shaciipata` indra` vishvaa'bhir uu`tibhiH' |
maadhyaM'dinasya` sava'nasya vR^itrahann anedya` pibaa` soma'sya vajrivaH || {8}{037}{02}
e`ka`raaL a`sya bhuva'nasya raajasi shaciipata` indra` vishvaa'bhir uu`tibhiH' |
maadhyaM'dinasya` sava'nasya vR^itrahann anedya` pibaa` soma'sya vajrivaH || {8}{037}{03}
sa`sthaavaa'naa yavayasi` tvam eka` ic Cha'ciipata` indra` vishvaa'bhir uu`tibhiH' |
maadhyaM'dinasya` sava'nasya vR^itrahann anedya` pibaa` soma'sya vajrivaH || {8}{037}{04}
kShema'sya ca pra`yuja'sh ca` tvam ii'shiShe shaciipata` indra` vishvaa'bhir uu`tibhiH' |
maadhyaM'dinasya` sava'nasya vR^itrahann anedya` pibaa` soma'sya vajrivaH || {8}{037}{05}
kSha`traaya' tva`m ava'si` na tva'm aavitha shaciipata` indra` vishvaa'bhir uu`tibhiH' |
maadhyaM'dinasya` sava'nasya vR^itrahann anedya` pibaa` soma'sya vajrivaH || {8}{037}{06}
shyaa`vaashva'sya` rebha'ta`s tathaa' shR^iNu` yathaashR^i'No`r atreH` karmaa'Ni kR^iNva`taH |
pra tra`sada'syum aavitha` tvam eka` in nR^i`Shaahya` indra' kSha`traaNi' va`rdhaya'n || {8}{037}{07}


(658)
ya`j~nasya` hi stha R^i`tvijaa` sasnii` vaaje'Shu` karma'su |
indraa'gnii` tasya' bodhatam || {8}{038}{01}
to`shaasaa' ratha`yaavaa'naa vR^itra`haNaapa'raajitaa |
indraa'gnii` tasya' bodhatam || {8}{038}{02}
i`daM vaa'm madi`ram madhv adhu'kSha`nn adri'bhi`r naraH' |
indraa'gnii` tasya' bodhatam || {8}{038}{03}
ju`ShethaaM' ya`j~nam i`ShTaye' su`taM somaM' sadhastutii |
indraa'gnii` aa ga'taM naraa || {8}{038}{04}
i`maa ju'ShethaaM` sava'naa` yebhi'r ha`vyaany uu`hathuH' |
indraa'gnii` aa ga'taM naraa || {8}{038}{05}
i`maaM gaa'ya`trava'rtaniM ju`ShethaaM' suShTu`tim mama' |
indraa'gnii` aa ga'taM naraa || {8}{038}{06}
praa`ta`ryaava'bhi`r aa ga'taM de`vebhi'r jyaavasuu |
indraa'gnii` soma'piitaye || {8}{038}{07}
shyaa`vaashva'sya sunva`to .a'triiNaaM shR^iNutaM` hava'm |
indraa'gnii` soma'piitaye || {8}{038}{08}
e`vaa vaa'm ahva uu`taye` yathaahu'vanta` medhi'raaH |
indraa'gnii` soma'piitaye || {8}{038}{09}
aahaM sara'svatiivator indraa`gnyor avo' vR^iNe |
yaabhyaaM' gaaya`tram R^i`cyate' || {8}{038}{10}


(659)
a`gnim a'stoShy R^i`gmiya'm a`gnim ii`Laa ya`jadhyai' |
a`gnir de`vaam+ a'naktu na u`bhe hi vi`dathe' ka`vir |
a`ntash cara'ti duu`tyakp M nabha'ntaam anya`ke sa'me || {8}{039}{01}
ny agne` navya'saa` vaca's ta`nuuShu` shaMsa'm eShaam |
ny araa'tii` raraa'vNaaM` vishvaa' a`ryo araa'tiir |
i`to yu'cChantv aa`muro` nabha'ntaam anya`ke sa'me || {8}{039}{02}
agne` manmaa'ni` tubhyaM` kaM ghR^i`taM na ju'hva aa`sani' |
sa de`veShu` pra ci'kiddhi` tvaM hy asi' puu`rvyaH |
shi`vo duu`to vi`vasva'to` nabha'ntaam anya`ke sa'me || {8}{039}{03}
tat-ta'd a`gnir vayo' dadhe` yathaa'-yathaa kR^ipa`Nyati' |
uu`rjaahu'ti`r vasuu'naaM` shaM ca` yosh ca` mayo' dadhe |
vishva'syai de`vahuu'tyai` nabha'ntaam anya`ke sa'me || {8}{039}{04}
sa ci'keta` sahii'yasaa`gnish ci`tra` karma'Naa |
sa hotaa` shashva'tiinaaM` dakShi'Naabhir a`bhiivR^i'ta |
i`noti' ca pratii`vyakp M nabha'ntaam anya`ke sa'me || {8}{039}{05}
a`gnir jaa`taa de`vaanaa'm a`gnir ve'da` martaa'naam apii`cyam |
a`gniH sa dra'viNo`daa a`gnir dvaaraa` vy uurNute |
svaahuto` navii'yasaa` nabha'ntaam anya`ke sa'me || {8}{039}{06}
a`gnir de`veShu` saMva'suH` sa vi`kShu ya`j~niyaa`sv aa |
sa mu`daa kaavyaa' pu`ru vishva`m bhuume'va puShyati |
de`vo de`veShu' ya`j~niyo` nabha'ntaam anya`ke sa'me || {8}{039}{07}
yo a`gniH sa`ptamaa'nuShaH shri`to vishve'Shu` sindhu'Shu |
tam aaga'nma tripa`styam ma'ndhaa`tur da'syu`hanta'mam |
a`gniM ya`j~neShu' puu`rvyaM nabha'ntaam anya`ke sa'me || {8}{039}{08}
a`gnis triiNi' tri`dhaatuu`ny aa kShe'ti vi`dathaa' ka`viH |
sa triim+r e'kaada`shaam+ i`ha yakSha'c ca pi`praya'c ca no |
vipro' duu`taH pari'ShkR^ito` nabha'ntaam anya`ke sa'me || {8}{039}{09}
tvaM no' agna aa`yuShu` tvaM de`veShu' puurvya` vasva` eka' irajyasi |
tvaam aapaH' pari`srutaH` pari' yanti` svase'tavo` nabha'ntaam anya`ke sa'me || {8}{039}{10}


(660)
indraa'gnii yu`vaM su naH` saha'ntaa` daasa'tho ra`yim |
ya' dR^i`Lhaa sa`matsv aa vii`Lu ci't saahiShii`mahy a`gnir vane'va` vaata` in nabha'ntaam anya`ke sa'me || {8}{040}{01}
na`hi vaaM' va`vrayaa'ma`he .a`thdra`m id ya'jaamahe` shavi'ShThaM nR^i`NaaM nara'm |
sa naH' ka`daa ci`d arva'taa` gama`d aa vaaja'saataye` gama`d aa me`dhasaa'taye` nabha'ntaam anya`ke sa'me || {8}{040}{02}
taa hi madhya`m bharaa'Naam indraa`gnii a'dhikShi`taH |
taa u' kavitva`naa ka`vii pR^i`cChyamaa'naa sakhiiya`te saM dhii`tam a'shnutaM naraa` nabha'ntaam anya`ke sa'me || {8}{040}{03}
a`bhy arca nabhaaka`vad i'ndraa`gnii ya`jasaa' gi`raa |
yayo`r vishva'm i`daM jaga'd i`yaM dyauH pR^i'thi`vii ma`hy ukp pasthe' bibhR^i`to vasu` nabha'ntaam anya`ke sa'me || {8}{040}{04}
pra brahmaa'Ni nabhaaka`vad i'ndraa`gnibhyaa'm irajyata |
yaa sa`ptabu'dhnam arNa`vaM ji`hmabaa'ram aporNu`ta indra` iishaa'na` oja'saa` nabha'ntaam anya`ke sa'me || {8}{040}{05}
api' vR^ishca puraaNa`vad vra`tate'r iva guShpi`tam ojo' daa`sasya' dambhaya |
va`yaM tad a'sya` sambhR^i'taM` vasv indre'Na` vi bha'jemahi` nabha'ntaam anya`ke sa'me || {8}{040}{06}
yad i'ndraa`gnii janaa' i`me vi`hvaya'nte` tanaa' gi`raa |
a`smaake'bhi`r nR^ibhi'r va`yaM saa'sa`hyaama' pR^itanya`to va'nu`yaama' vanuShya`to nabha'ntaam anya`ke sa'me || {8}{040}{07}
yaa nu shve`taav a`vo di`va u`ccaraa'ta` upa` dyubhiH' |
i`ndraa`gnyor anu' vra`tam uhaa'naa yanti` sindha'vo` yaan sii'm ba`ndhaad amu'~ncataaM` nabha'ntaam anya`ke sa'me || {8}{040}{08}
puu`rviiSh Ta' i`ndropa'maatayaH puu`rviir u`ta prasha'stayaH` suuno' hi`nvasya' harivaH |
vasvo' vii`rasyaa`pR^ico` yaa nu saadha'nta no` dhiyo` nabha'ntaam anya`ke sa'me || {8}{040}{09}
taM shi'shiitaa suvR^i`ktibhi's tve`ShaM satvaa'nam R^i`gmiya'm |
u`to nu ci`d ya oja'saa` shuShNa'syaa`NDaani` bheda'ti` jeSha`t svarvatiir a`po nabha'ntaam anya`ke sa'me || {8}{040}{10}
taM shi'shiitaa svadhva`raM sa`tyaM satvaa'nam R^i`tviya'm |
u`to nu ci`d ya oha'ta aa`NDaa shuShNa'sya` bheda`ty ajaiH` svarvatiir a`po nabha'ntaam anya`ke sa'me || {8}{040}{11}
e`vdraa`gnibhyaa'm pitR^i`van navii'yo mandhaatR^i`vad a'~Ngira`svad a'vaaci |
tri`dhaatu'naa` sharma'Naa paatam a`smaan va`yaM syaa'ma` pata'yo rayii`Naam || {8}{040}{12}


(661)
a`smaa uu` Shu prabhuu'taye` varu'Naaya ma`rudbhyo .a'rcaa vi`duShTa'rebhyaH |
yo dhii`taa maanu'ShaaNaam pa`shvo gaa i'va` rakSha'ti` nabha'ntaam anya`ke sa'me || {8}{041}{01}
tam uu` Shu sa'ma`naa gi`raa pi'tR^I`NaaM ca` manma'bhiH |
naa`bhaa`kasya` prasha'stibhi`r yaH sindhuu'naa`m upo'da`ye sa`ptasva'saa` sa ma'dhya`mo nabha'ntaam anya`ke sa'me || {8}{041}{02}
sa kShapaH` pari' Shasvaje` ny ukp sro maa`yayaa' dadhe` sa vishva`m pari' darsha`taH |
tasya` vii`r anu' vra`tam u`Shas ti`sro a'vardhaya`n nabha'ntaam anya`ke sa'me || {8}{041}{03}
yaH ka`kubho' nidhaara`yaH pR^i'thi`vyaam adhi' darsha`taH |
sa maataa' puu`rvyam pa`daM tad varu'Nasya` saptyaM` sa hi go`paa i`veryo` nabha'ntaam anya`ke sa'me || {8}{041}{04}
yo dha`rtaa bhuva'naanaaM` ya u`sraaNaa'm apii`cyaaKp veda` naamaa'ni` guhyaa' |
sa ka`viH kaavyaa' pu`ru ruu`paM dyaur i'va puShyati` nabha'ntaam anya`ke sa'me || {8}{041}{05}
yasmi`n vishvaa'ni` kaavyaa' ca`kre naabhi'r iva shri`taa |
tri`taM juu`tii sa'paryata vra`je gaavo` na saM`yuje' yu`je ashvaa'm+ ayukShata` nabha'ntaam anya`ke sa'me || {8}{041}{06}
ya aa`sv atka' aa`shaye` vishvaa' jaa`taany e'Shaam |
pari` dhaamaa'ni` marmR^i'sha`d varu'Nasya pu`ro gaye` vishve' de`vaa anu' vra`taM nabha'ntaam anya`ke sa'me || {8}{041}{07}
sa sa'mu`dro a'pii`cyas tu`ro dyaam i'va rohati` ni yad aa'su` yaju'r da`dhe |
sa maa`yaa a`rcinaa' pa`daastR^i'Naa`n naaka`m aaru'ha`n nabha'ntaam anya`ke sa'me || {8}{041}{08}
yasya' shve`taa vi'cakSha`Naa ti`sro bhuumii'r adhikShi`taH |
trir utta'raaNi pa`pratu`r varu'Nasya dhru`vaM sadaH` sa sa'ptaa`naam i'rajyati` nabha'ntaam anya`ke sa'me || {8}{041}{09}
yaH shve`taam+ adhi'nirNijash ca`kre kR^i`ShNaam+ anu' vra`taa |
sa dhaama' puu`rvyam ma'me` ya ska`mbha` vi roda'sii a`jo na dyaam adhaa'raya`n nabha'ntaam anya`ke sa'me || {8}{041}{10}


(662)
asta'bhnaa`d dyaam asu'ro vi`shvave'daa` ami'miita vari`maaNa'm pR^ithi`vyaaH |
aasii'da`d vishvaa` bhuva'naani sa`mraaD vishvet taani` varu'Nasya vra`taani' || {8}{042}{01}
e`vaa va'ndasva` varu'Nam bR^i`hantaM' nama`syaa dhiira'm a`mR^ita'sya go`paam |
sa naH` sharma' tri`varuu'thaM` vi yaM'sat paa`taM no' dyaavaapR^ithivii u`pasthe' || {8}{042}{02}
i`maaM dhiyaM` shikSha'maaNasya deva` kratuM` dakShaM' varuNa` saM shi'shaadhi |
yayaati` vishvaa' duri`taa tare'ma su`tarmaa'Na`m adhi` naavaM' ruhema || {8}{042}{03}
aa vaaM` graavaa'No ashvinaa dhii`bhir vipraa' acucyavuH |
naasa'tyaa` soma'piitaye` nabha'ntaam anya`ke sa'me || {8}{042}{04}
yathaa' vaa`m atri'r ashvinaa gii`rbhir vipro` ajo'haviit |
naasa'tyaa` soma'piitaye` nabha'ntaam anya`ke sa'me || {8}{042}{05}
e`vaa vaa'm ahva uu`taye` yathaahu'vanta` medhi'raaH |
naasa'tyaa` soma'piitaye` nabha'ntaam anya`ke sa'me || {8}{042}{06}


(663)
i`me vipra'sya ve`dhaso' .a`gner astR^i'tayajvanaH |
gira` stomaa'sa iirate || {8}{043}{01}
asmai' te prati`harya'te` jaata'vedo` vica'rShaNe |
agne` janaa'mi suShTu`tim || {8}{043}{02}
aa`ro`kaa i'va` ghed aha' ti`gmaa a'gne` tava` tviShaH' |
da`dbhir vanaa'ni bapsati || {8}{043}{03}
hara'yo dhuu`make'tavo` vaata'juutaa` upa` dyavi' |
yata'nte` vR^itha'g a`gnayaH' || {8}{043}{04}
e`te tye vR^itha'g a`gnaya' i`ddhaasaH` sam a'dR^ikShata |
u`Shasaa'm iva ke`tavaH' || {8}{043}{05}
kR^i`ShNaa rajaaM'si patsu`taH pra`yaaNe' jaa`tave'dasaH |
a`gnir yad rodha'ti` kShami' || {8}{043}{06}
dhaa`siM kR^i'Nvaa`na oSha'dhii`r bapsa'd a`gnir na vaa'yati |
puna`r yan taru'Nii`r api' || {8}{043}{07}
ji`hvaabhi`r aha` nanna'mad a`rciShaa' ja~njaNaa`bhava'n |
a`gnir vane'Shu rocate || {8}{043}{08}
a`psv agne` sadhi`Sh Tava` sauSha'dhii`r anu' rudhyase |
garbhe` sa~n jaa'yase` punaH' || {8}{043}{09}
ud a'gne` tava` tad ghR^i`taad a`rcii ro'cata` aahu'tam |
niMsaa'naM ju`hvoKp mukhe' || {8}{043}{10}
u`kShaannaa'ya va`shaannaa'ya` soma'pR^iShThaaya ve`dhase' |
stomai'r vidhemaa`gnaye' || {8}{043}{11}
u`ta tvaa` nama'saa va`yaM hota`r vare'Nyakrato |
agne' sa`midbhi'r iimahe || {8}{043}{12}
u`ta tvaa' bhR^igu`vac Chu'ce manu`Shvad a'gna aahuta |
a`~Ngi`ra`svad dha'vaamahe || {8}{043}{13}
tvaM hy agne a`gninaa` vipro` vipre'Na` san sa`taa |
sakhaa` sakhyaa' sami`dhyase' || {8}{043}{14}
sa tvaM vipraa'ya daa`shuShe' ra`yiM de'hi saha`sriNa'm |
agne' vii`rava'tii`m iSha'm || {8}{043}{15}
agne` bhraataH` saha'skR^ita` rohi'dashva` shuci'vrata |
i`maM stomaM' juShasva me || {8}{043}{16}
u`ta tvaa'gne` mama` stuto' vaa`shraaya' prati`harya'te |
go`ShThaM gaava' ivaashata || {8}{043}{17}
tubhyaM` taa a'~Ngirastama` vishvaaH' sukShi`tayaH` pR^itha'k |
agne` kaamaa'ya yemire || {8}{043}{18}
a`gniM dhii`bhir ma'nii`ShiNo` medhi'raaso vipa`shcitaH' |
a`dma`sadyaa'ya hinvire || {8}{043}{19}
taM tvaam ajme'Shu vaa`jinaM' tanvaa`naa a'gne adhva`ram |
vahniM` hotaa'ram iiLate || {8}{043}{20}
pu`ru`traa hi sa`dR^i~N~N asi` visho` vishvaa` anu' pra`bhuH |
sa`matsu' tvaa havaamahe || {8}{043}{21}
tam ii'LiShva` ya aahu'to .a`gnir vi`bhraaja'te ghR^i`taiH |
i`maM naH' shR^iNava`d dhava'm || {8}{043}{22}
taM tvaa' va`yaM ha'vaamahe shR^i`NvantaM' jaa`tave'dasam |
agne` ghnanta`m apa` dviShaH' || {8}{043}{23}
vi`shaaM raajaa'na`m adbhu'ta`m adhya'kShaM` dharma'Naam i`mam |
a`gnim ii'Le` sa u' shravat || {8}{043}{24}
a`gniM vi`shvaayu'vepasa`m maryaM` na vaa`jinaM' hi`tam |
saptiM` na vaa'jayaamasi || {8}{043}{25}
ghnan mR^i`dhraaNy apa` dviSho` daha`n rakShaaM'si vi`shvahaa' |
agne' ti`gma' diidihi || {8}{043}{26}
yaM tvaa` janaa'sa indha`te ma'nu`Shvad a'~Ngirastama |
agne` sa bo'dhi me` vacaH' || {8}{043}{27}
yad a'gne divi`jaa asy a'psu`jaa vaa' sahaskR^ita |
taM tvaa' gii`rbhir ha'vaamahe || {8}{043}{28}
tubhyaM` ghet te janaa' i`me vishvaaH' sukShi`tayaH` pR^itha'k |
dhaa`siM hi'nva`nty atta've || {8}{043}{29}
te ghed a'gne svaa`dhyo .a'haa` vishvaa' nR^i`cakSha'saH |
tara'ntaH syaama du`rgahaa' || {8}{043}{30}
a`gnim ma`ndram pu'rupri`yaM shii`ram paa'va`kasho'ciSham |
hR^i`dbhir ma`ndrebhi'r iimahe || {8}{043}{31}
sa tvam a'gne vi`bhaava'suH sR^i`jan suuryo` na ra`shmibhiH' |
shardha`n tamaaM'si jighnase || {8}{043}{32}
tat te' sahasva iimahe daa`traM yan nopa`dasya'ti |
tvad a'gne` vaaryaM` vasu' || {8}{043}{33}


(664)
sa`midhaa`gniM du'vasyata ghR^i`tair bo'dhaya`taati'thim |
aasmi'n ha`vyaa ju'hotana || {8}{044}{01}
agne` stomaM' juShasva me` vardha'svaa`na` manma'naa |
prati' suu`ktaani' harya naH || {8}{044}{02}
a`gniM duu`tam pu`ro da'dhe havya`vaaha`m upa' bruve |
de`vaam+ aa saa'dayaad i`ha || {8}{044}{03}
ut te' bR^i`hanto' a`rcayaH' samidhaa`nasya' diidivaH |
agne' shu`kraasa' iirate || {8}{044}{04}
upa' tvaa ju`hvoKp mama' ghR^i`taacii'r yantu haryata |
agne' ha`vyaa ju'Shasva naH || {8}{044}{05}
ma`ndraM hotaa'ram R^i`tvijaM' ci`trabhaa'nuM vi`bhaava'sum |
a`gnim ii'Le` sa u' shravat || {8}{044}{06}
pra`tnaM hotaa'ra`m iiDyaM` juShTa'm a`gniM ka`vikra'tum |
a`dhva`raaNaa'm abhi`shriya'm || {8}{044}{07}
ju`Shaa`No a'~Ngirastame`maa ha`vyaany aa'nu`Shak |
agne' ya`j~naM na'ya R^itu`thaa || {8}{044}{08}
sa`mi`dhaa`na u' santya` shukra'shoca i`haa va'ha |
ci`ki`tvaan daivyaM` jana'm || {8}{044}{09}
vipraM` hotaa'ram a`druhaM' dhuu`make'tuM vi`bhaava'sum |
ya`j~naanaaM' ke`tum ii'mahe || {8}{044}{10}
agne` ni paa'hi na`s tvam prati' Shma deva` riiSha'taH |
bhi`ndhi dveShaH' sahaskR^ita || {8}{044}{11}
a`gniH pra`tna` manma'naa` shumbhaa'nas ta`nvakp M svaam |
ka`vir vipre'Na vaavR^idhe || {8}{044}{12}
uu`rjo napaa'ta`m aa hu've .a`gnim paa'va`kasho'ciSham |
a`smin ya`j~ne sva'dhva`re || {8}{044}{13}
sa no' mitramaha`s tvam agne' shu`kra' sho`ciShaa' |
de`vair aa sa'tsi ba`rhiShi' || {8}{044}{14}
yo a`gniM ta`nvoKp dame' de`vam martaH' sapa`ryati' |
tasmaa` id dii'daya`d vasu' || {8}{044}{15}
a`gnir muu`rdhaa di`vaH ka`kut patiH' pR^ithi`vyaa a`yam |
a`paaM retaaM'si jinvati || {8}{044}{16}
ud a'gne` shuca'ya`s tava' shu`kraa bhraaja'nta iirate |
tava` jyotiiM'Shy a`rcayaH' || {8}{044}{17}
iishi'She` vaarya'sya` hi daa`trasyaa'gne` svarpatiH |
sto`taa syaaM` tava` sharma'Ni || {8}{044}{18}
tvaam a'gne manii`ShiNa`s tvaaM hi'nvanti` citti'bhiH |
tvaaM va'rdhantu no` giraH' || {8}{044}{19}
ada'bdhasya sva`dhaava'to duu`tasya` rebha'taH` sadaa' |
a`gneH sa`khyaM vR^i'Niimahe || {8}{044}{20}
a`gniH shuci'vratatamaH` shuci`r vipraH` shuciH' ka`viH |
shucii' rocata` aahu'taH || {8}{044}{21}
u`ta tvaa' dhii`tayo` mama` giro' vardhantu vi`shvahaa' |
agne' sa`khyasya' bodhi naH || {8}{044}{22}
yad a'gne` syaam a`haM tvaM tvaM vaa' ghaa` syaa a`ham |
syuSh Te' sa`tyaa i`haashiShaH' || {8}{044}{23}
vasu`r vasu'pati`r hi ka`m asy a'gne vi`bhaava'suH |
syaama' te suma`taav api' || {8}{044}{24}
agne' dhR^i`tavra'taaya te samu`draaye'va` sindha'vaH |
giro' vaa`shraasa' iirate || {8}{044}{25}
yuvaa'naM vi`shpatiM' ka`viM vi`shvaada'm puru`vepa'sam |
a`gniM shu'mbhaami` manma'bhiH || {8}{044}{26}
ya`j~naanaaM' ra`thye va`yaM ti`gmaja'mbhaaya vii`Lave' |
stomai'r iShemaa`gnaye' || {8}{044}{27}
a`yam a'gne` tve api' jari`taa bhuu'tu santya |
tasmai' paavaka mR^iLaya || {8}{044}{28}
dhiiro` hy asy a'dma`sad vipro` na jaagR^i'viH` sadaa' |
agne' dii`daya'si` dyavi' || {8}{044}{29}
pu`raagne' duri`tebhyaH' pu`raa mR^i`dhrebhyaH' kave |
pra Na` aayu'r vaso tira || {8}{044}{30}


(665)
aa ghaa` ye a`gnim i'ndha`te stR^i`Nanti' ba`rhir aa'nu`Shak |
yeShaa`m indro` yuvaa` sakhaa' || {8}{045}{01}
bR^i`hann id i`dhma e'Shaa`m bhuuri' sha`stam pR^i`thuH svaruH' |
yeShaa`m indro` yuvaa` sakhaa' || {8}{045}{02}
ayu'ddha` id yu`dhaa vR^itaM` shuura` aaja'ti` satva'bhiH |
yeShaa`m indro` yuvaa` sakhaa' || {8}{045}{03}
aa bu`ndaM vR^i'tra`haa da'de jaa`taH pR^i'cCha`d vi maa`tara'm |
ka u`graaH ke ha' shR^iNvire || {8}{045}{04}
prati' tvaa shava`sii va'dad gi`raav apso` na yo'dhiShat |
yas te' shatru`tvam aa'ca`ke || {8}{045}{05}
u`ta tvam ma'ghava~n ChR^iNu` yas te` vaShTi' va`vakShi` tat |
yad vii`Layaa'si vii`Lu tat || {8}{045}{06}
yad aa`jiM yaaty aa'ji`kR^id indraH' svashva`yur upa' |
ra`thiita'mo ra`thiinaa'm || {8}{045}{07}
vi Shu vishvaa' abhi`yujo` vajri`n viShva`g yathaa' vR^iha |
bhavaa' naH su`shrava'stamaH || {8}{045}{08}
a`smaakaM` su ratha'm pu`ra indraH' kR^iNotu saa`taye' |
na yaM dhuurva'nti dhuu`rtayaH' || {8}{045}{09}
vR^i`jyaama' te` pari` dviSho .a'raM te shakra daa`vane' |
ga`memed i'ndra` goma'taH || {8}{045}{10}
shanai'sh ci`d yanto' adri`vo .a'shvaavantaH shata`gvinaH' |
vi`vakSha'Naa ane`hasaH' || {8}{045}{11}
uu`rdhvaa hi te' di`ve-di've sa`hasraa' suu`nR^itaa' sha`taa |
ja`ri`tR^ibhyo' vi`maMha'te || {8}{045}{12}
vi`dmaa hi tvaa' dhanaMja`yam indra' dR^i`Lhaa ci'd aaru`jam |
aa`daa`riNaM` yathaa` gaya'm || {8}{045}{13}
ka`ku`haM ci't tvaa kave` manda'ntu dhR^iShNa`v inda'vaH |
aa tvaa' pa`NiM yad iima'he || {8}{045}{14}
yas te' re`vaam+ adaa'shuriH prama`marSha' ma`ghatta'ye |
tasya' no` veda` aa bha'ra || {8}{045}{15}
i`ma u' tvaa` vi ca'kShate` sakhaa'ya indra so`minaH' |
pu`ShTaava'nto` yathaa' pa`shum || {8}{045}{16}
u`ta tvaaba'dhiraM va`yaM shrutka'rNaM` santa'm uu`taye' |
duu`raad i`ha ha'vaamahe || {8}{045}{17}
yac Chu'shruu`yaa i`maM havaM' du`rmarShaM' cakriyaa u`ta |
bhave'r aa`pir no` anta'maH || {8}{045}{18}
yac ci`d dhi te` api` vyathi'r jaga`nvaaMso` ama'nmahi |
go`daa id i'ndra bodhi naH || {8}{045}{19}
aa tvaa' ra`mbhaM na jivra'yo rara`bhmaa sha'vasas pate |
u`shmasi' tvaa sa`dhastha` aa || {8}{045}{20}
sto`tram indraa'ya gaayata purunR^i`mNaaya` satva'ne |
naki`r yaM vR^i'Nva`te yu`dhi || {8}{045}{21}
a`bhi tvaa' vR^iShabhaa su`te su`taM sR^i'jaami pii`taye' |
tR^i`mpaa vy ashnuhii` mada'm || {8}{045}{22}
maa tvaa' muu`raa a'vi`Shyavo` mopa`hasvaa'na` aa da'bhan |
maakii'm brahma`dviSho' vanaH || {8}{045}{23}
i`ha tvaa` gopa'riiNasaa ma`he ma'ndantu` raadha'se |
saro' gau`ro yathaa' piba || {8}{045}{24}
yaa vR^i'tra`haa pa'raa`vati` sanaa` navaa' ca cucyu`ve |
taa saM`satsu` pra vo'cata || {8}{045}{25}
api'bat ka`druvaH' su`tam indraH' sa`hasra'baahve |
atraa'dediShTa` pauMsya'm || {8}{045}{26}
sa`tyaM tat tu`rvashe` yadau` vidaa'no ahnavaa`yyam |
vy aanaT tu`rvaNe` shami' || {8}{045}{27}
ta`raNiM' vo` janaa'naaM tra`daM vaaja'sya` goma'taH |
sa`maa`nam u` pra shaM'siSham || {8}{045}{28}
R^i`bhu`kShaNaM` na varta'va u`ktheShu' tugryaa`vR^idha'm |
indraM` some` sacaa' su`te || {8}{045}{29}
yaH kR^i`ntad id vi yo`nyaM tri`shokaa'ya gi`rim pR^i`thum |
gobhyo' gaa`tuM nire'tave || {8}{045}{30}
yad da'dhi`She ma'na`syasi' mandaa`naH pred iya'kShasi |
maa tat ka'r indra mR^i`Laya' || {8}{045}{31}
da`bhraM ci`d dhi tvaava'taH kR^i`taM shR^i`Nve adhi` kShami' |
jigaa'tv indra te` manaH' || {8}{045}{32}
taved u` taaH su'kii`rtayo .a'sann u`ta prasha'stayaH |
yad i'ndra mR^i`Layaa'si naH || {8}{045}{33}
maa na` eka'smi`nn aaga'si` maa dvayo'r u`ta tri`Shu |
vadhii`r maa shuu'ra` bhuuri'Shu || {8}{045}{34}
bi`bhayaa` hi tvaava'ta u`graad a'bhiprabha`~NgiNaH' |
da`smaad a`ham R^i'tii`ShahaH' || {8}{045}{35}
maa sakhyuH` shuuna`m aa vi'de` maa pu`trasya' prabhuuvaso |
aa`vR^itva'd bhuutu te` manaH' || {8}{045}{36}
ko nu ma'ryaa` ami'thitaH` sakhaa` sakhaa'yam abraviit |
ja`haa ko a`smad ii'Shate || {8}{045}{37}
e`vaare' vR^iShabhaa su`te .a'sinva`n bhuury aa'vayaH |
shva`ghniiva' ni`vataa` cara'n || {8}{045}{38}
aa ta' e`taa va'co`yujaa` harii' gR^ibhNe su`madra'thaa |
yad ii'm bra`hmabhya` id dadaH' || {8}{045}{39}
bhi`ndhi vishvaa` apa` dviShaH` pari` baadho' ja`hii mR^idhaH' |
vasu' spaa`rhaM tad aa bha'ra || {8}{045}{40}
yad vii`Laav i'ndra` yat sthi`re yat parshaa'ne` paraa'bhR^itam |
vasu' spaa`rhaM tad aa bha'ra || {8}{045}{41}
yasya' te vi`shvamaa'nuSho` bhuure'r da`ttasya` veda'ti |
vasu' spaa`rhaM tad aa bha'ra || |


(666)
tvaava'taH puruuvaso va`yam i'ndra praNetaH |
smasi' sthaatar hariiNaam || {8}{046}{01}
tvaaM hi sa`tyam a'drivo vi`dma daa`taara'm i`Shaam |
vi`dma daa`taaraM' rayii`Naam || {8}{046}{02}
aa yasya' te mahi`maanaM` shata'muute` shata'krato |
gii`rbhir gR^i`Nanti' kaa`ravaH' || {8}{046}{03}
su`nii`tho ghaa` sa martyo` yam ma`ruto` yam a'rya`maa |
mi`traH paanty a`druhaH' || {8}{046}{04}
dadhaa'no` goma`d ashva'vat su`viirya'm aadi`tyajuu'ta edhate |
sadaa' raa`yaa pu'ru`spR^ihaa' || {8}{046}{05}
tam indraM` daana'm iimahe shavasaa`nam abhii'rvam |
iishaa'naM raa`ya ii'mahe || {8}{046}{06}
tasmi`n hi santy uu`tayo` vishvaa` abhii'ravaH` sacaa' |
tam aa va'hantu` sapta'yaH puruu`vasu`m madaa'ya` hara'yaH su`tam || {8}{046}{07}
yas te` mado` vare'Nyo` ya i'ndra vR^itra`hanta'maH |
ya aa'da`diH svakp r nR^ibhi`r yaH pR^ita'naasu du`ShTaraH' || {8}{046}{08}
yo du`ShTaro' vishvavaara shra`vaayyo` vaaje`Shv asti' taru`taa |
sa naH' shaviShTha` sava`naa va'so gahi ga`mema` goma'ti vra`je || {8}{046}{09}
ga`vyo Shu No` yathaa' pu`raashva`yota ra'tha`yaa |
va`ri`va`sya ma'haamaha || {8}{046}{10}
na`hi te' shuura` raadha`so .a'ntaM vi`ndaami' sa`traa |
da`sha`syaa no' maghava`n nuu ci'd adrivo` dhiyo` vaaje'bhir aavitha || {8}{046}{11}
ya R^i`ShvaH shraa'va`yatsa'khaa` vishvet sa ve'da` jani'maa puruShTu`taH |
taM vishve` maanu'Shaa yu`gdraM' havante tavi`ShaM ya`tasru'caH || {8}{046}{12}
sa no` vaaje'Shv avi`taa pu'ruu`vasuH' purasthaa`taa ma`ghavaa' vR^itra`haa bhu'vat || {8}{046}{13}
a`bhi vo' vii`ram andha'so` made'Shu gaaya gi`raa ma`haa vice'tasam |
indraM` naama` shrutyaM' shaa`kinaM` vaco` yathaa' || {8}{046}{14}
da`dii rekNa's ta`nve da`dir vasu' da`dir vaaje'Shu puruhuuta vaa`jina'm |
nuu`nam atha' || {8}{046}{15}
vishve'Shaam ira`jyantaM` vasuu'naaM saasa`hvaaMsaM' cid a`sya varpa'saH |
kR^i`pa`ya`to nuu`nam aty atha' || {8}{046}{16}
ma`haH su vo` ara'm iShe` stavaa'mahe mii`LhuShe' araMga`maaya` jagma'ye | |
ya`j~nebhi'r gii`rbhir vi`shvama'nuShaam ma`rutaa'm iyakShasi` gaaye' tvaa` nama'saa gi`raa || |
ye paa`taya'nte` ajma'bhir girii`NaaM snubhi'r eShaam |
a`j~nam ma'hi`ShvaNii'naaM su`mnaM tu'vi`ShvaNii'naa`m praadhva`re || {8}{046}{18}
pra`bha`~NgaM du'rmatii`naam indra' shavi`ShThaa bha'ra |
ra`yim a`smabhyaM` yujyaM' codayanmate` jyeShThaM' codayanmate || {8}{046}{19}
sani'taH` susa'nita`r ugra` citra` ceti'ShTha` suunR^i'ta |
praa`sahaa' samraa`T sahu'riM` saha'ntam bhu`jyuM vaaje'Shu` puurvya'm || {8}{046}{20}
aa sa e'tu` ya iiva`d aam+ ade'vaH puu`rtam aa'da`de |
yathaa' ci`d vasho' a`shvyaH pR^i'thu`shrava'si kaanii`te .a`syaa vyuShy aa'da`de || {8}{046}{21}
Sha`ShTiM sa`hasraashvya'syaa`yutaa'sana`m uShTraa'naaM viMsha`tiM sha`taa |
dasha` shyaavii'naaM sha`taa dasha` tryaruShiiNaaM` dasha` gavaaM' sa`hasraa' || {8}{046}{22}
dasha' shyaa`vaa R^i`dhadra'yo vii`tavaa'raasa aa`shavaH' |
ma`thraa ne`miM ni vaa'vR^ituH || {8}{046}{23}
daanaa'saH pR^ithu`shrava'saH kaanii`tasya' su`raadha'saH |
rathaM' hira`NyayaM` dada`n maMhi'ShThaH suu`rir a'bhuud |
varShi'ShTham akR^ita` shravaH' || {8}{046}{24}
aa no' vaayo ma`he tane' yaa`hi ma`khaaya` paaja'se |
va`yaM hi te' cakR^i`maa bhuuri' daa`vane' sa`dyash ci`n mahi' daa`vane' || {8}{046}{25}
yo ashve'bhi`r vaha'te` vasta' u`sraas triH sa`pta sa'ptatii`naam |
e`bhiH some'bhiH soma`sudbhiH' somapaa daa`naaya' shukrapuutapaaH || {8}{046}{26}
yo ma' i`maM ci'd u` tmanaama'ndac ci`traM daa`vane' |
a`ra`Tve akShe` nahu'She su`kR^itva'ni su`kR^itta'raaya su`kratuH' || {8}{046}{27}
u`ca`thyeKp vapu'Shi` yaH sva`raaL u`ta vaa'yo ghR^ita`snaaH |
ashve'ShitaM` raje'ShitaM` shune'Shita`m praajma` tad i`daM nu tat || {8}{046}{28}
adha' pri`yam i'Shi`raaya' Sha`ShTiM sa`hasraa'sanam |
ashvaa'naa`m in na vR^iShNaa'm || {8}{046}{29}
gaavo` na yuu`tham upa' yanti` vadhra'ya` upa` maa ya'nti` vadhra'yaH || {8}{046}{30}
adha` yac caara'the ga`Ne sha`tam uShTraa`m+ aci'kradat |
adha` shvitne'Shu viMsha`tiM sha`taa || {8}{046}{31}
sha`taM daa`se ba'lbuu`the vipra`s taru'kSha` aa da'de |
te te' vaayav i`me janaa` mada`ntiindra'gopaa` mada'nti de`vago'paaH || {8}{046}{32}
adha` syaa yoSha'Naa ma`hii pra'tii`cii vasha'm a`shvyam |
adhi'rukmaa` vi nii'yate || {8}{046}{33}


(667)
mahi' vo maha`taam avo` varu'Na` mitra' daa`shuShe' |
yam aa'dityaa a`bhi dru`ho rakSha'thaa` nem a`ghaM na'shad ane`haso' va uu`tayaH' suuu`tayo' va uu`tayaH' || {8}{047}{01}
vi`daa de'vaa a`ghaanaa`m aadi'tyaaso a`paakR^i'tim |
pa`kShaa vayo` yatho`pari` vy akp sme sharma' yacChataane`haso' va uu`tayaH' suuu`tayo' va uu`tayaH' || {8}{047}{02}
vy akp sme adhi` sharma` tat pa`kShaa vayo` na ya'ntana |
vishvaa'ni vishvavedaso varuu`thyaa manaamahe .ane`haso' va uu`tayaH' suuu`tayo' va uu`tayaH' || {8}{047}{03}
yasmaa` araa'sata` kShayaM' jii`vaatuM' ca` prace'tasaH |
mano`r vishva'sya` ghed i`ma aa'di`tyaa raa`ya ii'shate .ane`haso' va uu`tayaH' suuu`tayo' va uu`tayaH' || {8}{047}{04}
pari' No vR^iNajann a`ghaa du`rgaaNi' ra`thyo yathaa |
syaamed indra'sya` sharma'Ny aadi`tyaanaa'm u`taava'sy ane`haso' va uu`tayaH' suuu`tayo' va uu`tayaH' || {8}{047}{05}
pa`ri`hvR^i`ted a`naa jano' yu`Shmaada'ttasya vaayati |
devaa` ada'bhram aasha vo` yam aa'dityaa` ahe'tanaane`haso' va uu`tayaH' suuu`tayo' va uu`tayaH' || {8}{047}{06}
na taM ti`gmaM ca`na tyajo` na draa'sad a`bhi taM gu`ru |
yasmaa' u` sharma' sa`pratha` aadi'tyaaso` araa'dhvam ane`haso' va uu`tayaH' suuu`tayo' va uu`tayaH' || {8}{047}{07}
yu`Shme de'vaa` api' Shmasi` yudhya'nta iva` varma'su |
yuu`yam ma`ho na` a'so yuu`yam arbhaa'd uruShyataane`haso' va uu`tayaH' suuu`tayo' va uu`tayaH' || {8}{047}{08}
adi'tir na uruShya`tv adi'tiH` sharma' yacChatu |
maa`taa mi`trasya' re`vato' .arya`mNo varu'Nasya caane`haso' va uu`tayaH' suuu`tayo' va uu`tayaH' || {8}{047}{09}
yad de'vaaH` sharma' shara`NaM yad bha`draM yad a'naatu`ram |
tri`dhaatu` yad va'ruu`thyakp M tad a`smaasu` vi ya'ntanaane`haso' va uu`tayaH' suuu`tayo' va uu`tayaH' || {8}{047}{10}
aadi'tyaa` ava` hi khyataadhi` kuulaa'd iva` spashaH' |
su`tii`rtham arva'to ya`thaanu' no neShathaa su`gam a'ne`haso' va uu`tayaH' suuu`tayo' va uu`tayaH' || {8}{047}{11}
neha bha`draM ra'kSha`svine` naava`yai nopa`yaa u`ta |
gave' ca bha`draM dhe`nave' vii`raaya' ca shravasya`te .ane`haso' va uu`tayaH' suuu`tayo' va uu`tayaH' || {8}{047}{12}
yad aa`vir yad a'pii`cyakp M devaa'so` asti' duShkR^i`tam |
tri`te tad vishva'm aa`ptya aa`re a`smad da'dhaatanaane`haso' va uu`tayaH' suuu`tayo' va uu`tayaH' || {8}{047}{13}
yac ca` goShu' du`ShvapnyaM` yac caa`sme du'hitar divaH |
tri`taaya` tad vi'bhaavary aa`ptyaaya` paraa' vahaane`haso' va uu`tayaH' suuu`tayo' va uu`tayaH' || {8}{047}{14}
ni`ShkaM vaa' ghaa kR^i`Nava'te` srajaM' vaa duhitar divaH |
tri`te du`ShvapnyaM` sarva'm aa`ptye pari' dadmasy ane`haso' va uu`tayaH' suuu`tayo' va uu`tayaH' || {8}{047}{15}
tada'nnaaya` tada'pase` tam bhaa`gam u'pase`duShe' |
tri`taaya' ca dvi`taaya` coSho' du`ShvapnyaM' vahaane`haso' va uu`tayaH' suuu`tayo' va uu`tayaH' || {8}{047}{16}
yathaa' ka`laaM yathaa' sha`phaM yatha' R^i`NaM saM`nayaa'masi |
e`vaa du`ShvapnyaM` sarva'm aa`ptye saM na'yaamasy ane`haso' va uu`tayaH' suuu`tayo' va uu`tayaH' || {8}{047}{17}
ajai'Shmaa`dyaasa'naama` caabhuu`maanaa'gaso va`yam |
uSho` yasmaa'd du`Shvapnyaa`d abhai`Shmaapa` tad u'cChatv ane`haso' va uu`tayaH' suuu`tayo' va uu`tayaH' || {8}{047}{18}


(668)
svaa`dor a'bhakShi` vaya'saH sume`dhaaH svaa`dhyo varivo`vitta'rasya |
vishve` yaM de`vaa u`ta martyaa'so` madhu' bru`vanto' a`bhi saM`cara'nti || {8}{048}{01}
a`ntash ca` praagaa` adi'tir bhavaasy avayaa`taa hara'so` daivya'sya |
inda`v indra'sya sa`khyaM ju'Shaa`NaH shrauShTii'va` dhura`m anu' raa`ya R^i'dhyaaH || {8}{048}{02}
apaa'ma` soma'm a`mR^itaa' abhuuma` R^iga'nma` jyoti`r avi'daama de`vaan |
kiM nuu`nam a`smaan kR^i'Nava`d araa'tiH` kim u' dhuu`rtir a'mR^ita` martya'sya || {8}{048}{03}
shaM no' bhava hR^i`da aa pii`ta i'ndo pi`teva' soma suu`nave' su`shevaH' |
sakhe'va` sakhya' urushaMsa` dhiiraH` pra Na` aayu'r jii`vase' soma taariiH || {8}{048}{04}
i`me maa' pii`taa ya`shasa' uru`Shyavo` rathaM` na gaavaH` sam a'naaha` parva'su |
te maa' rakShantu vi`srasa'sh ca`ritraa'd u`ta maa` sraamaa'd yavaya`ntv inda'vaH || {8}{048}{05}
a`gniM na maa' mathi`taM saM di'diipaH` pra ca'kShaya kR^iNu`hi vasya'so naH |
athaa` hi te` mada` aa so'ma` manye' re`vaam+ i'va` pra ca'raa pu`ShTim acCha' || {8}{048}{06}
i`Shi`ra' te` mana'saa su`tasya' bhakShii`mahi` pitrya'syeva raa`yaH |
soma' raaja`n pra Na` aayuuM'Shi taarii`r ahaa'niiva` suuryo' vaasa`raaNi' || {8}{048}{07}
soma' raajan mR^i`Layaa' naH sva`sti tava' smasi vra`tyaaKp s tasya' viddhi |
ala'rti` dakSha' u`ta ma`nyur i'ndo` maa no' a`ryo a'nukaa`mam paraa' daaH || {8}{048}{08}
tvaM hi na's ta`nvaH soma go`paa gaatre'-gaatre niSha`satthaa' nR^i`cakShaaH' |
yat te' va`yam pra'mi`naama' vra`taani` sa no' mR^iLa suSha`khaa de'va` vasyaH' || {8}{048}{09}
R^i`duu`dare'Na` sakhyaa' saceya` yo maa` na riShye'd dharyashva pii`taH |
a`yaM yaH somo` ny adhaa'yy a`sme tasmaa` indra'm pra`tira'm e`my aayuH' || {8}{048}{10}
apa` tyaa a'sthu`r ani'raa` amii'vaa` nir a'trasa`n tami'Shiicii`r abhai'ShuH |
aa somo' a`smaam+ a'ruha`d vihaa'yaa` aga'nma` yatra' prati`ranta` aayuH' || {8}{048}{11}
yo na` induH' pitaro hR^i`tsu pii`to .a'martyo` martyaa'm+ aavi`vesha' |
tasmai` somaa'ya ha`viShaa' vidhema mR^iLii`ke a'sya suma`tau syaa'ma || {8}{048}{12}
tvaM so'ma pi`tR^ibhiH' saMvidaa`no .a'nu` dyaavaa'pR^ithi`vii aa ta'tantha |
tasmai' ta indo ha`viShaa' vidhema va`yaM syaa'ma` pata'yo rayii`Naam || {8}{048}{13}
traataa'ro devaa` adhi' vocataa no` maa no' ni`draa ii'shata` mota jalpiH' |
va`yaM soma'sya vi`shvaha' pri`yaasaH' su`viiraa'so vi`datha`m aa va'dema || {8}{048}{14}
tvaM naH' soma vi`shvato' vayo`dhaas tvaM sva`rvid aa vi'shaa nR^i`cakShaaH' |
tvaM na' inda uu`tibhiH' sa`joShaaH' paa`hi pa`shcaataa'd u`ta vaa' pu`rastaa't || {8}{048}{15}


(1018)
a`bhi pra vaH' su`raadha'sa`m indra'm arca` yathaa' vi`de |
yo ja'ri`tR^ibhyo' ma`ghavaa' puruu`vasuH' sa`hasre'Neva` shikSha'ti || {8}{049}{01}
sha`taanii'keva` pra ji'gaati dhR^iShNu`yaa hanti' vR^i`traaNi' daa`shuShe' |
gi`rer i'va` pra rasaa' asya pinvire` datraa'Ni puru`bhoja'saH || {8}{049}{02}
aa tvaa' su`taasa` inda'vo` madaa` ya i'ndra girvaNaH |
aapo` na va'jri`nn anv o`kyakp M saraH' pR^i`Nanti' shuura` raadha'se || {8}{049}{03}
a`ne`hasa'm pra`tara'NaM vi`vakSha'Na`m madhvaH` svaadi'ShTham iim piba |
aa yathaa' mandasaa`naH ki`raasi' naH` pra kShu`dreva` tmanaa' dhR^i`Shat || {8}{049}{04}
aa na` stoma`m upa' dra`vad dhi'yaa`no ashvo` na sotR^i'bhiH |
yaM te' svadhaavan sva`daya'nti dhe`nava` indra` kaNve'Shu raa`tayaH' || {8}{049}{05}
u`graM na vii`raM nama`sopa' sedima` vibhuu'ti`m akShi'taavasum |
u`driiva' vajrinn ava`to na si'~nca`te kShara'ntiindra dhii`tayaH' || {8}{049}{06}
yad dha' nuu`naM yad vaa' ya`j~ne yad vaa' pR^ithi`vyaam adhi' |
ato' no ya`j~nam aa`shubhi'r mahemata u`gra u`grebhi`r aa ga'hi || {8}{049}{07}
a`ji`raaso` hara'yo` ye ta' aa`shavo` vaataa' iva prasa`kShiNaH' |
yebhi`r apa'tya`m manu'ShaH pa`riiya'se` yebhi`r vishvaM` svar dR^i`she || {8}{049}{08}
e`taava'tas ta iimaha` indra' su`mnasya` goma'taH |
yathaa` praavo' maghava`n medhyaa'tithiM` yathaa` niipaa'tithiM` dhane' || {8}{049}{09}
yathaa` kaNve' maghavan tra`sada'syavi` yathaa' pa`kthe dasha'vraje |
yathaa` gosha'rye` asa'nor R^i`jishva`niindra` goma`d dhira'Nyavat || {8}{049}{10}


(1019)
pra su shru`taM su`raadha'sa`m arcaa' sha`kram a`bhiShTa'ye |
yaH su'nva`te stu'va`te kaamyaM` vasu' sa`hasre'Neva` maMha'te || {8}{050}{01}
sha`taanii'kaa he`tayo' asya du`ShTaraa` indra'sya sa`miSho' ma`hiiH |
gi`rir na bhu`jmaa ma`ghava'tsu pinvate` yad iiM' su`taa ama'ndiShuH || {8}{050}{02}
yad iiM' su`taasa` inda'vo .a`bhi pri`yam ama'ndiShuH |
aapo` na dhaa'yi` sava'nam ma` aa va'so` dughaa' i`vopa' daa`shuShe' || {8}{050}{03}
a`ne`hasaM' vo` hava'maanam uu`taye` madhvaH' kSharanti dhii`tayaH' |
aa tvaa' vaso` hava'maanaasa` inda'va` upa' sto`treShu' dadhire || {8}{050}{04}
aa naH` some' svadhva`ra i'yaa`no atyo` na to'shate |
yaM te' svadaava`n svada'nti guu`rtayaH' pau`re Cha'ndayase` hava'm || {8}{050}{05}
pra vii`ram u`graM vivi'ciM dhana`spR^itaM` vibhuu'tiM` raadha'so ma`haH |
u`driiva' vajrinn ava`to va'sutva`naa sadaa' piipetha daa`shuShe' || {8}{050}{06}
yad dha' nuu`nam pa'raa`vati` yad vaa' pR^ithi`vyaaM di`vi |
yu`jaa`na i'ndra` hari'bhir mahemata R^i`Shva R^i`Shvebhi`r aa ga'hi || {8}{050}{07}
ra`thi`raaso` hara'yo` ye te' a`sridha` ojo` vaata'sya` pipra'ti |
yebhi`r ni dasyu`m manu'Sho ni`ghoSha'yo` yebhiH` svaH pa`riiya'se || {8}{050}{08}
e`taava'tas te vaso vi`dyaama' shuura` navya'saH |
yathaa` praava` eta'shaM` kR^itvye` dhane` yathaa` vashaM` dasha'vraje || {8}{050}{09}
yathaa` kaNve' maghava`n medhe' adhva`re dii`rghanii'the` damuu'nasi |
yathaa` gosha'rye` asi'Shaaso adrivo` mayi' go`traM ha'ri`shriya'm || {8}{050}{10}


(1020)
yathaa` manau` saaMva'raNau` soma'm i`ndraapi'baH su`tam |
niipaa'tithau maghava`n medhyaa'tithau` puShTi'gau` shruShTi'gau` sacaa' || {8}{051}{01}
paa`rSha`dvaa`NaH praska'NvaM` sam a'saadaya`c Chayaa'naM` jivri`m uddhi'tam |
sa`hasraa'Ny asiShaasa`d gavaa`m R^iShi`s tvoto` dasya've` vR^ikaH' || {8}{051}{02}
ya u`kthebhi`r na vi`ndhate' ci`kid ya R^i'Shi`coda'naH |
indraM` tam acChaa' vada` navya'syaa ma`ty ari'ShyantaM` na bhoja'se || {8}{051}{03}
yasmaa' a`rkaM sa`ptashii'rShaaNam aanR^i`cus tri`dhaatu'm utta`me pa`de |
sa tv ai`maa vishvaa` bhuva'naani cikrada`d aad ij ja'niShTa` pauMsya'm || {8}{051}{04}
yo no' daa`taa vasuu'naa`m indraM` taM huu'mahe va`yam |
vi`dmaa hy asya suma`tiM navii'yasiiM ga`mema` goma'ti vra`je || {8}{051}{05}
yasmai` tvaM va'so daa`naaya` shikSha'si` sa raa`yas poSha'm ashnute |
taM tvaa' va`yam ma'ghavann indra girvaNaH su`taava'nto havaamahe || {8}{051}{06}
ka`daa ca`na sta`riir a'si` ndra' sashcasi daa`shuShe' |
upo`p nu ma'ghava`n bhuuya` in nu te` daanaM' de`vasya' pR^icyate || {8}{051}{07}
pra yo na'na`kShe a`bhy oja'saa` kriviM' va`dhaiH shuShNaM' nigho`Shaya'n |
ya`ded asta'mbhiit pra`thaya'nn a`muuM diva`m aad ij ja'niShTa` paarthi'vaH || {8}{051}{08}
yasyaa`yaM vishva` aaryo` daasaH' shevadhi`paa a`riH |
ti`rash ci'd a`rye rusha'me` parii'ravi` tubhyet so a'jyate ra`yiH || {8}{051}{09}
tu`ra`Nyavo` madhu'mantaM ghR^ita`shcutaM` vipraa'so a`rkam aa'nR^icuH |
a`sme ra`yiH pa'prathe` vR^iShNyaM` shavo' .a`sme su'vaa`naasa` inda'vaH || {8}{051}{10}


(1021)
yathaa` manau` viva'svati` somaM' sha`kraapi'baH su`tam |
yathaa' tri`te Chanda' indra` jujo'Shasy aa`yau maa'dayase` sacaa' || {8}{052}{01}
pR^iSha'dhre` medhye' maata`rishva`niindra' suvaa`ne ama'ndathaaH |
yathaa` somaM` dasha'shipre` dasho'Nye` syuuma'rashmaa`v R^ijuu'nasi || {8}{052}{02}
ya u`kthaa keva'laa da`dhe yaH somaM' dhR^iShi`taapi'bat |
yasmai` viShNu`s triiNi' pa`daa vi'cakra`ma upa' mi`trasya` dharma'bhiH || {8}{052}{03}
yasya` tvam i'ndra` stome'Shu caa`kano` vaaje' vaaji~n Chatakrato |
taM tvaa' va`yaM su`dughaa'm iva go`duho' juhuu`masi' shrava`syavaH' || {8}{052}{04}
yo no' daa`taa sa naH' pi`taa ma`haam+ u`gra ii'shaana`kR^it |
ayaa'mann u`gro ma`ghavaa' puruu`vasu`r gor ashva'sya` pra daa'tu naH || {8}{052}{05}
yasmai` tvaM va'so daa`naaya` maMha'se` sa raa`yas poSha'm invati |
va`suu`yavo` vasu'patiM sha`takra'tuM` stomai`r indraM' havaamahe || {8}{052}{06}
ka`daa ca`na pra yu'cChasy u`bhe ni paa'si` janma'nii |
turii'yaaditya` hava'naM ta indri`yam aa ta'sthaav a`mR^itaM' di`vi || {8}{052}{07}
yasmai` tvam ma'ghavann indra girvaNaH` shikSho` shikSha'si daa`shuShe' |
a`smaakaM` gira' u`ta su'ShTu`tiM va'so kaNva`vac ChR^i'Nudhii` hava'm || {8}{052}{08}
astaa'vi` manma' puu`rvyam brahmdraa'ya vocata |
puu`rviir R^i`tasya' bR^iha`tiir a'nuuShata sto`tur me`dhaa a'sR^ikShata || {8}{052}{09}
sam indro` raayo' bR^iha`tiir a'dhuunuta` saM kSho`Nii sam u` suurya'm |
saM shu`kraasaH` shuca'yaH` saM gavaa'shiraH` somaa` indra'm amandiShuH || {8}{052}{10}


(1022)
u`pa`maM tvaa' ma`ghonaaM` jyeShThaM' ca vR^iSha`bhaaNaa'm |
puu`rbhitta'mam maghavann indra go`vida`m iishaa'naM raa`ya ii'mahe || {8}{053}{01}
ya aa`yuM kutsa'm atithi`gvam arda'yo vaavR^idhaa`no di`ve-di've |
taM tvaa' va`yaM harya'shvaM sha`takra'tuM vaaja`yanto' havaamahe || {8}{053}{02}
aa no` vishve'ShaaM` rasa`m madhvaH' si~nca`ntv adra'yaH |
ye pa'raa`vati' sunvi`re jane`Shv aa ye a'rvaa`vatiinda'vaH || {8}{053}{03}
vishvaa` dveShaaM'si ja`hi caava` caa kR^i'dhi` vishve' sanva`ntv aa vasu' |
shiiShTe'Shu cit te madi`raaso' aM`shavo` yatraa` soma'sya tR^i`mpasi' || {8}{053}{04}
indra` nedii'ya` ed i'hi mi`tame'dhaabhir uu`tibhiH' |
aa shaM'tama` shaMta'maabhir a`bhiShTi'bhi`r aa svaa'pe svaa`pibhiH' || {8}{053}{05}
aa`ji`turaM` satpa'tiM vi`shvaca'rShaNiM kR^i`dhi pra`jaasv aabha'gam |
pra suu ti'raa` shacii'bhi`r ye ta' u`kthinaH` kratu'm puna`ta aa'nu`Shak || {8}{053}{06}
yas te` saadhi`ShTho .a'vase` te syaa'ma` bhare'Shu te |
va`yaM hotraa'bhir u`ta de`vahuu'tibhiH sasa`vaaMso' manaamahe || {8}{053}{07}
a`haM hi te' harivo` brahma' vaaja`yur aa`jiM yaami` sado`tibhiH' |
tvaam id e`va tam ame` sam a'shva`yur ga`vyur agre' mathii`naam || {8}{053}{08}


(1023)
e`tat ta' indra vii`ryaM gii`rbhir gR^i`Nanti' kaa`ravaH' |
te stobha'nta` uurja'm aavan ghR^ita`shcuta'm pau`raaso' nakShan dhii`tibhiH' || {8}{054}{01}
nakSha'nta` indra`m ava'se sukR^i`tyayaa` yeShaaM' su`teShu` manda'se |
yathaa' saMva`rte ama'do` yathaa' kR^i`sha e`vaasme i'ndra matsva || {8}{054}{02}
aa no` vishve' sa`joSha'so` devaa'so` ganta`nopa' naH |
vasa'vo ru`draa ava'se na` aa ga'ma~n ChR^i`Nvantu' ma`ruto` hava'm || {8}{054}{03}
puu`Shaa viShNu`r hava'nam me` sara'sva`ty ava'ntu sa`pta sindha'vaH |
aapo` vaataH` parva'taaso` vana`spatiH' shR^i`Notu' pR^ithi`vii hava'm || {8}{054}{04}
yad i'ndra` raadho` asti' te` maagho'nam maghavattama |
ta' no bodhi sadha`maadyo' vR^i`dhe bhago' daa`naaya' vR^itrahan || {8}{054}{05}
aaji'pate nR^ipate` tvam id dhi no` vaaja` aa va'kShi sukrato |
vii`tii hotraa'bhir u`ta de`vavii'tibhiH sasa`vaaMso` vi shR^i'Nvire || {8}{054}{06}
santi` hy akp rya aa`shiSha` indra` aayu`r janaa'naam |
a`smaan na'kShasva maghava`nn upaava'se dhu`kShasva' pi`pyuShii`m iSha'm || {8}{054}{07}
va`yaM ta' indra` stome'bhir vidhema` tvam a`smaakaM' shatakrato |
mahi' sthuu`raM sha'sha`yaM raadho` ahra'ya`m praska'Nvaaya` ni to'shaya || {8}{054}{08}


(1024)
bhuuriid indra'sya vii`ryakp M vy akhya'm a`bhy aaya'ti |
raadha's te dasyave vR^ika || {8}{055}{01}
sha`taM shve`taasa' u`kShaNo' di`vi taaro` na ro'cante |
ma`hnaa divaM` na ta'stabhuH || {8}{055}{02}
sha`taM ve`Nuu~n Cha`taM shunaH' sha`taM carmaa'Ni mlaa`taani' |
sha`tam me' balbajastu`kaa aru'ShiiNaaM` catuH'shatam || {8}{055}{03}
su`de`vaa stha' kaaNvaayanaa` vayo'-vayo vica`rantaH' |
ashvaa'so` na ca'~Nkramata || {8}{055}{04}
aad it saa`ptasya' carkira`nn aanuu'nasya` mahi` shravaH' |
shyaavii'r atidhva`san pa`thash cakShu'Shaa ca`na saM`nashe' || {8}{055}{05}


(1025)
prati' te dasyave vR^ika` raadho' ada`rshy ahra'yam |
dyaur na pra'thi`naa shavaH' || {8}{056}{01}
dasha` mahya'm pautakra`taH sa`hasraa` dasya've` vR^ikaH' |
nityaa'd raa`yo a'maMhata || {8}{056}{02}
sha`tam me' garda`bhaanaaM' sha`tam uurNaa'vatiinaam |
sha`taM daa`saam+ ati` srajaH' || {8}{056}{03}
tatro` api` praaNii'yata puu`takra'taayai` vyaktaa |
ashvaa'naa`m in na yuu`thyaam || {8}{056}{04}
ace'ty a`gnish ci'ki`tur ha'vya`vaaT sa su`madra'thaH |
a`gniH shu`kra' sho`ciShaa' bR^i`hat suuro' arocata di`vi suuryo' arocata || {8}{056}{05}


(1026)
yu`vaM de'vaa` kratu'naa puu`rvya' yu`ktaa rathe'na tavi`ShaM ya'jatraa |
aaga'cChataM naasatyaa` shacii'bhir i`daM tR^i`tiiyaM` sava'nam pibaathaH || {8}{057}{01}
yu`vaaM de`vaas traya' ekaada`shaasaH' sa`tyaaH sa`tyasya' dadR^ishe pu`rastaa't |
a`smaakaM' ya`j~naM sava'naM juShaa`Naa paa`taM soma'm ashvinaa` diidya'gnii || {8}{057}{02}
pa`naayyaM` tad a'shvinaa kR^i`taM vaaM' vR^iSha`bho di`vo raja'saH pR^ithi`vyaaH |
sa`hasraM` shaMsaa' u`ta ye gavi'ShTau` sarvaa`m+ it taam+ upa' yaataa` piba'dhyai || {8}{057}{03}
a`yaM vaa'm bhaa`go nihi'to yajatre`maa giro' naasa`tyopa' yaatam |
piba'taM` soma`m madhu'mantam a`sme pra daa`shvaaMsa'm avataM` shacii'bhiH || {8}{057}{04}


(1027)
yam R^i`tvijo' bahu`dhaa ka`lpaya'ntaH` sace'taso ya`j~nam i`maM vaha'nti |
yo a'nuucaa`no braa'hma`No yu`kta aa'sii`t kaa svi`t tatra` yaja'maanasya saM`vit || {8}{058}{01}
eka' e`vaagnir ba'hu`dhaa sami'ddha` ekaH` suuryo` vishva`m anu` prabhuu'taH |
ekai`voShaaH sarva'm i`daM vi bhaa`ty ekaM` vaa i`daM vi ba'bhuuva` sarva'm || {8}{058}{02}
jyoti'ShmantaM ketu`mantaM' trica`kraM su`khaM rathaM' su`Shada`m bhuuri'vaaram |
ci`traama'ghaa` yasya` yoge' .adhijaj~ne` taM vaaM' hu`ve ati' rikta`m piba'dhyai || {8}{058}{03}


(1029)
i`maani' vaam bhaaga`dheyaa'ni sisrata` indraa'varuNaa` pra ma`he su`teShu' vaam |
ya`j~ne-ya'j~ne ha` sava'naa bhura`Nyatho` yat su'nva`te yaja'maanaaya` shikSha'thaH || {8}{059}{01}
ni`ShShidhva'rii`r oSha'dhii`r aapa' aastaa`m indraa'varuNaa mahi`maana`m aasha'ta |
yaa sisra'tuu` raja'saH paa`re adhva'no` yayoH` shatru`r naki`r aade'va` oha'te || {8}{059}{02}
sa`tyaM tad i'ndraavaruNaa kR^i`shasya' vaa`m madhva' uu`rmiM du'hate sa`pta vaaNiiH' |
taabhi'r daa`shvaaMsa'm avataM shubhas patii` yo vaa`m ada'bdho a`bhi paati` citti'bhiH || {8}{059}{03}
ghR^i`ta`pruShaH` saumyaa' jii`radaa'navaH sa`pta svasaa'raH` sada'na R^i`tasya' |
yaa ha' vaam indraavaruNaa ghR^ita`shcuta`s taabhi'r dhattaM` yaja'maanaaya shikShatam || {8}{059}{04}
avo'caama maha`te saubha'gaaya sa`tyaM tve`Shaabhyaa'm mahi`maana'm indri`yam |
a`smaan sv ai'ndraavaruNaa ghR^ita`shcuta`s tribhiH' saa`ptebhi'r avataM shubhas patii || {8}{059}{05}
indraa'varuNaa` yad R^i`Shibhyo' manii`ShaaM vaa`co ma`tiM shru`tam a'datta`m agre' |
yaani` sthaanaa'ny asR^ijanta` dhiiraa' ya`j~naM ta'nvaa`naas tapa'saa`bhy apashyam || {8}{059}{06}
indraa'varuNaa saumana`sam adR^i'ptaM raa`yas poShaM` yaja'maaneShu dhattam |
pra`jaam pu`ShTim bhuu'tim a`smaasu' dhattaM diirghaayu`tvaaya` pra ti'rataM na` aayuH' || {8}{059}{07}


(669)
agna` aa yaa'hy a`gnibhi`r hotaa'raM tvaa vR^iNiimahe |
aa tvaam a'naktu` praya'taa ha`viShma'tii` yaji'ShTham ba`rhir aa`sade' || {8}{060}{01}
acChaa` hi tvaa' sahasaH suuno a~NgiraH` sruca`sh cara'nty adhva`re |
uu`rjo napaa'taM ghR^i`take'sham iimahe .a`gniM ya`j~neShu' puu`rvyam || {8}{060}{02}
agne' ka`vir ve`dhaa a'si` hotaa' paavaka` yakShyaH' |
ma`ndro yaji'ShTho adhva`reShv iiDyo` vipre'bhiH shukra` manma'bhiH || {8}{060}{03}
adro'gha`m aa va'hosha`to ya'viShThya de`vaam+ a'jasra vii`taye' |
a`bhi prayaaM'si` sudhi`taa va'so gahi` manda'sva dhii`tibhi'r hi`taH || {8}{060}{04}
tvam it sa`prathaa' a`sy agne' traatar R^i`tas ka`viH |
tvaaM vipraa'saH samidhaana diidiva` aa vi'vaasanti ve`dhasaH' || {8}{060}{05}
shocaa' shociShTha diidi`hi vi`she mayo` raasva' sto`tre ma`haam+ a'si |
de`vaanaaM` sharma`n mama' santu suu`rayaH' shatruu`ShaahaH' sva`gnayaH' || {8}{060}{06}
yathaa' cid vR^i`ddham a'ta`sam agne' saM`juurva'si` kShami' |
e`vaa da'ha mitramaho` yo a'sma`dhrug du`rmanmaa` kash ca` va'ti || {8}{060}{07}
maa no` martaa'ya ri`pave' rakSha`svine` maaghashaM'saaya riiradhaH |
asre'dhadbhis ta`raNi'bhir yaviShThya shi`vebhiH' paahi paa`yubhiH' || {8}{060}{08}
paa`hi no' agna` eka'yaa paa`hy ukp ta dvi`tiiya'yaa |
paa`hi gii`rbhis ti`sR^ibhi'r uurjaam pate paa`hi ca'ta`sR^ibhi'r vaso || {8}{060}{09}
paa`hi vishva'smaad ra`kShaso` araa'vNaH` pra sma` vaaje'Shu no .ava |
tvaam id dhi nedi'ShThaM de`vataa'taya aa`piM nakShaa'mahe vR^i`dhe || {8}{060}{10}
aa no' agne vayo`vR^idhaM' ra`yim paa'vaka` shaMsya'm |
raasvaa' ca na upamaate puru`spR^ihaM` sunii'tii` svaya'shastaram || {8}{060}{11}
ya` vaMsaa'ma` pR^ita'naasu` shardha'ta`s tara'nto a`rya aa`dishaH' |
sa tvaM no' vardha` praya'saa shaciivaso` jinvaa` dhiyo' vasu`vidaH' || {8}{060}{12}
shishaa'no vR^iSha`bho ya'thaa`gniH shR^i~Nge` davi'dhvat |
ti`gmaa a'sya` hana'vo` na pra'ti`dhR^iShe' su`jambhaH` saha'so ya`huH || {8}{060}{13}
na`hi te' agne vR^iShabha prati`dhR^iShe` jambhaa'so` yad vi`tiShTha'se |
sa tvaM no' hotaH` suhu'taM ha`viSh kR^i'dhi` vaMsvaa' no` vaaryaa' pu`ru || {8}{060}{14}
sheShe` vane'Shu maa`troH saM tvaa` martaa'sa indhate |
ata'ndro ha`vyaa va'hasi havi`ShkR^ita` aad id de`veShu' raajasi || {8}{060}{15}
sa`pta hotaa'ra`s tam id ii'Late` tvaagne' su`tyaja`m ahra'yam |
bhi`natsy adriM` tapa'saa` vi sho`ciShaa` praagne' tiShTha` janaa`m+ ati' || {8}{060}{16}
a`gnim-a'gniM vo` adhri'guM hu`vema' vR^i`ktaba'rhiShaH |
a`gniM hi`tapra'yasaH shashva`tiiShv aa hotaa'raM carShaNii`naam || {8}{060}{17}
kete'na` sharma'n sacate suShaa`maNy agne` tubhyaM' ciki`tvanaa' |
i`Sha`Nyayaa' naH puru`ruupa`m aa bha'ra` vaajaM` nedi'ShTham uu`taye' || {8}{060}{18}
agne` jari'tar vi`shpati's tepaa`no de'va ra`kShasaH' |
apro'Shivaan gR^i`hapa'tir ma`haam+ a'si di`vas paa`yur du'roNa`yuH || {8}{060}{19}
maa no` rakSha` aa ve'shiid aaghR^iNiivaso` maa yaa`tur yaa'tu`maava'taam |
pa`ro`ga`vyuu`ty ani'raa`m apa` kShudha`m agne` sedha' rakSha`svinaH' || {8}{060}{20}


(670)
u`bhayaM' shR^i`Nava'c ca na` indro' a`rvaag i`daM vacaH' |
sa`traacyaa' ma`ghavaa` soma'piitaye dhi`yaa shavi'ShTha` aa ga'mat || {8}{061}{01}
taM hi sva`raajaM' vR^iSha`bhaM tam oja'se dhi`ShaNe' niShTata`kShatuH' |
u`topa`maanaa'm pratha`mo ni Shii'dasi` soma'kaamaM` hi te` manaH' || {8}{061}{02}
aa vR^i'Shasva puruuvaso su`tasye`ndraandha'saH |
vi`dmaa hi tvaa' harivaH pR^i`tsu saa'sa`him adhR^i'ShTaM cid dadhR^i`ShvaNi'm || {8}{061}{03}
apraa'misatya maghava`n tathed a'sa`d indra` kratvaa` yathaa` vashaH' |
sa`nema` vaajaM` tava' shipri`nn ava'saa ma`kShuu ci`d yanto' adrivaH || {8}{061}{04}
sha`gdhy uuKp Shu sha'ciipata` indra` vishvaa'bhir uu`tibhiH' |
bhagaM` na hi tvaa' ya`shasaM' vasu`vida`m anu' shuura` caraa'masi || {8}{061}{05}
pau`ro ashva'sya puru`kR^id gavaa'm a`sy utso' deva hira`NyayaH' |
naki`r hi daana'm pari`mardhi'Sha`t tve yad-ya`d yaami` tad aa bha'ra || {8}{061}{06}
tvaM hy ehi` cera've vi`daa bhagaM` vasu'ttaye |
ud vaa'vR^iShasva maghava`n gavi'ShTaya` ud i`ndraashva'miShTaye || {8}{061}{07}
tvam pu`ruu sa`hasraa'Ni sha`taani' ca yuu`thaa daa`naaya' maMhase |
aa pu'raMda`raM ca'kR^ima` vipra'vacasa` indraM` gaaya`nto .a'vase || {8}{061}{08}
a`vi`pro vaa` yad avi'dha`d vipro' vdra te` vacaH' |
sa pra ma'mandat tvaa`yaa sha'takrato` praacaa'manyo` ahaM'sana || {8}{061}{09}
u`grabaa'hur mrakSha`kR^itvaa' puraMda`ro yadi' me shR^i`Nava`d dhava'm |
va`suu`yavo` vasu'patiM sha`takra'tuM` stomai`r indraM' havaamahe || {8}{061}{10}
na paa`paaso' manaamahe` naaraa'yaaso` na jaLha'vaH |
yad in nv indraM` vR^iSha'NaM` sacaa' su`te sakhaa'yaM kR^i`Navaa'mahai || {8}{061}{11}
u`graM yu'yujma` pR^ita'naasu saasa`him R^i`Nakaa'ti`m adaa'bhyam |
vedaa' bhR^i`maM ci`t sani'taa ra`thiita'mo vaa`jinaM` yam id uu` nasha't || {8}{061}{12}
yata' indra` bhayaa'mahe` tato' no` abha'yaM kR^idhi |
magha'va~n Cha`gdhi tava` tan na' uu`tibhi`r vi dviSho` vi mR^idho' jahi || {8}{061}{13}
tvaM hi raa'dhaspate` raadha'so ma`haH kShaya`syaasi' vidha`taH |
taM tvaa' va`yam ma'ghavann indra girvaNaH su`taava'nto havaamahe || {8}{061}{14}
indra` spaL u`ta vR^i'tra`haa pa'ra`spaa no` vare'NyaH |
sa no' rakShiShac cara`maM sa ma'dhya`maM sa pa`shcaat paa'tu naH pu`raH || {8}{061}{15}
tvaM naH' pa`shcaad a'dha`raad u'tta`raat pu`ra indra` ni paa'hi vi`shvataH' |
aa`re a`smat kR^i'Nuhi` daivya'm bha`yam aa`re he`tiir ade'viiH || {8}{061}{16}
a`dyaadyaa` shvaH-shva` indra` traasva' pa`re ca' naH |
vishvaa' ca no jari`tR^In sa'tpate` ahaa` divaa` naktaM' ca rakShiShaH || {8}{061}{17}
pra`bha`~Ngii shuuro' ma`ghavaa' tu`viima'ghaH` sammi'shlo vi`ryaaya` kam |
u`bhaa te' baa`huu vR^iSha'Naa shatakrato` ni yaa vajra'm mimi`kShatuH' || {8}{061}{18}


(671)
pro a'smaa` upa'stuti`m bhara'taa` yaj jujo'Shati |
u`kthair indra'sya` maahi'naM` vayo' vardhanti so`mino' |
bha`draa indra'sya raa`tayaH' || {8}{062}{01}
a`yu`jo asa'mo` nR^ibhi`r ekaH' kR^i`ShTiir a`yaasyaH' |
puu`rviir ati` pra vaa'vR^idhe` vishvaa' jaa`taany oja'saa |
bha`draa indra'sya raa`tayaH' || {8}{062}{02}
ahi'ta ci`d arva'taa jii`radaa'nuH siShaasati |
pra`vaacya'm indra` tat tava' vii`ryaaNi kariShya`to |
bha`draa indra'sya raa`tayaH' || {8}{062}{03}
aa yaa'hi kR^i`Navaa'ma ta` indra` brahmaa'Ni` vardha'naa |
yebhiH' shaviShTha caa`kano' bha`dram i`ha shra'vasya`te |
bha`draa indra'sya raa`tayaH' || {8}{062}{04}
dhR^i`Sha`tash ci'd dhR^i`Shan manaH' kR^i`NoShii'ndra` yat tvam |
tii`vraiH somaiH' saparya`to namo'bhiH prati`bhuuSha'to |
bha`draa indra'sya raa`tayaH' || {8}{062}{05}
ava' caShTa` R^icii'Shamo .ava`taam+ i'va` maanu'ShaH |
ju`ShTvii dakSha'sya so`minaH` sakhaa'yaM kR^iNute` yuja'm |
bha`draa indra'sya raa`tayaH' || {8}{062}{06}
vishve' ta indra vii`ryaM de`vaa anu` kratuM' daduH |
bhuvo` vishva'sya` gopa'tiH puruShTuta bha`draa indra'sya raa`tayaH' || {8}{062}{07}
gR^i`Ne tad i'ndra te` shava' upa`maM de`vataa'taye |
yad dhaMsi' vR^i`tram oja'saa shaciipate bha`draa indra'sya raa`tayaH' || {8}{062}{08}
sama'neva vapuShya`taH kR^i`Nava`n maanu'Shaa yu`gaa |
vi`de tad indra`sh ceta'na`m adha' shru`to bha`draa indra'sya raa`tayaH' || {8}{062}{09}
uj jaa`tam i'ndra te` shava` ut tvaam ut tava` kratu'm |
bhuuri'go` bhuuri' vaavR^idhu`r magha'va`n tava` sharma'Ni |
bha`draa indra'sya raa`tayaH' || {8}{062}{10}
a`haM ca` tvaM ca' vR^itraha`n saM yu'jyaava sa`nibhya` aa |
a`raa`tii`vaa ci'd adri`vo .a'nu nau shuura maMsate |
bha`draa indra'sya raa`tayaH' || {8}{062}{11}
sa`tyam id vaa u` taM va`yam indraM' stavaama` naanR^i'tam |
ma`haam+ asu'nvato va`dho bhuuri` jyotiiM'Shi sunva`to |
bha`draa indra'sya raa`tayaH' || {8}{062}{12}



(672)
sa puu`rvyo ma`haanaaM' ve`naH kratu'bhir aanaje |
yasya` dvaaraa` manu'Sh pi`taa de`veShu` dhiya' aana`je || {8}{063}{01}
di`vo maanaM` not sa'da`n soma'pR^iShThaaso` adra'yaH |
u`kthaa brahma' ca` shaMsyaa' || {8}{063}{02}
sa vi`dvaam+ a~Ngi'robhya` indro` gaa a'vR^iNo`d apa' |
stu`She tad a'sya` pauMsya'm || {8}{063}{03}
sa pra`tnathaa' kavivR^i`dha indro' vaa`kasya' va`kShaNiH' |
shi`vo a`rkasya` homa'ny asma`traa ga`ntv ava'se || {8}{063}{04}
aad uu` nu te` anu` kratuM` svaahaa` vara'sya` yajya'vaH |
shvaa`tram a`rkaa a'nuuSha`tdra' go`trasya' daa`vane' || {8}{063}{05}
indre` vishvaa'ni vii`ryaa kR^i`taani` kartvaa'ni ca |
yam a`rkaa a'dhva`raM vi`duH || {8}{063}{06}
yat paa~nca'janyayaa vi`shdre` ghoShaa` asR^i'kShata |
astR^i'Naad ba`rhaNaa' vi`po .a`ryo maana'sya` sa kShayaH' || {8}{063}{07}
i`yam u' te` anu'ShTutish cakR^i`She taani` pauMsyaa' |
praava'sh ca`krasya' varta`nim || {8}{063}{08}
a`sya vR^iShNo` vyoda'na u`ru kra'miShTa jii`vase' |
yavaM` na pa`shva aa da'de || {8}{063}{09}
tad dadhaa'naa ava`syavo' yu`Shmaabhi`r dakSha'pitaraH |
syaama' ma`rutva'to vR^i`dhe || {8}{063}{10}
baL R^i`tviyaa'ya` dhaamna` R^ikva'bhiH shuura nonumaH |
jeShaa'mdra` tvayaa' yu`jaa || {8}{063}{11}
a`sme ru`draa me`hanaa` parva'taaso vR^itra`hatye` bhara'huutau sa`joShaaH' |
yaH shaMsa'te stuva`te dhaayi' pa`jra indra'jyeShThaa a`smaam+ a'vantu de`vaaH || {8}{063}{12}


(673)
ut tvaa' mandantu` stomaaH' kR^iNu`Shva raadho' adrivaH |
ava' brahma`dviSho' jahi || {8}{064}{01}
pa`daa pa`Niim+r a'raa`dhaso` ni baa'dhasva ma`haam+ a'si |
na`hi tvaa` kash ca`na prati' || {8}{064}{02}
tvam ii'shiShe su`taanaa`m indra` tvam asu'taanaam |
tvaM raajaa` janaa'naam || {8}{064}{03}
ehi` prehi` kShayo' di`vy aaKp ghoSha'~n carShaNii`naam |
obhe pR^i'Naasi` roda'sii || {8}{064}{04}
tyaM ci`t parva'taM gi`riM sha`tava'ntaM saha`sriNa'm |
vi sto`tR^ibhyo' rurojitha || {8}{064}{05}
va`yam u' tvaa` divaa' su`te va`yaM naktaM' havaamahe |
a`smaakaM` kaama`m aa pR^i'Na || {8}{064}{06}
kvakp sya vR^i'Sha`bho yuvaa' tuvi`griivo` anaa'nataH |
bra`hmaa kas taM sa'paryati || {8}{064}{07}
kasya' svi`t sava'naM` vR^iShaa' juju`Shvaam+ ava' gacChati |
indraM` ka u' svi`d aa ca'ke || {8}{064}{08}
kaM te' daa`naa a'sakShata` vR^itra'ha`n kaM su`viiryaa' |
u`kthe ka u' svi`d anta'maH || {8}{064}{09}
a`yaM te` maanu'She` jane` somaH' puu`ruShu' suuyate |
tasyehi` pra dra'vaa` piba' || {8}{064}{10}
a`yaM te' sharya`Naava'ti su`Shomaa'yaa`m adhi' pri`yaH |
aa`rjii`kiiye' ma`dinta'maH || {8}{064}{11}
tam a`dya raadha'se ma`he caaru`m madaa'ya` ghR^iShva'ye |
ehii'm indra` dravaa` piba' || {8}{064}{12}


(674)
yad i'ndra` praag apaa`g uda`~N nyag vaa huu`yase` nR^ibhiH' |
aa yaa'hi` tuuya'm aa`shubhiH' || {8}{065}{01}
yad vaa' pra`srava'Ne di`vo maa`dayaa'se` svarNare |
yad vaa' samu`dre andha'saH || {8}{065}{02}
aa tvaa' gii`rbhir ma`haam u`ruM hu`ve gaam i'va` bhoja'se |
indra` soma'sya pii`taye' || {8}{065}{03}
aa ta' indra mahi`maanaM` hara'yo deva te` mahaH' |
rathe' vahantu` bibhra'taH || {8}{065}{04}
indra' gR^iNii`Sha u' stu`She ma`haam+ u`gra ii'shaana`kR^it |
ehi' naH su`tam piba' || {8}{065}{05}
su`taava'ntas tvaa va`yam praya'svanto havaamahe |
i`daM no' ba`rhir aa`sade' || {8}{065}{06}
yac ci`d dhi shashva'taa`m asiindra` saadhaa'raNa`s tvam |
taM tvaa' va`yaM ha'vaamahe || {8}{065}{07}
i`daM te' so`myam madhv adhu'kSha`nn adri'bhi`r naraH' |
ju`Shaa`Na i'ndra` tat pi'ba || {8}{065}{08}
vishvaa'm+ a`ryo vi'pa`shcito .a'ti khya`s tuuya`m aa ga'hi |
a`sme dhe'hi` shravo' bR^i`hat || {8}{065}{09}
daa`taa me` pR^iSha'tiinaaM` raajaa' hiraNya`viinaa'm |
maa de'vaa ma`ghavaa' riShat || {8}{065}{10}
sa`hasre` pR^iSha'tiinaa`m adhi' shca`ndram bR^i`hat pR^i`thu |
shu`kraM hira'Nya`m aa da'de || {8}{065}{11}
napaa'to du`rgaha'sya me sa`hasre'Na su`raadha'saH |
shravo' de`veShv a'krata || {8}{065}{12}


(675)
taro'bhir vo vi`dadva'su`m indraM' sa`baadha' uu`taye' |
bR^i`had gaaya'ntaH su`taso'me adhva`re hu`ve bharaM` na kaa`riNa'm || {8}{066}{01}
na yaM du`dhraa vara'nte` na sthi`raa muro` made' sushi`pram andha'saH |
ya aa`dR^ityaa' shashamaa`naaya' sunva`te daataa' jari`tra u`kthyam || {8}{066}{02}
yaH sha`kro mR^i`kSho ashvyo` yo vaa` kiijo' hira`NyayaH' |
sa uu`rvasya' rejaya`ty apaa'vR^iti`m indro` gavya'sya vR^itra`haa || {8}{066}{03}
nikhaa'taM ci`d yaH pu'rusambhR^i`taM vasuud id vapa'ti daa`shuShe' |
va`jrii su'shi`pro harya'shva` it ka'ra`d indraH` kratvaa` yathaa` vasha't || {8}{066}{04}
yad vaa`vantha' puruShTuta pu`raa ci'c Chuura nR^i`Naam |
va`yaM tat ta' indra` sam bha'raamasi ya`j~nam u`kthaM tu`raM vacaH' || {8}{066}{05}
sacaa` some'Shu puruhuuta vajrivo` madaa'ya dyukSha somapaaH |
tvam id dhi bra'hma`kR^ite` kaamyaM` vasu` deShThaH' sunva`te bhuvaH' || {8}{066}{06}
va`yam e'nam i`daa hyo .a'piipeme`ha va`jriNa'm |
tasmaa' u a`dya sa'ma`naa su`tam bha`raa nuu`nam bhuu'Shata shru`te || {8}{066}{07}
vR^ika'sh cid asya vaara`Na u'raa`mathi`r aa va`yune'Shu bhuuShati |
semaM na` stomaM' jujuShaa`Na aa ga'hi` indra` pra ci`trayaa' dhi`yaa || {8}{066}{08}
kad uu` nv akp syaakR^i'ta`m indra'syaasti` pauMsya'm |
ko` nu kaM` shroma'ta` na shu'shruve ja`nuShaH` pari' vR^itra`haa || {8}{066}{09}
kad uu' ma`hiir adhR^i'ShTaa asya` tavi'ShiiH` kad u' vR^itra`ghno astR^i'tam |
indro` vishvaa'n beka`naaTaa'm+ aha`rdR^isha' u`ta kratvaa' pa`Niim+r a`bhi || {8}{066}{10}
va`yaM ghaa' te` apuu`rvydra` brahmaa'Ni vR^itrahan |
pu`ruu`tamaa'saH puruhuuta vajrivo bhR^i`tiM na pra bha'raamasi || {8}{066}{11}
puu`rviish ci`d dhi tve tu'vikuurminn aa`shaso` hava'nta indro`tayaH' |
ti`rash ci'd a`ryaH sava`naa va'so gahi` shavi'ShTha shru`dhi me` hava'm || {8}{066}{12}
va`yaM ghaa' te` tve id v indra` vipraa` api' Shmasi |
na`hi tvad a`nyaH pu'ruhuuta` kash ca`na magha'va`nn asti' marDi`taa || {8}{066}{13}
tvaM no' a`syaa ama'ter u`ta kShu`dho .a`bhisha'ste`r ava' spR^idhi |
tvaM na' uu`tii tava' ci`trayaa' dhi`yaa shikShaa' shaciShTha gaatu`vit || {8}{066}{14}
soma` id vaH' su`to a'stu` kala'yo` maa bi'bhiitana |
aped e`Sha dhva`smaaya'ti sva`yaM ghai`Sho apaa'yati || {8}{066}{15}


(676)
tyaan nu kSha`triyaa`m+ ava' aadi`tyaan yaa'ciShaamahe |
su`mR^i`Lii`kaam+ a`bhiShTa'ye || {8}{067}{01}
mi`tro no` aty aM'ha`tiM varu'NaH parShad arya`maa |
aa`di`tyaaso` yathaa' vi`duH || {8}{067}{02}
teShaaM` hi ci`tram u`kthyakp M varuu'tha`m asti' daa`shuShe' |
aa`di`tyaanaa'm araM`kR^ite' || {8}{067}{03}
mahi' vo maha`taam avo` varu'Na` mitraarya'man |
avaaM`sy aa vR^i'Niimahe || {8}{067}{04}
jii`vaan no' a`bhi dhe'ta`naadi'tyaasaH pu`raa hathaa't |
kad dha' stha havanashrutaH || {8}{067}{05}
yad vaH' shraa`ntaaya' sunva`te varuu'tha`m asti` yac Cha`rdiH |
taa' no` adhi' vocata || {8}{067}{06}
asti' devaa aM`hor u`rv asti` ratna`m anaa'gasaH |
aadi'tyaa` adbhu'tainasaH || {8}{067}{07}
maa naH` setuH' siShed a`yam ma`he vR^i'Naktu na`s pari' |
indra` id dhi shru`to va`shii || {8}{067}{08}
maa no' mR^i`caa ri'puu`NaaM vR^i'ji`naanaa'm aviShyavaH |
devaa' a`bhi pra mR^i'kShata || {8}{067}{09}
u`ta tvaam a'dite mahy a`haM de`vy upa' bruve |
su`mR^i`Lii`kaam a`bhiShTa'ye || {8}{067}{10}
parShi' dii`ne ga'bhii`ra aam+ ugra'putre` jighaaM'sataH |
maaki's to`kasya' no riShat || {8}{067}{11}
a`ne`ho na' uruvraja` uruu'ci` vi prasa'rtave |
kR^i`dhi to`kaaya' jii`vase' || {8}{067}{12}
ye muu`rdhaanaH' kShitii`naam ada'bdhaasaH` svaya'shasaH |
vra`taa rakSha'nte a`druhaH' || {8}{067}{13}
te na' aa`sno vR^ikaa'Naa`m aadi'tyaaso mu`moca'ta |
ste`nam ba`ddham i'vaadite || {8}{067}{14}
apo` Shu Na' i`yaM sharu`r aadi'tyaa` apa' durma`tiH |
a`smad e`tv aja'ghnuShii || {8}{067}{15}
shashva`d dhi vaH' sudaanava` aadi'tyaa uu`tibhi'r va`yam |
pu`raa nuu`nam bu'bhu`jmahe' || {8}{067}{16}
shashva'ntaM` hi pra'cetasaH prati`yantaM' ci`d a'saH |
devaaH' kR^iNu`tha jii`vase' || {8}{067}{17}
tat su no` navyaM` sanya'sa` aadi'tyaa` yan mumo'cati |
ba`ndhaad ba`ddham i'vaadite || {8}{067}{18}
naasmaaka'm asti` tat tara` aadi'tyaaso ati`Shkade' |
yuu`yam a`smabhya'm mR^iLata || {8}{067}{19}
maa no' he`tir vi`vasva'ta` aadi'tyaaH kR^i`trimaa` sharuH' |
pu`raa nu ja`raso' vadhiit || {8}{067}{20}
vi Shu dveSho` vy aMha`tim aadi'tyaaso` vi saMhi'tam |
viShva`g vi vR^i'hataa` rapaH' || {8}{067}{21}


(677)
aa tvaa` rathaM` yatho`taye' su`mnaaya' vartayaamasi |
tu`vi`kuu`rmim R^i'tii`Shaha`m indra` shavi'ShTha` satpa'te || {8}{068}{01}
tuvi'shuShma` tuvi'krato` shacii'vo` vishva'yaa mate |
aa pa'praatha mahitva`naa || {8}{068}{02}
yasya' te mahi`naa ma`haH pari' jmaa`yanta'm ii`yatuH' |
hastaa` vajraM' hira`Nyaya'm || {8}{068}{03}
vi`shvaana'rasya va`s pati`m anaa'natasya` shava'saH |
evai'sh ca carShaNii`naam uu`tii hu've` rathaa'naam || {8}{068}{04}
a`bhiShTa'ye sa`daavR^i'dhaM` svarmiiLheShu` yaM naraH' |
naanaa` hava'nta uu`taye' || {8}{068}{05}
pa`romaa'tra`m R^icii'Shama`m indra'm u`graM su`raadha'sam |
iishaa'naM ci`d vasuu'naam || {8}{068}{06}
taM-ta`m id raadha'se ma`ha indraM' codaami pii`taye' |
yaH puu`rvyaam anu'ShTuti`m iishe' kR^iShTii`naaM nR^i`tuH || {8}{068}{07}
na yasya' te shavasaana sa`khyam aa`naMsha` martyaH' |
nakiH` shavaaM'si te nashat || {8}{068}{08}
tvotaa'sa`s tvaa yu`jaapsu suurye' ma`had dhana'm |
jaye'ma pR^i`tsu va'jrivaH || {8}{068}{09}
taM tvaa' ya`j~nebhi'r iimahe` taM gii`rbhir gi'rvaNastama |
indra` yathaa' ci`d aavi'tha` vaaje'Shu puru`maayya'm || {8}{068}{10}
yasya' te svaa`du sa`khyaM svaa`dvii praNii'tir adrivaH |
ya`j~no vi'tanta`saayyaH' || {8}{068}{11}
u`ru Na's ta`nveKp tana' u`ru kShayaa'ya nas kR^idhi |
u`ru No' yandhi jii`vase' || {8}{068}{12}
u`ruM nR^ibhya' u`ruM gava' u`ruM rathaa'ya` panthaa'm |
de`vavii'tim manaamahe || {8}{068}{13}
upa' maa` ShaD dvaa-dvaa` naraH` soma'sya` harShyaa' |
tiShTha'nti svaaduraa`tayaH' || {8}{068}{14}
R^i`jraav i'ndro`ta aa da'de` harii` R^ikSha'sya suu`navi' |
aa`shva`me`dhasya` rohi'taa || {8}{068}{15}
su`rathaa'm+ aatithi`gve sva'bhii`shuum+r aa`rkShe |
aa`shva`me`dhe su`pesha'saH || {8}{068}{16}
ShaL ashvaa'm+ aatithi`gva i'ndro`te va`dhuuma'taH |
sacaa' puu`takra'tau sanam || {8}{068}{17}
aiShu' ceta`d vR^iSha'Nvaty a`ntar R^i`jreShv aru'Shii |
sva`bhii`shuH kashaa'vatii || {8}{068}{18}
na yu`Shme vaa'jabandhavo nini`tsush ca`na martyaH' |
a`va`dyam adhi' diidharat || {8}{068}{19}


(678)
pra-pra' vas tri`ShTubha`m iSha'm ma`ndadvii'raa`yda've |
dhi`yaa vo' me`dhasaa'taye` puraM`dhyaa vi'vaasati || {8}{069}{01}
na`daM va` oda'tiinaaM na`daM yoyu'vatiinaam |
patiM' vo` aghnyaa'naaM dhuu`naam i'Shudhyasi || {8}{069}{02}
taa a'sya` suuda'dohasaH` somaM' shriiNanti` pR^ishna'yaH |
janma'n de`vaanaaM` visha's tri`Shv aa ro'ca`ne di`vaH || {8}{069}{03}
a`bhi pra gopa'tiM gi`rdra'm arca` yathaa' vi`de |
suu`nuM sa`tyasya` satpa'tim || {8}{069}{04}
aa hara'yaH sasR^ijri`re .a'ruShii`r adhi' ba`rhiShi' |
yatraa`bhi saM`navaa'mahe || {8}{069}{05}
indraa'ya` gaava' aa`shiraM' dudu`hre va`jriNe` madhu' |
yat sii'm upahva`re vi`dat || {8}{069}{06}
ud yad bra`dhnasya' vi`ShTapaM' gR^i`ham indra'sh ca` ganva'hi |
madhvaH' pii`tvaa sa'cevahi` triH sa`pta sakhyuH' pa`de || {8}{069}{07}
arca'ta` praarca'ta` priya'medhaaso` arca'ta |
arca'ntu putra`kaa u`ta puraM` na dhR^i`ShNv arcata || {8}{069}{08}
ava' svaraati` garga'ro go`dhaa pari' saniShvaNat |
pi~Ngaa` pari' caniShkada`d indraa'ya` brahmodya'tam || {8}{069}{09}
aa yat pata'nty e`nyaH su`dughaa` ana'pasphuraH |
a`pa`sphuraM' gR^ibhaayata` soma`m indraa'ya` paata've || {8}{069}{10}
apaa`d indro` apaa'd a`gnir vishve' de`vaa a'matsata |
varu'Na` id i`ha kSha'ya`t tam aapo' a`bhy anuuShata va`tsaM saM`shishva'riir iva || {8}{069}{11}
su`de`vo a'si varuNa` yasya' te sa`pta sindha'vaH |
a`nu`kShara'nti kaa`kudaM' suu`rmyaM suShi`raam i'va || {8}{069}{12}
yo vyatii`m+r aphaa'Naya`t suyu'ktaa`m+ upa' daa`shuShe' |
ta`kvo ne`taa tad id vapu'r upa`maa yo amu'cyata || {8}{069}{13}
atiid u' sha`kra o'hata` indro` vishvaa` ati` dviShaH' |
bhi`nat ka`niina' oda`nam pa`cyamaa'nam pa`ro gi`raa || {8}{069}{14}
a`rbha`ko na ku'maara`ko .a'dhi tiShTha`n navaM` ratha'm |
sa pa'kShan mahi`Sham mR^i`gam pi`tre maa`tre vi'bhu`kratu'm || {8}{069}{15}
aa tuu su'shipra dampate` rathaM' tiShThaa hira`Nyaya'm |
adha' dyu`kShaM sa'cevahi sa`hasra'paadam aru`ShaM sva'sti`gaam a'ne`hasa'm || {8}{069}{16}
taM ghe'm i`tthaa na'ma`svina` upa' sva`raaja'm aasate |
arthaM' cid asya` sudhi'taM` yad eta'va aava`rtaya'nti daa`vane' || {8}{069}{17}
anu' pra`tnasyauka'saH pri`yame'dhaasa eShaam |
puurvaa`m anu` praya'tiM vR^i`ktaba'rhiSho hi`tapra'yasa aashata || {8}{069}{18}


(679)
yo raajaa' carShaNii`naaM yaataa` rathe'bhi`r adhri'guH |
vishvaa'saaM taru`taa pR^ita'naanaaM` jyeShTho` yo vR^i'tra`haa gR^i`Ne || {8}{070}{01}
indraM` taM shu'mbha puruhanma`nn ava'se` yasya' dvi`taa vi'dha`rtari' |
hastaa'ya` vajraH` prati' dhaayi darsha`to ma`ho di`ve na suuryaH' || {8}{070}{02}
naki`Sh TaM karma'Naa nasha`d yash ca`kaara' sa`daavR^i'dham |
indraM` na ya`j~nair vi`shvaguu'rta`m R^ibhva'sa`m adhR^i'ShTaM dhR^i`ShNvojasam || {8}{070}{03}
aShaa'Lham u`gram pR^ita'naasu saasa`hiM yasmi'n ma`hiir u'ru`jrayaH' |
saM dhe`navo` jaaya'maane anonavu`r dyaavaH` kShaamo' anonavuH || {8}{070}{04}
yad dyaava' indra te sha`taM sha`tam bhuumii'r u`ta syuH |
na tvaa' vajrin sa`hasraM` suuryaa` anu` na jaa`tam a'ShTa` roda'sii || {8}{070}{05}
aa pa'praatha mahi`naa vR^iShNyaa' vR^iSha`n vishvaa' shaviShTha` shava'saa |
a`smaam+ a'va maghava`n goma'ti vra`je vajri'~n ci`traabhi'r uu`tibhiH' || {8}{070}{06}
na sii`m ade'va aapa`d iShaM' diirghaayo` martyaH' |
eta'gvaa ci`d ya eta'shaa yu`yoja'te` harii` indro' yu`yoja'te || {8}{070}{07}
taM vo' ma`ho ma`haayya`m indraM' daa`naaya' sa`kShaNi'm |
yo gaa`dheShu` ya aara'NeShu` havyo` vaaje`Shv asti` havyaH' || {8}{070}{08}
ud uu` Shu No' vaso ma`he mR^i`shasva' shuura` raadha'se |
ud uu` Shu ma`hyai ma'ghavan ma`ghatta'ya` ud i'ndra` shrava'se ma`he || {8}{070}{09}
tvaM na' indra R^ita`yus tvaa`nido` ni tR^i'mpasi |
madhye' vasiShva tuvinR^imNo`rvor ni daa`saM shi'shnatho` hathaiH' || {8}{070}{10}
a`nyavra'ta`m amaa'nuSha`m aya'jvaana`m ade'vayum |
ava` svaH sakhaa' dudhuviita` parva'taH su`ghnaaya` dasyu`m parva'taH || {8}{070}{11}
tvaM na' indraasaaM` haste' shaviShTha daa`vane' |
dhaa`naanaaM` na saM gR^i'bhaayaasma`yur dviH saM gR^i'bhaayaasma`yuH || {8}{070}{12}
sakhaa'yaH` kratu'm icChata ka`thaa raa'dhaama sha`rasya' |
upa'stutim bho`jaH suu`rir yo ahra'yaH || {8}{070}{13}
bhuuri'bhiH samaha` R^iShi'bhir ba`rhiShma'dbhi staviShyase |
yad i`ttham eka'm-eka`m ic Chara' va`tsaan pa'raa`dadaH' || {8}{070}{14}
ka`rNa`gR^ihyaa' ma`ghavaa' shaurade`vyo va`tsaM na's tri`bhya aana'yat |
a`jaaM suu`rir na dhaata've || {8}{070}{15}


(680)
tvaM no' agne` maho'bhiH paa`hi vishva'syaa` araa'teH |
u`ta dvi`Sho martya'sya || {8}{071}{01}
na`hi ma`nyuH pauru'Sheya` iishe` hi vaH' priyajaata |
tvam id a'si` kShapaa'vaan || {8}{071}{02}
sa no` vishve'bhir de`vebhi`r uurjo' napaa`d bhadra'shoce |
ra`yiM de'hi vi`shvavaa'ram || {8}{071}{03}
na tam a'gne` araa'tayo` martaM' yuvanta raa`yaH |
yaM traaya'se daa`shvaaMsa'm || {8}{071}{04}
yaM tvaM vi'pra me`dhasaa'taa`v agne' hi`noShi` dhanaa'ya |
sa tavo`tii goShu` gantaa' || {8}{071}{05}
tvaM ra`yim pu'ru`viira`m agne' daa`shuShe` martaa'ya |
pra No' naya` vasyo` acCha' || {8}{071}{06}
u`ru`Shyaa No` maa paraa' daa aghaaya`te jaa'tavedaH |
du`raa`dhyeKp martaa'ya || {8}{071}{07}
agne` maaki'Sh Te de`vasya' raa`tim ade'vo yuyota |
tvam ii'shiShe` vasuu'naam || {8}{071}{08}
sa no` vasva` upa' maa`sy uurjo' napaa`n maahi'nasya |
sakhe' vaso jari`tR^ibhyaH' || {8}{071}{09}
acChaa' naH shii`rasho'ciShaM` giro' yantu darsha`tam |
acChaa' ya`j~naaso` nama'saa puruu`vasu'm puruprasha`stam uu`taye' || {8}{071}{10}
a`gniM suu`nuM saha'so jaa`tave'dasaM daa`naaya` vaaryaa'Naam |
dvi`taa yo bhuud a`mR^ito` martye`Shv aa hotaa' ma`ndrata'mo vi`shi || {8}{071}{11}
a`gniM vo' devaya`jyayaa`gnim pra'ya`ty adhva`re |
a`gniM dhii`Shu pra'tha`mam a`gnim arva'ty a`gniM kShaitraa'ya` saadha'se || {8}{071}{12}
a`gnir i`ShaaM sa`khye da'daatu na` iishe` yo vaaryaa'Naam |
a`gniM to`ke tana'ye` shashva'd iimahe` vasuM` santaM' tanuu`paam || {8}{071}{13}
a`gnim ii'Li`Shvaava'se` gaathaa'bhiH shii`rasho'ciSham |
a`gniM raa`ye pu'rumiiLha shru`taM naro' .a`gniM su'dii`taye' Cha`rdiH || {8}{071}{14}
a`gniM dveSho` yota`vai no' gR^iNiimasy a`gniM shaM yosh ca` daata've |
vishvaa'su vi`kShv avi`teva` havyo` bhuva`d vastu'r R^iShuu`Naam || {8}{071}{15}


(681)
ha`viSh kR^i'Nudhva`m aa ga'mad adhva`ryur va'nate` punaH' |
vi`dvaam+ a'sya pra`shaasa'nam || {8}{072}{01}
ni ti`gmam a`bhy akp MshuM siida`d dhotaa' ma`naav adhi' |
ju`Shaa`No a'sya sa`khyam || {8}{072}{02}
a`ntar i'cChanti` taM jane' ru`dram pa`ro ma'nii`Shayaa' |
gR^i`bhNanti' ji`hvayaa' sa`sam || {8}{072}{03}
jaa`my atiitape` dhanu'r vayo`dhaa a'ruha`d vana'm |
dR^i`ShadaM' ji`hvayaava'dhiit || {8}{072}{04}
cara'n va`tso rusha'nn i`ha ni'daa`taaraM` na vi'ndate |
veti` stota'va a`mbyam || {8}{072}{05}
u`to nv asya` yan ma`had ashvaa'va`d yoja'nam bR^i`had |
daa`maa ratha'sya` dadR^i'she || {8}{072}{06}
du`hanti' sa`ptaikaa`m upa` dvaa pa~nca' sR^ijataH |
tii`rthe sindho`r adhi' sva`re || {8}{072}{07}
aa da`shabhi'r vi`vasva'ta` indraH` kosha'm acucyaviit |
kheda'yaa tri`vR^itaa' di`vaH || {8}{072}{08}
pari' tri`dhaatu'r adhva`raM juu`rNir e'ti` navii'yasii |
madhvaa` hotaa'ro a~njate || {8}{072}{09}
si`~ncanti` nama'saava`tam u`ccaaca'kra`m pari'jmaanam |
nii`ciina'baara`m akShi'tam || {8}{072}{10}
a`bhyaara`m id adra'yo` niShi'kta`m puShka're` madhu' |
a`va`tasya' vi`sarja'ne || {8}{072}{11}
gaava` upaa'vataava`tam ma`hii ya`j~nasya' ra`psudaa' |
u`bhaa karNaa' hira`Nyayaa' || {8}{072}{12}
aa su`te si'~ncata` shriyaM` roda'syor abhi`shriya'm |
ra`saa da'dhiita vR^iSha`bham || {8}{072}{13}
te jaa'nata` svam o`kyakp M saM va`tsaaso` na maa`tR^ibhiH' |
mi`tho na'santa jaa`mibhiH' || {8}{072}{14}
upa` srakve'Shu` bapsa'taH kR^iNva`te dha`ruNaM' di`vi |
indre' a`gnaa namaH` svaH || {8}{072}{15}
adhu'kShat pi`pyuShii`m iSha`m uurjaM' sa`ptapa'diim a`riH |
suurya'sya sa`pta ra`shmibhiH' || {8}{072}{16}
soma'sya mitraavaru`Nodi'taa` suura` aa da'de |
tad aatu'rasya bheSha`jam || {8}{072}{17}
u`to nv asya` yat pa`daM ha'rya`tasya' nidhaa`nyam |
pari` dyaaM ji`hvayaa'tanat || {8}{072}{18}


(682)
ud ii'raathaam R^itaaya`te yu`~njaathaa'm ashvinaa` ratha'm |
anti` Shad bhuu'tu vaa`m avaH' || {8}{073}{01}
ni`miSha'sh ci`j javii'yasaa` rathe`naa yaa'tam ashvinaa |
anti` Shad bhuu'tu vaa`m avaH' || {8}{073}{02}
upa' stR^iNiita`m atra'ye hi`ma' gha`rmam a'shvinaa |
anti' Shad bhuutu vaa`m avaH' || {8}{073}{03}
kuha' sthaH` kuha' jagmathuH` kuha' shye`neva' petathuH |
anti' Shad bhuutu vaa`m avaH' || {8}{073}{04}
yad a`dya karhi` karhi' cic Chushruu`yaata'm i`maM hava'm |
anti' Shad bhuutu vaa`m avaH' || {8}{073}{05}
a`shvinaa' yaama`huuta'maa` nedi'ShThaM yaa`my aapya'm |
anti' Shad bhuutu vaa`m avaH' || {8}{073}{06}
ava'nta`m atra'ye gR^i`haM kR^i'Nu`taM yu`vam a'shvinaa |
anti' Shad bhuutu vaa`m avaH' || {8}{073}{07}
vare'the a`gnim aa`tapo` vada'te va`lgv atra'ye |
anti' Shad bhuutu vaa`m avaH' || {8}{073}{08}
pra sa`ptava'dhrir aa`shasaa` dhaaraa'm a`gner a'shaayata |
anti' Shad bhuutu vaa`m avaH' || {8}{073}{09}
i`haa ga'taM vR^iShaNvasuu shR^iNu`tam ma' i`maM hava'm |
anti' Shad bhuutu vaa`m avaH' || {8}{073}{10}
kim i`daM vaa'm puraaNa`vaj jara'tor iva shasyate |
anti' Shad bhuutu vaa`m avaH' || {8}{073}{11}
sa`maa`naM vaaM' sajaa`tyaM samaa`no bandhu'r ashvinaa |
anti' Shad bhuutu vaa`m avaH' || {8}{073}{12}
yo vaaM` rajaaM'sy ashvinaa` ratho' vi`yaati` roda'sii |
anti' Shad bhuutu vaa`m avaH' || {8}{073}{13}
aa no` gavye'bhi`r ashvyaiH' sa`hasrai`r upa' gacChatam |
anti' Shad bhuutu vaa`m avaH' || {8}{073}{14}
maa no` gavye'bhi`r ashvyaiH' sa`hasre'bhi`r ati' khyatam |
anti' Shad bhuutu vaa`m avaH' || {8}{073}{15}
a`ru`Napsu'r u`Shaa a'bhuu`d aka`r jyoti'r R^i`taava'rii |
anti' Shad bhuutu vaa`m avaH' || {8}{073}{16}
a`shvinaa` su vi`caaka'shad vR^i`kSham pa'rashu`maam+ i'va |
anti' Shad bhuutu vaa`m avaH' || {8}{073}{17}
puraM` na dhR^i'ShNa`v aa ru'ja kR^i`ShNayaa' baadhi`to vi`shaa |
anti' Shad bhuutu vaa`m avaH' || {8}{073}{18}


(683)
vi`sho-vi'sho vo` ati'thiM vaaja`yantaH' purupri`yam |
a`gniM vo` duryaM` vaca' stu`She shuu`Shasya` manma'bhiH || {8}{074}{01}
yaM janaa'so ha`viShma'nto mi`traM na sa`rpiraa'sutim |
pra`shaMsa'nti` prasha'stibhiH || {8}{074}{02}
panyaaM'saM jaa`tave'dasaM` yo de`vataa`ty udya'taa |
ha`vyaany aira'yat di`vi || {8}{074}{03}
aaga'nma vR^itra`hanta'maM` jyeShTha'm a`gnim aana'vam |
yasya' shru`tarvaa' bR^i`hann aa`rkSho anii'ka` edha'te || {8}{074}{04}
a`mR^itaM' jaa`tave'dasaM ti`ras tamaaM'si darsha`tam |
ghR^i`taaha'vana`m iiDya'm || {8}{074}{05}
sa`baadho` yaM janaa' i`me .a`gniM ha`vyebhi`r iiLa'te |
juhvaa'naaso ya`tasru'caH || {8}{074}{06}
i`yaM te` navya'sii ma`tir agne` adhaa'yy a`smad aa |
mandra` sujaa'ta` sukra`to .a'muura` dasmaati'the || {8}{074}{07}
saa te' agne` shaMta'maa` cani'ShThaa bhavatu pri`yaa |
tayaa' vardhasva` suShTu'taH || {8}{074}{08}
saa dyu`mnair dyu`mninii' bR^i`had upo'pa` shrava'si` shravaH' |
dadhii'ta vR^itra`tuurye' || {8}{074}{09}
ashva`m id gaaM ra'tha`praaM tve`Sham indraM` na satpa'tim |
yasya` shravaaM'si` tuurva'tha` panya'm-panyaM ca kR^i`ShTayaH' || {8}{074}{10}
yaM tvaa' go`pava'no gi`raa cani'ShThad agne a~NgiraH |
sa paa'vaka shrudhii` hava'm || {8}{074}{11}
yaM tvaa` janaa'sa` iiLa'te sa`baadho` vaaja'saataye |
sa bo'dhi vR^itra`tuurye' || {8}{074}{12}
a`haM hu'vaa`na aa`rkShe shru`tarva'Ni mada`cyuti' |
shardhaaM'siiva stukaa`vinaa'm mR^i`kShaa shii`rShaa ca'tu`rNaam || {8}{074}{13}
maaM ca`tvaara' aa`shavaH` shavi'ShThasya dravi`tnavaH' |
su`rathaa'so a`bhi prayo` vakSha`n vayo` na tugrya'm || {8}{074}{14}
sa`tyam it tvaa' mahadi` paru`ShNy ava' dedisham |
nem aa'po ashva`daata'raH` shavi'ShThaad asti` martyaH' || {8}{074}{15}


(684)
yu`kShvaa hi de'va`huuta'maa`m+ ashvaa'm+ agne ra`thiir i'va |
ni hotaa' puu`rvyaH sa'daH || {8}{075}{01}
u`ta no' deva de`vaam+ acChaa' voco vi`duShTa'raH |
shrad vishvaa` vaaryaa' kR^idhi || {8}{075}{02}
tvaM ha` yad ya'viShThya` saha'saH suunav aahuta |
R^i`taavaa' ya`j~niyo` bhuvaH' || {8}{075}{03}
a`yam a`gniH sa'ha`sriNo` vaaja'sya sha`tina`s patiH' |
muu`rdhaa ka`vii ra'yii`Naam || {8}{075}{04}
taM ne`mim R^i`bhavo' ya`thaa na'masva` sahuu'tibhiH |
nedii'yo ya`j~nam a'~NgiraH || {8}{075}{05}
tasmai' nuu`nam a`bhidya've vaa`caa vi'ruupa` nitya'yaa |
vR^iShNe' codasva suShTu`tim || {8}{075}{06}
kam u' Shvid asya` sa'yaa`gner apaa'kacakShasaH |
pa`NiM goShu' staraamahe || {8}{075}{07}
maa no' de`vaanaaM` vishaH' prasnaa`tiir i'vo`sraaH |
kR^i`shaM na haa'su`r aghnyaaH' || {8}{075}{08}
maa naH' samasya duu`Dhyakp H pari'dveShaso aMha`tiH |
uu`rmir na naava`m aa va'dhiit || {8}{075}{09}
nama's te agna` oja'se gR^i`Nanti' deva kR^i`ShTayaH' |
amai'r a`mitra'm ardaya || {8}{075}{10}
ku`vit su no` gavi'ShTa`ye .a'gne saM`veShi'Sho ra`yim |
uru'kR^id u`ru Na's kR^idhi || {8}{075}{11}
maa no' a`smin ma'haadha`ne paraa' varg bhaara`bhR^id ya'thaa |
saM`vargaM` saM ra`yiM ja'ya || {8}{075}{12}
a`nyam a`smad bhi`yaa i`yam agne` siSha'ktu du`cChunaa' |
vardhaa' no` ama'va`c ChavaH' || {8}{075}{13}
yasyaaju'Shan nama`svinaH` shamii`m adu'rmakhasya vaa |
taM ghed a`gnir vR^i`dhaava'ti || {8}{075}{14}
para'syaa` adhi' saM`vato .a'varaam+ a`bhy aa ta'ra |
yatraa`ham asmi` taam+ a'va || {8}{075}{15}
vi`dmaa hi te' pu`raa va`yam agne' pi`tur yathaava'saH |
adhaa' te su`mnam ii'mahe || {8}{075}{16}


(685)
i`maM nu maa`yinaM' huva` indra`m iishaa'na`m oja'saa |
ma`rutva'ntaM` na vR^i`~njase' || {8}{076}{01}
a`yam indro' ma`rutsa'khaa` vi vR^i`trasyaa'bhina`c ChiraH' |
vajre'Na sha`tapa'rvaNaa || {8}{076}{02}
vaa`vR^i`dhaa`no ma`rutsa`khdro` vi vR^i`tram ai'rayat |
sR^i`jan sa'mu`driyaa' a`paH || {8}{076}{03}
a`yaM ha` ya` vaa i`daM svar ma`rutva'taa ji`tam |
indre'Na` soma'piitaye || {8}{076}{04}
ma`rutva'ntam R^ijii`ShiNa`m oja'svantaM vira`pshina'm |
indraM' gii`rbhir ha'vaamahe || {8}{076}{05}
indra'm pra`tna` manma'naa ma`rutva'ntaM havaamahe |
a`sya soma'sya pii`taye' || {8}{076}{06}
ma`rutvaa'm+ indra miiDhvaH` pibaa` somaM' shatakrato |
a`smin ya`j~ne pu'ruShTuta || {8}{076}{07}
tubhyed i'ndra ma`rutva'te su`taaH somaa'so adrivaH |
hR^i`daa huu'yanta u`kthinaH' || {8}{076}{08}
pibed i'ndra ma`rutsa'khaa su`taM somaM` divi'ShTiShu |
vajraM` shishaa'na` oja'saa || {8}{076}{09}
u`ttiShTha`nn oja'saa sa`ha pii`tvii shipre' avepayaH |
soma'm indra ca`muu su`tam || {8}{076}{10}
anu' tvaa` roda'sii u`bhe krakSha'maaNam akR^ipetaam |
indra` yad da'syu`haabha'vaH || {8}{076}{11}
vaaca'm a`ShTaapa'diim a`haM nava'sraktim R^ita`spR^isha'm |
indraa`t pari' ta`nvam mame || {8}{076}{12}


(686)
ja`j~naa`no nu sha`takra'tu`r vi pR^i'cCha`d iti' maa`tara'm |
ka u`graaH ke ha' shR^iNvire || {8}{077}{01}
aad iiM' shava`sy abraviid aurNavaa`bham a'hii`shuva'm |
te pu'tra santu ni`ShTuraH' || {8}{077}{02}
sam it taan vR^i'tra`haakhi'da`t khe a`raam+ i'va` kheda'yaa |
pravR^i'ddho dasyu`haabha'vat || {8}{077}{03}
eka'yaa prati`dhaapi'bat saa`kaM saraaM'si triM`shata'm |
indraH` soma'sya kaaNu`kaa || {8}{077}{04}
a`bhi ga'ndha`rvam a'tR^iNad abu`dhneShu` raja`ssv aa |
indro' bra`hmabhya` id vR^i`dhe || {8}{077}{05}
nir aa'vidhyad gi`ribhya` aa dhaa`raya't pa`kvam o'da`nam |
indro' bu`ndaM svaatatam || {8}{077}{06}
sha`tabra'dhna` iShu`s tava' sa`hasra'parNa` eka` it |
yam i'ndra cakR^i`She yuja'm || {8}{077}{07}
ta' sto`tR^ibhya` aa bha'ra` nR^ibhyo` naari'bhyo` atta've |
sa`dyo jaa`ta R^i'bhuShThira || {8}{077}{08}
e`taa cyau`tnaani' te kR^i`taa varShi'ShThaani` parii'Nasaa |
hR^i`daa vii`Dv adhaarayaH || {8}{077}{09}
vishvet taa viShNu`r aabha'rad urukra`mas tveShi'taH |
sha`tam ma'hi`Shaan kShii'rapaa`kam o'da`naM va'raa`ham indra' emu`Sham || {8}{077}{10}
tu`vi`kShaM te` sukR^i'taM suu`mayaM` dhanuH' saa`dhur bu`ndo hi'ra`NyayaH' |
u`bhaa te' baa`huu raNyaa` susaM'skR^ita R^iduu`pe ci'd R^iduu`vR^idhaa' || {8}{077}{11}


(687)
pu`ro`LaashaM' no` andha'sa` indra' sa`hasra`m aa bha'ra |
sha`taa ca' shuura` gonaa'm || {8}{078}{01}
aa no' bhara` vya~nja'naM` gaam ashva'm a`bhya~nja'nam |
sacaa' ma`naa hi'ra`Nyayaa' || {8}{078}{02}
u`ta naH' karNa`shobha'naa pu`ruuNi' dhR^iShNa`v aa bha'ra |
tvaM hi shR^i'Nvi`She va'so || {8}{078}{03}
nakiiM' vR^idhii`ka i'ndra te` na su`Shaa na su`daa u`ta |
naanyas tvac Chuu'ra vaa`ghataH' || {8}{078}{04}
nakii`m indro` nika'rtave` na sha`kraH pari'shaktave |
vishvaM' shR^iNoti` pashya'ti || {8}{078}{05}
sa ma`nyum martyaa'naa`m ada'bdho` ni ci'kiiShate |
pu`raa ni`dash ci'kiiShate || {8}{078}{06}
kratva` it puu`rNam u`daraM' tu`rasyaa'sti vidha`taH |
vR^i`tra`ghnaH so'ma`paavnaH' || {8}{078}{07}
tve vasuu'ni` saMga'taa` vishvaa' ca soma` saubha'gaa |
su`daatv apa'rihvR^itaa || {8}{078}{08}
tvaam id ya'va`yur mama` kaamo' ga`vyur hi'raNya`yuH |
tvaam a'shva`yur eSha'te || {8}{078}{09}
taved i'ndraa`ham aa`shasaa` haste` daatraM' ca`naa da'de |
di`nasya' vaa maghava`n sambhR^i'tasya vaa puu`rdhi yava'sya kaa`shinaa' || {8}{078}{10}


(688)
a`yaM kR^i`tnur agR^i'bhiito vishva`jid u`dbhid it somaH' |
R^iShi`r vipraH` kaavye'na || {8}{079}{01}
a`bhy uurNoti` yan na`gnam bhi`Shakti` vishvaM` yat tu`ram |
prem a`ndhaH khya`n niH shro`No bhuu't || {8}{079}{02}
tvaM so'ma tanuu`kR^idbhyo` dveSho'bhyo .a`nyakR^i'tebhyaH |
u`ru ya`ntaasi` varuu'tham || {8}{079}{03}
tvaM ci`ttii tava` dakShai'r di`va aa pR^i'thi`vyaa R^i'jiiShin |
yaavii'r a`ghasya' ci`d dveShaH' || {8}{079}{04}
a`rthino` yanti` ced arthaM` gacChaa`n id da`duSho' raa`tim |
va`vR^i`jyus tR^iShya'taH` kaama'm || {8}{079}{05}
vi`dad yat puu`rvyaM na`ShTam ud ii'm R^itaa`yum ii'rayat |
prem aayu's taarii`d atii'rNam || {8}{079}{06}
su`shevo' no mR^iLa`yaaku`r adR^i'ptakratur avaa`taH |
bhavaa' naH soma` shaM hR^i`de || {8}{079}{07}
maa naH' soma` saM vii'vijo` maa vi bii'bhiShathaa raajan |
maa no` haardi' tvi`Shaa va'dhiiH || {8}{079}{08}
ava` yat sve sa`dhasthe' de`vaanaaM' durma`tiir iikShe' |
raaja`nn apa` dviShaH' sedha` miiDhvo` apa` sridhaH' sedha || {8}{079}{09}


(689)
na`hy akp nyam ba`Laaka'ram marDi`taaraM' shatakrato |
tvaM na' indra mR^iLaya || {8}{080}{01}
yo naH` shashva't pu`raavi`thaamR^i'dhro` vaaja'saataye |
sa tvaM na' indra mR^iLaya || {8}{080}{02}
kim a`~Nga ra'dhra`coda'naH sunvaa`nasyaa'vi`ted a'si |
ku`vit sv ai'ndra NaH` shakaH' || {8}{080}{03}
indra` pra No` ratha'm ava pa`shcaac ci`t santa'm adrivaH |
pu`rastaa'd am me kR^idhi || {8}{080}{04}
hanto` nu kim aa'sase pratha`maM no` rathaM' kR^idhi |
u`pa`maM vaa'ja`yu shravaH' || {8}{080}{05}
avaa' no vaaja`yuM rathaM' su`karaM' te` kim it pari' |
a`smaan su ji`gyuSha's kR^idhi || {8}{080}{06}
indra` dR^ihya'sva` puur a'si bha`draa ta' eti niShkR^i`tam |
i`yaM dhiir R^i`tviyaa'vatii || {8}{080}{07}
maa sii'm ava`dya aa bhaa'g u`rvii kaaShThaa' hi`taM dhana'm |
a`paavR^i'ktaa ara`tnayaH' || {8}{080}{08}
tu`riiyaM` naama' ya`j~niyaM' ya`daa kara`s tad u'shmasi |
aad it pati'r na ohase || {8}{080}{09}
avii'vR^idhad vo amR^itaa` ama'ndiid eka`dyuur de'vaa u`ta yaash ca' deviiH |
tasmaa' u` raadhaH' kR^iNuta prasha`stam praa`tar ma`kShuu dhi`yaava'sur jagamyaat || {8}{080}{10}


(690)
aa tuu na' indra kShu`mantaM' ci`traM graa`bhaM saM gR^i'bhaaya |
ma`haa`ha`stii dakShi'Na || {8}{081}{01}
vi`dmaa hi tvaa' tuvikuu`rmiM tu`vide'ShNaM tu`viima'gham |
tu`vi`maa`tram avo'bhiH || {8}{081}{02}
na`hi tvaa' shuura de`vaa na martaa'so` ditsa'ntam |
bhii`maM na gaaM vaa`raya'nte || {8}{081}{03}
eto` nv indraM` stavaa`meshaa'naM` vasvaH' sva`raaja'm |
na raadha'saa mardhiShan naH || {8}{081}{04}
pra sto'Sha`d upa' gaasiSha`c Chrava`t saama' gii`yamaa'nam |
a`bhi raadha'saa jugurat || {8}{081}{05}
aa no' bhara` dakShi'Naa`bhi sa`vya` pra mR^i'sha |
indra` maa no` vaso`r nir bhaa'k || {8}{081}{06}
upa' krama`svaa bha'ra dhR^iSha`taa dhR^i'ShNo` janaa'naam |
adaa'shuuShTarasya` vedaH' || {8}{081}{07}
indra` ya u` nu te` asti` vaajo` vipre'bhiH` sani'tvaH |
a`smaabhiH` su taM sa'nuhi || {8}{081}{08}
sa`dyo`juva's te` vaajaa' a`smabhyaM' vi`shvashca'ndraaH |
vashai'sh ca ma`kShuu ja'rante || {8}{081}{09}


(691)
aa pra dra'va paraa`vato' .arvaa`vata'sh ca vR^itrahan |
madhvaH` prati` prabha'rmaNi || {8}{082}{01}
tii`vraaH somaa'sa` aa ga'hi su`taaso' maadayi`ShNavaH' |
pibaa' da`dhR^ig yatho'ci`She || {8}{082}{02}
i`Shaa ma'nda`svaad u` te .a'raM` varaa'ya ma`nyave' |
bhuva't ta indra` shaM hR^i`de || {8}{082}{03}
aa tv ashatra`v aa ga'hi` ny ukp kthaani' ca huuyase |
u`pa`me ro'ca`ne di`vaH || {8}{082}{04}
tubhyaa`yam adri'bhiH su`to gobhiH' shrii`to madaa'ya` kam |
pra soma' indra huuyate || {8}{082}{05}
indra' shru`dhi su me` hava'm a`sme su`tasya` goma'taH |
vi pii`tiM tR^i`ptim a'shnuhi || {8}{082}{06}
ya i'ndra cama`seShv aa soma'sh ca`muuShu' te su`taH |
pibed a'sya` tvam ii'shiShe || {8}{082}{07}
yo a`psu ca`ndramaa' iva` soma'sh ca`muuShu` dadR^i'she |
pibed a'sya` tvam ii'shiShe || {8}{082}{08}
yaM te' shye`naH pa`daabha'rat ti`ro rajaaM`sy aspR^i'tam |
pibed a'sya` tvam ii'shiShe || {8}{082}{09}


(692)
de`vaanaa`m id avo' ma`hat tad aa vR^i'Niimahe va`yam |
vR^iShNaa'm a`smabhya'm uu`taye' || {8}{083}{01}
te naH' santu` yujaH` sadaa` varu'No mi`tro a'rya`maa |
vR^i`dhaasa'sh ca` prace'tasaH || {8}{083}{02}
ati' no viShpi`taa pu`ru nau`bhir a`po na pa'rShatha |
yuu`yam R^i`tasya' rathyaH || {8}{083}{03}
vaa`maM no' astv aryaman vaa`maM va'ruNa` shaMsya'm |
vaa`maM hy aavR^iNii`mahe' || {8}{083}{04}
vaa`masya` hi pra'cetasa` iishaa'naasho rishaadasaH |
nem aa'dityaa a`ghasya` yat || {8}{083}{05}
va`yam id vaH' sudaanavaH kShi`yanto` yaanto` adhva`nn aa |
devaa' vR^i`dhaaya' huumahe || {8}{083}{06}
adhi' na indraiShaaM` viShNo' sajaa`tyaanaam |
i`taa maru'to` ashvi'naa || {8}{083}{07}
pra bhraa'tR^i`tvaM su'daana`vo .a'dha dvi`taa sa'maa`nyaa |
maa`tur garbhe' bharaamahe || {8}{083}{08}
yuu`yaM hi ShThaa su'daanava` indra'jyeShThaa a`bhidya'vaH |
adhaa' cid va u`ta bru've || {8}{083}{09}


(693)
preShThaM' vo` ati'thiM stu`She mi`tram i'va pri`yam |
a`gniM rathaM` na vedya'm || {8}{084}{01}
ka`vim i'va` prace'tasaM` yaM de`vaaso` adha' dvi`taa |
ni martye'Shv aada`dhuH || {8}{084}{02}
tvaM ya'viShTha daa`shuSho` nR^Im+H paa'hi shR^iNu`dhii giraH' |
rakShaa' to`kam u`ta tmanaa' || {8}{084}{03}
kayaa' te agne a~Ngira` uurjo' napaa`d upa'stutim |
varaa'ya deva ma`nyave' || {8}{084}{04}
daashe'ma` kasya` mana'saa ya`j~nasya' sahaso yaho |
kad u' voca i`daM namaH' || {8}{084}{05}
adhaa` tvaM hi na`s karo` vishvaa' a`smabhyaM' sukShi`tiiH |
vaaja'draviNaso` giraH' || {8}{084}{06}
kasya' nuu`nam parii'Naso` dhiyo' jinvasi dampate |
goShaa'taa` yasya' te` giraH' || {8}{084}{07}
tam ma'rjayanta su`kratu'm puro`yaavaa'nam aa`jiShu' |
sveShu` kShaye'Shu vaa`jina'm || {8}{084}{08}
kSheti` kSheme'bhiH saa`dhubhi`r naki`r yaM ghnanti` hanti` yaH |
agne' su`viira' edhate || {8}{084}{09}


(694)
aa me` havaM' naasa`tyaashvi'naa` gacCha'taM yu`vam |
madhvaH` soma'sya pii`taye' || {8}{085}{01}
i`mam me` stoma'm ashvine`mam me' shR^iNutaM` hava'm |
madhvaH` soma'sya pii`taye' || {8}{085}{02}
a`yaM vaaM` kR^iShNo' ashvinaa` hava'te vaajiniivasuu |
madhvaH` soma'sya pii`taye' || {8}{085}{03}
shR^i`Nu`taM ja'ri`tur havaM` kR^iShNa'sya stuva`to na'raa |
madhvaH` soma'sya pii`taye' || {8}{085}{04}
Cha`rdir ya'nta`m adaa'bhyaM` vipraa'ya stuva`te na'raa |
madhvaH` soma'sya pii`taye' || {8}{085}{05}
gacCha'taM daa`shuSho' gR^i`ham i`tthaa stu'va`to a'shvinaa |
madhvaH` soma'sya pii`taye' || {8}{085}{06}
yu`~njaathaaM` raasa'bhaM` rathe' vii`Dva~Nge vR^iShaNvasuu |
madhvaH` soma'sya pii`taye' || {8}{085}{07}
tri`va`ndhu`ra' tri`vR^itaa` rathe`naa yaa'tam ashvinaa |
madhvaH` soma'sya pii`taye' || {8}{085}{08}
nuu me` giro' naasa`tyaashvi'naa` praava'taM yu`vam |
madhvaH` soma'sya pii`taye' || {8}{085}{09}


(695)
u`bhaa hi da`sraa bhi`Shajaa' mayo`bhuvo`bhaa dakSha'sya` vaca'so babhuu`vathuH' |
taa vaaM` vishva'ko havate tanuukR^i`the maa no` vi yau'ShTaM sa`khyaa mu`moca'tam || {8}{086}{01}
ka`thaa nuu`naM vaaM` vima'naa` upa' stavad yu`vaM dhiyaM' dadathu`r vasya.a'iShTaye |
taa vaaM` vishva'ko havate tanuukR^i`the maa no` vi yau'ShTaM sa`khyaa mu`moca'tam || {8}{086}{02}
yu`vaM hi Shmaa' purubhuje`mam e'dha`tuM vi'ShNaa`pve da`dathu`r vasya.a'iShTaye |
taa vaaM` vishva'ko havate tanuukR^i`the maa no` vi yau'ShTaM sa`khyaa mu`moca'tam || {8}{086}{03}
u`ta tyaM vii`raM dha'na`saam R^i'jii`ShiNaM' duu`re ci`t santa`m ava'se havaamahe |
yasya` svaadi'ShThaa suma`tiH pi`tur ya'thaa` maa no` vi yau'ShTaM sa`khyaa mu`moca'tam || {8}{086}{04}
R^i`ta' de`vaH sa'vi`taa sha'maayata R^i`tasya` shR^i~Nga'm urvi`yaa vi pa'prathe |
R^i`taM saa'saaha` mahi' cit pR^itanya`to maa no` vi yau'ShTaM sa`khyaa mu`moca'tam || {8}{086}{05}


(696)
dyu`mnii vaaM` stomo' ashvinaa` krivi`r na seka` aa ga'tam |
madhvaH' su`tasya` sa di`vi pri`yo na'raa paa`taM gau`raav i`veri'Ne || {8}{087}{01}
piba'taM gha`rmam madhu'mantam ashvi`naa ba`rhiH sii'dataM naraa |
taa ma'ndasaa`naa manu'Sho duro`Na aa ni paa'taM` veda'saa` vayaH' || {8}{087}{02}
aa vaaM` vishvaa'bhir uu`tibhiH' pri`yame'dhaa ahuuShata |
taa va`rtir yaa'ta`m upa' vR^i`ktaba'rhiSho` juShTaM' ya`j~naM divi'ShTiShu || {8}{087}{03}
piba'taM` soma`m madhu'mantam ashvi`naa ba`rhiH sii'dataM su`mat |
taa vaa'vR^idhaa`naa upa' suShTu`tiM di`vo ga`ntaM gau`raav i`veri'Nam || {8}{087}{04}
aa nuu`naM yaa'tam ashvi`naashve'bhiH pruShi`tapsu'bhiH |
dasraa` hira'Nyavartanii shubhas patii paa`taM soma'm R^itaavR^idhaa || {8}{087}{05}
va`yaM hi vaaM` havaa'mahe vipa`nyavo` vipraa'so` vaaja'saataye |
taa va`lguu da`sraa pu'ru`daMsa'saa dhi`yaashvi'naa shru`ShTy aa ga'tam || {8}{087}{06}


(697)
taM vo' da`smam R^i'tii`ShahaM` vaso'r mandaa`nam andha'saH |
a`bhi va`tsaM na svasa'reShu dhe`nava` indraM' gii`rbhir na'vaamahe || {8}{088}{01}
dyu`kShaM su`daanuM` tavi'Shiibhi`r aavR^i'taM gi`riM na pu'ru`bhoja'sam |
kShu`mantaM` vaajaM' sha`tinaM' saha`sriNa'm ma`kShuu goma'ntam iimahe || {8}{088}{02}
na tvaa' bR^i`hanto` adra'yo` vara'nta indra vii`LavaH' |
yad ditsa'si stuva`te maava'te` vasu` naki`Sh Tad aa mi'naati te || {8}{088}{03}
yoddhaa'si` kratvaa` shava'so`ta daM`sanaa` vishvaa' jaa`taabhi ma`jmanaa' |
aa tvaa`yam a`rka uu`taye' vavartati` yaM gota'maa` ajii'janan || {8}{088}{04}
pra hi ri'ri`kSha oja'saa di`vo ante'bhya`s pari' |
na tvaa' vivyaaca` raja' indra` paarthi'va`m anu' sva`dhaaM va'vakShitha || {8}{088}{05}
nakiH` pari'ShTir maghavan ma`ghasya' te` yad daa`shuShe' dasha`syasi' |
a`smaaka'm bodhy u`catha'sya codi`taa maMhi'ShTho` vaaja'saataye || {8}{088}{06}


(698)
bR^i`had indraa'ya gaayata` maru'to vR^itra`hanta'mam |
ya` jyoti`r aja'nayann R^itaa`vR^idho' de`vaM de`vaaya` jaagR^i'vi || {8}{089}{01}
apaa'dhamad a`bhisha'stiir ashasti`haathdro' dyu`mny aabha'vat |
de`vaas ta' indra sa`khyaaya' yemire` bR^iha'dbhaano` maru'dgaNa || {8}{089}{02}
pra va` indraa'ya bR^iha`te maru'to` brahmaa'rcata |
vR^i`traM ha'nati vR^itra`haa sha`takra'tu`r vajre'Na sha`tapa'rvaNaa || {8}{089}{03}
a`bhi pra bha'ra dhR^iSha`taa dhR^i'ShanmanaH` shrava'sh cit te asad bR^i`hat |
arSha`ntv aapo` java'saa` vi maa`taro` hano' vR^i`traM jayaa` svaH || {8}{089}{04}
yaj jaaya'thaa apuurvya` magha'van vR^itra`hatyaa'ya |
tat pR^i'thi`viim a'prathaya`s tad a'stabhnaa u`ta dyaam || {8}{089}{05}
tat te' ya`j~no a'jaayata` tad a`rka u`ta haskR^i'tiH |
tad vishva'm abhi`bhuur a'si` yaj jaa`taM yac ca` jantva'm || {8}{089}{06}
aa`maasu' pa`kvam aira'ya` aa suuryaM' rohayo di`vi |
gha`rmaM na saama'n tapataa suvR^i`ktibhi`r juShTaM` girva'Nase bR^i`hat || {8}{089}{07}


(699)
aa no` vishvaa'su` havya` indraH' sa`matsu' bhuuShatu |
upa` brahmaa'Ni` sava'naani vR^itra`haa pa'rama`jyaa R^icii'ShamaH || {8}{090}{01}
tvaM daa`taa pra'tha`mo raadha'saam a`sy asi' sa`tya ii'shaana`kR^it |
tu`vi`dyu`mnasya` yujyaa vR^i'Niimahe pu`trasya` shava'so ma`haH || {8}{090}{02}
brahmaa' ta indra girvaNaH kri`yante` ana'tidbhutaa |
i`maa ju'Shasva haryashva` yoja`ndra` yaa te` ama'nmahi || {8}{090}{03}
tvaM hi sa`tyo ma'ghava`nn anaa'nato vR^i`traa bhuuri' nyR^i`~njase' |
sa tvaM sha'viShTha vajrahasta daa`shuShe' .a`rvaa~ncaM' ra`yim aa kR^i'dhi || {8}{090}{04}
tvam i'ndra ya`shaa a'sy R^ijii`Shii sha'vasas pate |
tvaM vR^i`traaNi' haMsy apra`tiiny eka` id anu'ttaa carShaNii`dhR^itaa' || {8}{090}{05}
tam u' tvaa nuu`nam a'sura` prace'tasaM` raadho' bhaa`gam i'vemahe |
ma`hiiva` kR^ittiH' shara`Naa ta' indra` pra te' su`mnaa no' ashnavan || {8}{090}{06}


(700)
ka`nyaaKp vaar a'vaaya`tii soma`m api' sru`taavi'dat |
asta`m bhara'nty abravii`d indraa'ya sunavai tvaa sha`kraaya' sunavai tvaa || {8}{091}{01}
a`sau ya eShi' viira`ko gR^i`haM-gR^i'haM vi`caaka'shad |
i`maM jambha'sutam piba dhaa`naava'ntaM kara`mbhiNa'm apuu`pava'ntam u`kthina'm || {8}{091}{02}
aa ca`na tvaa' cikitsaa`mo .a'dhi ca`na tvaa` nema'si |
shanai'r iva shana`kair i`vdraa'ydo` pari' srava || {8}{091}{03}
ku`vic Chaka't ku`vit kara't ku`vin no` vasya'sa`s kara't |
ku`vit pa'ti`dviSho' ya`tiir indre'Na saM`gamaa'mahai || {8}{091}{04}
i`maani` triiNi' vi`ShTapaa` taanii'ndra` vi ro'haya |
shira's ta`tasyo`rvaraa`m aad i`dam ma` upo`dare' || {8}{091}{05}
a`sau ca` yaa na' u`rvaraad i`maaM ta`nvakp m mama' |
atho' ta`tasya` yac ChiraH` sarvaa` taa ro'ma`shaa kR^i'dhi || {8}{091}{06}
khe ratha'sya` khe .a'nasaH` khe yu`gasya' shatakrato |
a`paa`laam i'ndra` triSh puu`tvy akR^i'NoH` suurya'tvacam || {8}{091}{07}


(701)
paanta`m aa vo` andha'sa` indra'm a`bhi pra gaa'yata |
vi`shvaa`saahaM' sha`takra'tu`m maMhi'ShThaM carShaNii`naam || {8}{092}{01}
pu`ru`huu`tam pu'ruShTu`taM gaa'thaa`nyakp M sana'shrutam |
indra` iti' braviitana || {8}{092}{02}
indra` in no' ma`haanaaM' daa`taa vaajaa'naaM nR^i`tuH |
ma`haam+ a'bhi`j~nv aa ya'mat || {8}{092}{03}
apaa'd u shi`pry andha'saH su`dakSha'sya praho`ShiNaH' |
indo`r indro` yavaa'shiraH || {8}{092}{04}
tam v a`bhi praarca`tdraM` soma'sya pii`taye' |
tad id dhy asya` vardha'nam || {8}{092}{05}
a`sya pii`tvaa madaa'naaM de`vo de`vasyauja'saa |
vishvaa`bhi bhuva'naa bhuvat || {8}{092}{06}
tyam u' vaH satraa`saahaM` vishvaa'su gii`rShv aaya'tam |
aa cyaa'vayasy uu`taye' || {8}{092}{07}
yu`dhmaM santa'm ana`rvaaNaM' soma`paam ana'pacyutam |
nara'm avaa`ryakra'tum || {8}{092}{08}
shikShaa' Na indra raa`ya aa pu`ru vi`dvaam+ R^i'ciiShama |
avaa' naH` paarye` dhane' || {8}{092}{09}
ata'sh cid indra Na` upaa yaa'hi sha`tavaa'jayaa |
i`Shaa sa`hasra'vaajayaa || {8}{092}{10}
ayaa'ma` dhiiva'to` dhiyo .a'rvadbhiH shakra godare |
jaye'ma pR^i`tsu va'jrivaH || {8}{092}{11}
va`yam u' tvaa shatakrato` gaavo` na yava'se`Shv aa |
u`ktheShu' raNayaamasi || {8}{092}{12}
vishvaa` hi ma'rtyatva`naanu'kaa`maa sha'takrato |
aga'nma vajrinn aa`shasaH' || {8}{092}{13}
tve su pu'tra shava`so .a'vR^itra`n kaama'kaatayaH |
na tvaam i`ndraati' ricyate || {8}{092}{14}
sa no' vR^iSha`n sani'ShThayaa` saM gho`rayaa' dravi`tnvaa |
dhi`yaavi'DDhi` puraM'dhyaa || {8}{092}{15}
yas te' nuu`naM sha'takrata`v indra' dyu`mnita'mo` madaH' |
ta' nuu`nam made' madeH || {8}{092}{16}
yas te' ci`trashra'vastamo` ya i'ndra vR^itra`hanta'maH |
ya o'jo`daata'mo` madaH' || {8}{092}{17}
vi`dmaa hi yas te' adriva`s tvaada'ttaH satya somapaaH |
vishvaa'su dasma kR^i`ShTiShu' || {8}{092}{18}
indraa'ya` madva'ne su`tam pari' ShTobhantu no` giraH' |
a`rkam a'rcantu kaa`ravaH' || {8}{092}{19}
yasmi`n vishvaa` adhi` shriyo` raNa'nti sa`pta saM`sadaH' |
indraM' su`te ha'vaamahe || {8}{092}{20}
trika'drukeShu` ceta'naM de`vaaso' ya`j~nam a'tnata |
tam id va'rdhantu no` giraH' || {8}{092}{21}
aa tvaa' visha`ntv inda'vaH samu`dram i'va` sindha'vaH |
na tvaam i`ndraati' ricyate || {8}{092}{22}
vi`vyaktha' mahi`naa vR^i'Shan bha`kShaM soma'sya jaagR^ive |
ya i'ndra ja`Thare'Shu te || {8}{092}{23}
araM' ta indra ku`kShaye` somo' bhavatu vR^itrahan |
araM` dhaama'bhya` inda'vaH || {8}{092}{24}
ara`m ashvaa'ya gaayati shru`taka'kSho` araM` gave' |
ara`m indra'sya` dhaamne' || {8}{092}{25}
araM` hi Shma' su`teShu' NaH` some'Shv indra` bhuuSha'si |
araM' te shakra daa`vane' || {8}{092}{26}
pa`raa`kaattaa'c cid adriva`s tvaaM na'kShanta no` giraH' |
araM' gamaama te va`yam || {8}{092}{27}
e`vaa hy asi' viira`yur e`vaa shuura' u`ta sthi`raH |
e`vaa te` raadhya`m manaH' || {8}{092}{28}
e`vaa raa`tis tu'viimagha` vishve'bhir dhaayi dhaa`tR^ibhiH' |
adhaa' cid indra me` sacaa' || {8}{092}{29}
mo Shu bra`hmeva' tandra`yur bhuvo' vaajaanaam pate |
matsvaa' su`tasya` goma'taH || {8}{092}{30}
maa na' indraa`bhy aaKp dishaH` suuro' a`ktuShv aa ya'man |
tvaa yu`jaa va'nema` tat || {8}{092}{31}
tvayed i'ndra yu`jaa va`yam prati' bruviimahi` spR^idhaH' |
tvam a`smaakaM` tava' smasi || {8}{092}{32}
tvaam id dhi tvaa`yavo' .anu`nonu'vata`sh caraa'n |
sakhaa'ya indra kaa`ravaH' || {8}{092}{33}


(702)
ud ghed a`bhi shru`taama'ghaM vR^iSha`bhaM naryaa'pasam |
astaa'ram eShi suurya || {8}{093}{01}
nava` yo na'va`tim puro' bi`bheda' baa`hvojasaa |
ahiM' ca vR^itra`haava'dhiit || {8}{093}{02}
sa na` indraH' shi`vaH sakhaashvaa'va`d goma`d yava'mat |
u`rudhaa'reva dohate || {8}{093}{03}
yad a`dya kac ca' vR^itrahann u`dagaa' a`bhi suu'rya |
sarvaM` tad i'ndra te` vashe' || {8}{093}{04}
yad vaa' pravR^iddha satpate` na ma'raa` iti` manya'se |
u`to tat sa`tyam it tava' || {8}{093}{05}
ye somaa'saH paraa`vati` ye a'rvaa`vati' sunvi`re |
sarvaaM`s taam+ i'ndra gacChasi || {8}{093}{06}
tam indraM' vaajayaamasi ma`he vR^i`traaya` hanta've |
sa vR^iShaa' vR^iSha`bho bhu'vat || {8}{093}{07}
indraH` sa daama'ne kR^i`ta oji'ShThaH` sa made' hi`taH |
dyu`mnii shlo`kii sa so`myaH || {8}{093}{08}
gi`raa vajro` na sambhR^i'taH` saba'lo` ana'pacyutaH |
va`va`kSha R^i`Shvo astR^i'taH || {8}{093}{09}
du`rge ci'n naH su`gaM kR^i'dhi gR^iNaa`na i'ndra girvaNaH |
tvaM ca' maghava`n vashaH' || {8}{093}{10}
yasya' te` nuu ci'd aa`dishaM` na mi`nanti' sva`raajya'm |
na de`vo naadhri'gu`r janaH' || {8}{093}{11}
adhaa' te` apra'tiShkutaM de`vii shuShmaM' saparyataH |
u`bhe su'shipra` roda'sii || {8}{093}{12}
tvam e`tad a'dhaarayaH kR^i`ShNaasu` rohi'NiiShu ca |
paru'ShNiiShu` rusha`t payaH' || {8}{093}{13}
vi yad ahe`r adha' tvi`Sho vishve' de`vaaso` akra'muH |
vi`dan mR^i`gasya` taam+ amaH' || {8}{093}{14}
aad u' me niva`ro bhu'vad vR^itra`haadi'ShTa` pauMsya'm |
ajaa'tashatru`r astR^i'taH || {8}{093}{15}
shru`taM vo' vR^itra`hanta'ma`m pra shardhaM' carShaNii`naam |
aa shu'She` raadha'se ma`he || {8}{093}{16}
a`yaa dhi`yaa ca' gavya`yaa puru'Naama`n puru'ShTuta |
yat some'-soma` aabha'vaH || {8}{093}{17}
bo`dhinma'naa` id a'stu no vR^itra`haa bhuuryaa'sutiH |
shR^i`Notu' sha`kra aa`shiSha'm || {8}{093}{18}
kayaa` tvaM na' uu`tyaabhi pra ma'ndase vR^iShan |
kayaa' sto`tR^ibhya` aa bha'ra || {8}{093}{19}
kasya` vR^iShaa' su`te sacaa' ni`yutvaa'n vR^iSha`bho ra'Nat |
vR^i`tra`haa soma'piitaye || {8}{093}{20}
a`bhii Shu Na`s tvaM ra`yim ma'ndasaa`naH sa'ha`sriNa'm |
pra`ya`ntaa bo'dhi daa`shuShe' || {8}{093}{21}
patnii'vantaH su`taa i`ma u`shanto' yanti vii`taye' |
a`paaM jagmi'r nicumpu`NaH || {8}{093}{22}
i`ShTaa hotraa' asR^ikSha`tdraM' vR^i`dhaaso' adhva`re |
acChaa'vabhR^i`tham oja'saa || {8}{093}{23}
i`ha tyaa sa'dha`maadyaa` harii` hira'Nyakeshyaa |
vo`Lhaam a`bhi prayo' hi`tam || {8}{093}{24}
tubhyaM` somaaH' su`taa i`me stii`rNam ba`rhir vi'bhaavaso |
sto`tR^ibhya` indra`m aa va'ha || {8}{093}{25}
aa te` dakShaM` vi ro'ca`naa dadha`d ratnaa` vi daa`shuShe' |
sto`tR^ibhya` indra'm arcata || {8}{093}{26}
aa te' dadhaamiindri`yam u`kthaa vishvaa' shatakrato |
sto`tR^ibhya' indra mR^iLaya || {8}{093}{27}
bha`dram-bha'draM na` aa bha`reSha`m uurjaM' shatakrato |
yad i'ndra mR^i`Layaa'si naH || {8}{093}{28}
sa no` vishvaa`ny aa bha'ra suvi`taani' shatakrato |
yad i'ndra mR^i`Layaa'si naH || {8}{093}{29}
tvaam id vR^i'trahantama su`taava'nto havaamahe |
yad i'ndra mR^i`Layaa'si naH || {8}{093}{30}
upa' no` hari'bhiH su`taM yaa`hi ma'daanaam pate |
upa' no` hari'bhiH su`tam || {8}{093}{31}
dvi`taa yo vR^i'tra`hanta'mo vi`da indraH' sha`takra'tuH |
upa' no` hari'bhiH su`tam || {8}{093}{32}
tvaM hi vR^i'trahann eShaam paa`taa somaa'naa`m asi' |
upa' no` hari'bhiH su`tam || {8}{093}{33}
indra' i`She da'daatu na R^ibhu`kShaNa'm R^i`bhuM ra`yim |
vaa`jii da'daatu vaa`jina'm || {8}{093}{34}


(703)
gaur dha'yati ma`rutaaM' shrava`syur maa`taa ma`ghonaa'm |
yu`ktaa vahnii` rathaa'naam || {8}{094}{01}
yasyaa' de`vaa u`pasthe' vra`taa vishve' dhaa`raya'nte |
suuryaa`maasaa' dR^i`she kam || {8}{094}{02}
tat su no` vishve' a`rya aa sadaa' gR^iNanti kaa`ravaH' |
ma`rutaH` soma'piitaye || {8}{094}{03}
asti` somo' a`yaM su`taH piba'nty asya ma`rutaH' |
u`ta sva`raajo' a`shvinaa' || {8}{094}{04}
piba'nti mi`tro a'rya`maa tanaa' puu`tasya` varu'NaH |
tri`Sha`dha`sthasya` jaava'taH || {8}{094}{05}
u`to nv asya` joSha`m aam+ indraH' su`tasya` goma'taH |
praa`tar hote'va matsati || {8}{094}{06}
kad a'tviShanta suu`raya's ti`ra aapa' iva` sridhaH' |
arSha'nti puu`tada'kShasaH || {8}{094}{07}
kad vo' a`dya ma`haanaaM' de`vaanaa`m avo' vR^iNe |
tmanaa' ca da`smava'rcasaam || {8}{094}{08}
aa ye vishvaa` paarthi'vaani pa`pratha'n roca`naa di`vaH |
ma`rutaH` soma'piitaye || {8}{094}{09}
tyaan nu puu`tada'kShaso di`vo vo' maruto huve |
a`sya soma'sya pii`taye' || {8}{094}{10}
tyaan nu ye vi roda'sii tasta`bhur ma`ruto' huve |
a`sya soma'sya pii`taye' || {8}{094}{11}
tyaM nu maaru'taM ga`NaM gi'ri`ShThaaM vR^iSha'NaM huve |
a`sya soma'sya pii`taye' || {8}{094}{12}


(704)
aa tvaa` giro' ra`thiir i`vaasthuH' su`teShu' girvaNaH |
a`bhi tvaa` sam a'nuuSha`tdra' va`tsaM na maa`taraH' || {8}{095}{01}
aa tvaa' shu`kraa a'cucyavuH su`taasa' indra girvaNaH |
pibaa` tv akp syaandha'sa` indra` vishvaa'su te hi`tam || {8}{095}{02}
pibaa` soma`m madaa'ya` kam indra' shye`naabhR^i'taM su`tam |
tvaM hi shashva'tiinaa`m patii` raajaa' vi`shaam asi' || {8}{095}{03}
shru`dhii havaM' tira`shcyaa indra` yas tvaa' sapa`ryati' |
su`viirya'sya` goma'to raa`yas puu'rdhi ma`haam+ a'si || {8}{095}{04}
indra` yas te` navii'yasiiM` gira'm ma`ndraam ajii'janat |
ci`ki`tvinma'nasaM` dhiya'm pra`tnaam R^i`tasya' pi`pyuShii'm || {8}{095}{05}
tam u' ShTavaama` yaM gira` indra'm u`kthaani' vaavR^i`dhuH |
pu`ruuNy a'sya` pauMsyaa` siShaa'santo vanaamahe || {8}{095}{06}
eto` nv indraM` stavaa'ma shu`ddhaM shu`ddha` saamnaa' |
shu`ddhair u`kthair vaa'vR^i`dhvaaMsaM' shu`ddha aa`shiirvaa'n mamattu || {8}{095}{07}
indra' shu`ddho na` aa ga'hi shu`ddhaH shu`ddhaabhi'r uu`tibhiH' |
shu`ddho ra`yiM ni dhaa'raya shu`ddho ma'maddhi so`myaH || {8}{095}{08}
indra' shu`ddho hi no' ra`yiM shu`ddho ratnaa'ni daa`shuShe' |
shu`ddho vR^i`traaNi' jighnase shu`ddho vaajaM' siShaasasi || {8}{095}{09}


(705)
a`smaa u`Shaasa` aati'ranta` yaama`m indraa'ya` nakta`m uurmyaaH' su`vaacaH' |
a`smaa aapo' maa`taraH' sa`pta ta'sthu`r nR^ibhya`s taraa'ya` sindha'vaH supaa`raaH || {8}{096}{01}
ati'viddhaa vithu`raa' ci`d astraa` triH sa`pta saanu` saMhi'taa girii`Naam |
na tad de`vo na martya's tuturyaa`d yaani` pravR^i'ddho vR^iSha`bhash ca`kaara' || {8}{096}{02}
indra'sya` vajra' aaya`so nimi'shla` indra'sya baa`hvor bhuuyi'ShTha`m ojaH' |
shii`rShann indra'sya` krata'vo nire`ka aa`sann eSha'nta` shrutyaa' upaa`ke || {8}{096}{03}
manye' tvaa ya`j~niyaM' ya`j~niyaa'naa`m manye' tvaa` cyava'na`m acyu'taanaam |
manye' tvaa` satva'naam indra ke`tum manye' tvaa vR^iSha`bhaM ca'rShaNii`naam || {8}{096}{04}
aa yad vajra'm baa`hvor i'ndra` dhatse' mada`cyuta`m aha'ye` hanta`vaa u' |
pra parva'taa` ana'vanta` pra gaavaH` pra bra`hmaaNo' abhi`nakSha'nta` indra'm || {8}{096}{05}
tam u' ShTavaama` ya i`maa ja`jaana` vishvaa' jaa`taany ava'raaNy asmaat |
indre'Na mi`traM di'dhiShema gii`rbhir upo` namo'bhir vR^iSha`bhaM vi'shema || {8}{096}{06}
vR^i`trasya' tvaa shva`sathaa`d iiSha'maaNaa` vishve' de`vaa a'jahu`r ye sakhaa'yaH |
ma`rudbhi'r indra sa`khyaM te' a`stv athe`maa vishvaaH` pR^ita'naa jayaasi || {8}{096}{07}
triH Sha`ShTis tvaa' ma`ruto' vaavR^idhaa`naa u`sraa i'va raa`shayo' ya`j~niyaa'saH |
upa` tvemaH' kR^i`dhi no' bhaaga`dheyaM` shuShmaM' ta e`naa ha`viShaa' vidhema || {8}{096}{08}
ti`gmam aayu'dham ma`rutaa`m anii'kaM` kas ta' indra` prati` vajraM' dadharSha |
a`naa`yu`dhaaso` asu'raa ade`vaash ca`kra` taam+ apa' vapa R^ijiiShin || {8}{096}{09}
ma`ha u`graaya' ta`vase' suvR^i`ktim prera'ya shi`vata'maaya pa`shvaH |
girvaa'hase` gira` indraa'ya puu`rviir dhe`hi ta`nve ku`vid a`~Nga veda't || {8}{096}{10}
u`kthavaa'hase vi`bhve manii`ShaaM druNaa` na paa`ram ii'rayaa na`diinaa'm |
ni spR^i'sha dhi`yaa ta'nvai shru`tasya` juShTa'tarasya ku`vid a`~Nga veda't || {8}{096}{11}
tad vi'viDDhi` yat ta` indro` jujo'Shat stu`hi su'ShTu`tiM nama`saa vi'vaasa |
upa' bhuuSha jarita`r maa ru'vaNyaH shraa`vayaa` vaacaM' ku`vid a`~Nga veda't || {8}{096}{12}
ava' dra`pso aM'shu`matii'm atiShThad iyaa`naH kR^i`ShNo da`shabhiH' sa`hasraiH' |
aava`t tam indraH` shacyaa` dhama'nta`m apa` snehi'tiir nR^i`maNaa' adhatta || {8}{096}{13}
dra`psam a'pashyaM` viShu'Ne` cara'ntam upahva`re na`dyo aMshu`matyaaH' |
nabho` na kR^i`ShNam a'vatasthi`vaaMsa`m iShyaa'mi vo vR^iShaNo` yudhya'taa`jau || {8}{096}{14}
adha' dra`pso aM'shu`matyaa' u`pasthe .a'dhaarayat ta`nvaM titviShaa`NaH |
visho` ade'viir a`bhy aaKp cara'ntii`r bR^iha`spati'naa yu`jdraH' sasaahe || {8}{096}{15}
tvaM ha` tyat sa`ptabhyo` jaaya'maano .asha`trubhyo' abhavaH` shatru'r indra |
guu`Lhe dyaavaa'pR^ithi`vii anv a'vindo vibhu`madbhyo` bhuva'nebhyo` raNaM' dhaaH || {8}{096}{16}
tvaM ha` tyad a'pratimaa`nam ojo` vajre'Na vajrin dhR^iShi`to ja'ghantha |
tvaM shuShNa`syaavaa'tiro` vadha'trai`s tvaM gaa i'ndra` shacyed a'vindaH || {8}{096}{17}
tvaM ha` tyad vR^i'Shabha carShaNii`naaM gha`no vR^i`traaNaaM' tavi`Sho ba'bhuutha |
tvaM sindhuu'm+r asR^ijas tastabhaa`naan tvam a`po a'jayo daa`sapa'tniiH || {8}{096}{18}
sa su`kratuu` raNi'taa` yaH su`teShv anu'ttamanyu`r yo ahe'va re`vaan |
ya eka` in nary apaaM'si` kartaa` sa vR^i'tra`haa pratiid a`nyam aa'huH || {8}{096}{19}
sa vR^i'tra`hdra'sh carShaNii`dhR^it taM su'ShTu`tyaa havyaM' huvema |
sa praa'vi`taa ma`ghavaa' no .adhiva`ktaa sa vaaja'sya shrava`syasya daa`taa || {8}{096}{20}
sa vR^i'tra`hdra' R^ibhu`kShaaH sa`dyo ja'j~naa`no havyo' babhuuva |
kR^i`Nvann apaaM'si` naryaa' pu`ruuNi` somo` na pii`to havyaH` sakhi'bhyaH || {8}{096}{21}


(706)
yaa i'ndra` bhuja` aabha'raH` svarvaa`m+ asu'rebhyaH |
sto`taara`m in ma'ghavann asya vardhaya` ye ca` tve vR^i`ktaba'rhiShaH || {8}{097}{01}
yam i'ndra dadhi`She tvam ashvaM` gaam bhaa`gam avya'yam |
yaja'maane sunva`ti dakShi'Naavati` tasmi`n taM dhe'hi` maa pa`Nau || {8}{097}{02}
ya i'ndra` sasty a'vra`to .anu`Shvaapa`m ade'vayuH |
svaiH Sha evai'r mumura`t poShyaM' ra`yiM sa'nu`tar dhe'hi` taM tataH' || {8}{097}{03}
yac Cha`kraasi' paraa`vati` yad a'rvaa`vati' vR^itrahan |
ata's tvaa gii`rbhir dyu`gad i'ndra ke`shibhiH' su`taavaa`m+ aa vi'vaasati || {8}{097}{04}
yad vaasi' roca`ne di`vaH sa'mu`drasyaadhi' vi`ShTapi' |
yat paarthi've` sada'ne vR^itrahantama` yad a`ntari'kSha` aa ga'hi || {8}{097}{05}
sa naH` some'Shu somapaaH su`teShu' shavasas pate |
maa`daya'sva` raadha'saa suu`nR^itaa'va`tdra' raa`yaa parii'Nasaa || {8}{097}{06}
maa na' indra` paraa' vR^iNa`g bhavaa' naH sadha`maadyaH' |
tvaM na' uu`tii tvam in na` aapya`m maa na' indra` paraa' vR^iNak || {8}{097}{07}
a`sme i'ndra` sacaa' su`te ni Sha'daa pii`taye` madhu' |
kR^i`dhii ja'ri`tre ma'ghava`nn avo' ma`had a`sme i'ndra` sacaa' su`te || {8}{097}{08}
na tvaa' de`vaasa' aashata` na martyaa'so adrivaH |
vishvaa' jaa`taani` shava'saabhi`bhuur a'si` na tvaa' de`vaasa' aashata || {8}{097}{09}
vishvaaH` pR^ita'naa abhi`bhuuta'raM` naraM' |
sa`juus ta'takShu`r indraM' jaja`nush ca' raa`jase' |
kratvaa` vari'ShThaM` vara' aa`muri'm u`togram oji'ShThaM ta`vasaM' tara`svina'm || {8}{097}{10}
sam iiM' re`bhaaso' asvara`nn indraM` soma'sya pii`taye' |
svarpatiM` yad iiM' vR^i`dhe dhR^i`tavra'to` hy oja'saa` sam uu`tibhiH' || {8}{097}{11}
ne`miM na'manti` cakSha'saa me`ShaM vipraa' abhi`svaraa' |
su`dii`tayo' vo a`druho .a'pi` karNe' tara`svinaH` sam R^ikva'bhiH || {8}{097}{12}
tam indraM' johaviimi ma`ghavaa'nam u`graM |
sa`traa dadhaa'na`m apra'tiShkutaM` shavaaM'si |
maMhi'ShTho gii`rbhir aa ca' ya`j~niyo' va`varta'd |
raa`ye no` vishvaa' su`pathaa' kR^iNotu va`jrii || {8}{097}{13}
tvam pura' indra ci`kid e'naa` vy oja'saa shaviShTha shakra naasha`yadhyai' |
tvad vishvaa'ni` bhuva'naani vajri`n dyaavaa' rejete pR^ithi`vii ca' bhii`Shaa || {8}{097}{14}
tan ma' R^i`tam i'ndra shuura citra paatv a`po na va'jrin duri`taati' parShi` bhuuri' |
ka`daa na' indra raa`ya aa da'shasyer vi`shvapsnya'sya spR^iha`yaayya'sya raajan || {8}{097}{15}


(707)
indraa'ya` saama' gaayata` vipraa'ya bR^iha`te bR^i`hat |
dha`rma`kR^ite' vipa`shcite' pana`syave' || {8}{098}{01}
tvam i'ndraabhi`bhuur a'si` tvaM suurya'm arocayaH |
vi`shvaka'rmaa vi`shvade'vo ma`haam+ a'si || {8}{098}{02}
vi`bhraaja`~n jyoti'Shaa` svakp r aga'cCho roca`naM di`vaH |
de`vaas ta' indra sa`khyaaya' yemire || {8}{098}{03}
dra' no gadhi pri`yaH sa'traa`jid ago'hyaH |
gi`rir na vi`shvata's pR^i`thuH pati'r di`vaH || {8}{098}{04}
a`bhi hi sa'tya somapaa u`bhe ba`bhuutha` roda'sii |
indraasi' sunva`to vR^i`dhaH pati'r di`vaH || {8}{098}{05}
tvaM hi shashva'tiinaa`m indra' da`rtaa pu`raam asi' |
ha`ntaa dasyo`r mano'r vR^i`dhaH pati'r di`vaH || {8}{098}{06}
adhaa` hiindra girvaNa` upa' tvaa` kaamaa'n ma`haH sa'sR^i`jmahe' |
u`deva` yanta' u`dabhiH' || {8}{098}{07}
vaar Na tvaa' ya`vyaabhi`r vardha'nti shuura` brahmaa'Ni |
vaa`vR^i`dhvaaMsaM' cid adrivo di`ve-di've || {8}{098}{08}
yu`~njanti` harii' iShi`rasya` gaatha'yo`rau ratha' u`ruyu'ge |
i`ndra`vaahaa' vaco`yujaa' || {8}{098}{09}
tvaM na' i`ndraa bha'ra`m+ ojo' nR^i`mNaM sha'takrato vicarShaNe |
aa vii`ram pR^i'tanaa`Shaha'm || {8}{098}{10}
tvaM hi naH' pi`taa va'so` tvam maa`taa sha'takrato ba`bhuuvi'tha |
adhaa' te su`mnam ii'mahe || {8}{098}{11}
tvaaM shu'Shmin puruhuuta vaaja`yanta`m upa' bruve shatakrato |
sa no' raasva su`viirya'm || {8}{098}{12}


(708)
tvaam i`daa hyo naro .a'piipyan vajri`n bhuurNa'yaH |
sa i'ndra` stoma'vaahasaam i`ha shru`dhy upa` svasa'ra`m aa ga'hi || {8}{099}{01}
matsvaa' sushipra hariva`s tad ii'mahe` tve aa bhuu'Shanti ve`dhasaH' |
tava` shravaaM'sy upa`maany u`kthyaa su`teShv i'ndra girvaNaH || {8}{099}{02}
shraaya'nta iva` suuryaM` vishved indra'sya bhakShata |
vasuu'ni jaa`te jana'maana` oja'saa` prati' bhaa`gaM na dii'dhima || {8}{099}{03}
ana'rsharaatiM vasu`daam upa' stuhi bha`draa indra'sya raa`tayaH' |
so a'sya` kaamaM' vidha`to na ro'Shati` mano' daa`naaya' co`daya'n || {8}{099}{04}
tvam i'ndra` pratuu'rtiShv a`bhi vishvaa' asi` spR^idhaH' |
a`sha`sti`haa ja'ni`taa vi'shva`tuur a'si` tvaM tuu'rya taruShya`taH || {8}{099}{05}
anu' te` shuShmaM' tu`raya'ntam iiyatuH kSho`Nii shishuM` na maa`taraa' |
vishvaa's te` spR^idhaH' shnathayanta ma`nyave' vR^i`traM yad i'ndra` tuurva'si || {8}{099}{06}
i`ta uu`tii vo' a`jara'm prahe`taara`m apra'hitam |
aa`shuM jetaa'raM` hetaa'raM ra`thiita'ma`m atuu'rtaM tugryaa`vR^idha'm || {8}{099}{07}
i`Shka`rtaara`m ani'ShkR^itaM` saha'skR^itaM sha`tamuu'tiM sha`takra'tum |
sa`maa`nam indra`m ava'se havaamahe` vasa'vaanaM vasuu`juva'm || {8}{099}{08}


(709)
a`yaM ta' emi ta`nvaa pu`rastaa`d vishve' de`vaa a`bhi maa' yanti pa`shcaat |
ya`daa mahyaM` diidha'ro bhaa`gam i`ndraad in mayaa' kR^iNavo vii`ryaaNi || {8}{100}{01}
dadhaa'mi te` madhu'no bha`kSham agre' hi`tas te' bhaa`gaH su`to a'stu` somaH' |
asa'sh ca` tvaM da'kShiNa`taH sakhaa` me .a'dhaa vR^i`traaNi' ja~Nghanaava` bhuuri' || {8}{100}{02}
pra su stoma'm bharata vaaja`yanta` indraa'ya sa`tyaM yadi' sa`tyam asti' |
ndro' a`stiiti` nema' u tva aaha` ka iiM' dadarsha` kam a`bhi ShTa'vaama || {8}{100}{03}
a`yam a'smi jaritaH` pashya' me`ha vishvaa' jaa`taany a`bhy asmi ma`hnaa |
R^i`tasya' maa pra`disho' vardhayanty aadardi`ro bhuva'naa dardariimi || {8}{100}{04}
aa yan maa' ve`naa aru'hann R^i`tasya`m+ eka`m aasii'naM harya`tasya' pR^i`ShThe |
mana'sh cin me hR^i`da aa praty a'voca`d aci'krada`~n Chishu'mantaH` sakhaa'yaH || {8}{100}{05}
vishvet taa te` sava'neShu pra`vaacyaa` yaa ca`kartha' maghavann indra sunva`te |
paaraa'vataM` yat pu'rusambhR^i`taM vasv a`paavR^i'NoH shara`bhaaya` R^iShi'bandhave || {8}{100}{06}
pra nuu`naM dhaa'vataa` pR^itha`~N neha yo vo` avaa'variit |
ni ShiiM' vR^i`trasya` marma'Ni` vajra`m indro' apiipatat || {8}{100}{07}
mano'javaa` aya'maana aaya`siim a'tara`t pura'm |
divaM' supa`rNo ga`tvaaya` somaM' va`jriNa` aabha'rat || {8}{100}{08}
sa`mu`dre a`ntaH sha'yata u`dnaa vajro' a`bhiivR^i'taH |
bhara'nty asmai saM`yataH' pu`raHpra'sravaNaa ba`lim || {8}{100}{09}
yad vaag vada'nty aviceta`naani` raaShTrii' de`vaanaaM' niSha`saada' ma`ndraa |
cata'sra` uurjaM' duduhe` payaaM'si` kva svid asyaaH para`maM ja'gaama || {8}{100}{10}
de`viiM vaaca'm ajanayanta de`vaas taaM vi`shvaruu'paaH pa`shavo' vadanti |
saa no' ma`ndreSha`m uurjaM` duhaa'naa dhe`nur vaag a`smaan upa` suShTu`taitu' || {8}{100}{11}
sakhe' viShNo vita`raM vi kra'masva` dyaur de`hi lo`kaM vajraa'ya vi`Shkabhe' |
hanaa'va vR^i`traM ri`Nacaa'va` sindhuu`n indra'sya yantu prasa`ve visR^i'ShTaaH || {8}{100}{12}


(710)
R^idha'g i`tthaa sa martyaH' shasha`me de`vataa'taye |
yo nuu`nam mi`traavaru'Naav a`bhiShTa'ya aaca`kre ha`vyadaa'taye || {8}{101}{01}
varShi'ShThakShatraa uru`cakSha'saa` naraa` raajaa'naa diirgha`shrutta'maa |
taa baa`hutaa` na daM`sanaa' ratharyataH saa`kaM suurya'sya ra`shmibhiH' || {8}{101}{02}
pra yo vaa'm mitraavaruNaaji`ro duu`to adra'vat |
ayaH'shiirShaa` made'raghuH || {8}{101}{03}
na yaH sa`mpR^icChe` na puna`r havii'tave` na saM'vaa`daaya` rama'te |
tasmaa'n no a`dya samR^i'ter uruShyatam baa`hubhyaaM' na uruShyatam || {8}{101}{04}
pra mi`traaya` praarya`mNe sa'ca`thyam R^itaavaso |
va`ruu`thyakp M varu'Ne` ChandyaM` vaca' sto`traM raaja'su gaayata || {8}{101}{05}
te hi'nvire aru`NaM jyaM` vasv eka'm pu`traM ti'sR^I`Naam |
te dhaamaa'ny a`mR^itaa` martyaa'naa`m ada'bdhaa a`bhi ca'kShate || {8}{101}{06}
aa me` vacaaM`sy udya'taa dyu`matta'maani` kartvaa' |
u`bhaa yaa'taM naasatyaa sa`joSha'saa` prati' ha`vyaani' vii`taye' || {8}{101}{07}
raa`tiM yad vaa'm ara`kShasaM` havaa'mahe yu`vaabhyaaM' vaajiniivasuu |
praaciiM` hotraa'm prati`rantaa'v itaM naraa gR^iNaa`naa ja`mada'gninaa || {8}{101}{08}
aa no' ya`j~naM di'vi`spR^ishaM` vaayo' yaa`hi su`manma'bhiH |
a`ntaH pa`vitra' u`pari' shriiNaa`no .a`yaM shu`kro a'yaami te || {8}{101}{09}
vety a'dhva`ryuH pa`thibhii` raji'ShThaiH` prati' ha`vyaani' vii`taye' |
adhaa' niyutva u`bhaya'sya naH piba` shuciM` somaM` gavaa'shiram || {8}{101}{10}
baN ma`haam+ a'si suurya` baL aa'ditya ma`haam+ a'si |
ma`has te' sa`to ma'hi`maa pa'nasyate .a`ddhaa de'va ma`haam+ a'si || {8}{101}{11}
baT suu'rya` shrava'saa ma`haam+ a'si sa`traa de'va ma`haam+ a'si |
ma`hnaa de`vaanaa'm asu`ryaH pu`rohi'to vi`bhu jyoti`r adaa'bhyam || {8}{101}{12}
i`yaM yaa niicy a`rkiNii' ruu`paa rohi'Nyaa kR^i`taa |
ci`treva` praty a'darshy aaya`ty akp ntar da`shasu' baa`huShu' || {8}{101}{13}
pra`jaa ha' ti`sro a`tyaaya'm iiyu`r ny akp nyaa a`rkam a`bhito' vivishre |
bR^i`had dha' tasthau` bhuva'neShv a`ntaH pava'maano ha`rita` aa vi'vesha || {8}{101}{14}
maa`taa ru`draaNaaM' duhi`taa vasuu'naaM` svasaa'di`tyaanaa'm a`mR^ita'sya` naabhiH' |
pra nu vo'caM ciki`tuShe` janaa'ya` maa gaam anaa'gaa`m adi'tiM vadhiShTa || {8}{101}{15}
va`co`vidaM` vaaca'm udii`raya'ntiiM` vishvaa'bhir dhii`bhir u'pa`tiShTha'maanaam |
de`viiM de`vebhyaH` pary e`yuShiiM` gaam aa maa'vR^ikta` martyo' da`bhrace'taaH || {8}{101}{16}


(711)
tvam a'gne bR^i`had vayo` dadhaa'si deva daa`shuShe' |
ka`vir gR^i`hapa'ti`r yuvaa' || {8}{102}{01}
sa na` iiLaa'nayaa sa`ha de`vaam+ a'gne duva`syuvaa' |
ci`kid vi'bhaana`v aa va'ha || {8}{102}{02}
tvayaa' ha svid yu`jaa va`yaM codi'ShTha yaviShThya |
a`bhi Shmo` vaaja'saataye || {8}{102}{03}
au`rva`bhR^i`gu`vac Chuci'm apnavaana`vad aa hu've |
a`gniM sa'mu`dravaa'sasam || {8}{102}{04}
hu`ve vaata'svanaM ka`vim pa`rjanya'krandyaM` sahaH' |
a`gniM sa'mu`dravaa'sasam || {8}{102}{05}
aa sa`vaM sa'vi`tur ya'thaa` bhaga'syeva bhu`jiM hu've |
a`gniM sa'mu`dravaa'sasam || {8}{102}{06}
a`gniM vo' vR^i`dhanta'm adhva`raaNaa'm puruu`tama'm |
acChaa` naptre` saha'svate || {8}{102}{07}
a`yaM yathaa' na aa`bhuva`t tvaShTaa' ruu`peva` takShyaa' |
a`sya kratvaa` yasha'svataH || {8}{102}{08}
a`yaM vishvaa' a`bhi shriyo' .a`gnir de`veShu' patyate |
aa vaajai`r upa' no gamat || {8}{102}{09}
vishve'Shaam i`ha stu'hi` hotR^I'NaaM ya`shasta'mam |
a`gniM ya`j~neShu' puu`rvyam || {8}{102}{10}
shii`ram paa'va`kasho'ciShaM` jyeShTho` yo dame`Shv aa |
dii`daaya' diirgha`shrutta'maH || {8}{102}{11}
tam arva'ntaM` na saa'na`siM gR^i'Nii`hi vi'pra shu`ShmiNa'm |
mi`traM na yaa'ta`yajja'nam || {8}{102}{12}
upa' tvaa jaa`mayo` giro` dedi'shatiir havi`ShkR^itaH' |
vaa`yor anii'ke asthiran || {8}{102}{13}
yasya' tri`dhaatv avR^i'tam ba`rhis ta`sthaav asaM'dinam |
aapa'sh ci`n ni da'dhaa pa`dam || {8}{102}{14}
pa`daM de`vasya' mii`LhuSho .a'naadhR^iShTaabhir uu`tibhiH' |
bha`draa suurya' ivopa`dR^ik || {8}{102}{15}
agne' ghR^i`tasya' dhii`tibhi's tepaa`no de'va sho`ciShaa' |
aa de`vaan va'kShi` yakShi' ca || {8}{102}{16}
taM tvaa'jananta maa`taraH' ka`viM de`vaaso' a~NgiraH |
ha`vya`vaaha`m ama'rtyam || {8}{102}{17}
prace'tasaM tvaa ka`ve .a'gne duu`taM vare'Nyam |
ha`vya`vaahaM` ni She'dire || {8}{102}{18}
na`hi me` asty aghnyaa` na svadhi'ti`r vana'nvati |
athai'taa`dR^ig bha'raami te || {8}{102}{19}
yad a'gne` kaani` kaani' ci`d aa te` daaruu'Ni da`dhmasi' |
taa ju'Shasva yaviShThya || {8}{102}{20}
yad atty u'pa`jihvi'kaa` yad va`mro a'ti`sarpa'ti |
sarvaM` tad a'stu te ghR^i`tam || {8}{102}{21}
a`gnim indhaa'no` mana'saa` dhiyaM' saceta` martyaH' |
a`gnim ii'dhe vi`vasva'bhiH || {8}{102}{22}


(712)
ada'rshi gaatu`vitta'mo` yasmi'n vra`taany aa'da`dhuH |
upo` Shu jaa`tam aarya'sya` vardha'nam a`gniM na'kShanta no` giraH' || {8}{103}{01}
pra daivo'daaso a`gnir de`vaam+ acChaa` na ma`jmanaa' |
anu' maa`tara'm pR^ithi`viiM vi vaa'vR^ite ta`sthau naaka'sya` saana'vi || {8}{103}{02}
yasmaa`d reja'nta kR^i`ShTaya'sh ca`rkR^ityaa'ni kR^iNva`taH |
sa`ha`sra`saam me`dhasaa'taav iva` tmanaa`gniM dhii`bhiH sa'paryata || {8}{103}{03}
pra yaM raa`ye ninii'Shasi` marto` yas te' vaso` daasha't |
sa vii`raM dha'tte agna ukthashaM`sinaM` tmanaa' sahasrapo`ShiNa'm || {8}{103}{04}
sa dR^i`Lhe ci'd a`bhi tR^i'Natti` vaaja`m arva'taa` sa dha'tte` akShi'ti` shravaH' |
tve de'va`traa sadaa' puruuvaso` vishvaa' vaa`maani' dhiimahi || {8}{103}{05}
yo vishvaa` daya'te` vasu` hotaa' ma`ndro janaa'naam |
madho`r na paatraa' pratha`maany a'smai` pra stomaa' yanty a`gnaye' || {8}{103}{06}
ashvaM` na gii`rbhii ra`thyaM su`daana'vo marmR^i`jyante' deva`yavaH' |
u`bhe to`ke tana'ye dasma vishpate` parShi` raadho' ma`ghonaa'm || {8}{103}{07}
pra maMhi'ShThaaya gaayata R^i`taavne' bR^iha`te shu`krasho'ciShe |
upa'stutaaso a`gnaye' || {8}{103}{08}
aa vaM'sate ma`ghavaa' vii`rava`d yashaH` sami'ddho dyu`mny aahu'taH |
ku`vin no' asya suma`tir navii'ya`sy acChaa` vaaje'bhir aa`gama't || {8}{103}{09}
preShTha'm u pri`yaaNaaM' stu`hy aasaa`vaati'thim |
a`gniM rathaa'naaM` yama'm || {8}{103}{10}
udi'taa` yo nidi'taa` vedi'taa` vasv aa ya`j~niyo' va`varta'ti |
du`ShTaraa` yasya' prava`Ne normayo' dhi`yaa vaajaM` siShaa'sataH || {8}{103}{11}
maa no' hR^iNiitaa`m ati'thi`r vasu'r a`gniH pu'ruprasha`sta e`ShaH |
yaH su`hotaa' svadhva`raH || {8}{103}{12}
mo te ri'Sha`n ye acCho'ktibhir va`so .a'gne` kebhi'sh ci`d evaiH' |
kii`rish ci`d dhi tvaam iiTTe' duu`tyaaya raa`taha'vyaH svadhva`raH || {8}{103}{13}
aagne' yaahi ma`rutsa'khaa ru`drebhiH` soma'piitaye |
sobha'ryaa` upa' suShTu`tim maa`daya'sva` svarNare || {8}{103}{14}